ಟ್ರಂಪ್ಗೆ ಮತ್ತೊಂದು ಶಾಕ್: ವಿಚ್ಛೇದನ ನೀಡಲು 3ನೇ ಪತ್ನಿ ಮೆಲಾನಿಯಾ ಸಿದ್ಧತೆ
ಸಾರಾಂಶ
ಟ್ರಂಪ್ಗೆ 3ನೇ ಪತ್ನಿ ಶೀಘ್ರ ವಿಚ್ಛೇದನ?| ಶ್ವೇತಭವನದಿಂದ ಹೊರಬರೋದನ್ನೇ ಕಾಯ್ತಿದ್ದಾರೆ ಅಮೆರಿಕದ ಪ್ರಥಮ ಮಹಿಳೆ
ವಾಷಿಂಗ್ಟನ್(ನ.09): ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಚುನಾವಣೆಯಲ್ಲಿ ಸೋಲುತ್ತಿದ್ದಂತೆ ಅವರ ಪತ್ನಿ ಮೆಲಾನಿಯಾ ಟ್ರಂಪ್ (50) ವಿಚ್ಛೇದನ ನೀಡಲು ಸಿದ್ಧತೆ ಮಾಡಿಕೊಳ್ಳುತ್ತಿದ್ದಾರೆ. ಅಧ್ಯಕ್ಷೀಯ ಅವಧಿ ಪೂರ್ಣಗೊಂಡು ಟ್ರಂಪ್ ಶ್ವೇತಭವನದಿಂದ ಹೊರಬರುತ್ತಿದ್ದಂತೆ ಮೆಲಾನಿಯಾ ವಿಚ್ಛೇದನ ನೀಡಲಿದ್ದಾರೆ ಎಂದು ಇಬ್ಬರು ಮಾಜಿ ಅಧಿಕಾರಿಗಳು ಹೇಳಿದ್ದಾರೆ.
ವಿದೇಶಿ ನಾಯಕರಿಗೆ ತರವಲ್ಲ ತಾಜ್, ಭೇಟಿಯ ಕೆಲವೇ ತಿಂಗಳಲ್ಲಿ ಡೈವೋರ್ಸ್!
ಈಗಲೂ ಶ್ವೇತಭವನದಲ್ಲಿ ಟ್ರಂಪ್ ಮತ್ತು ಮೆಲಾನಿಯಾ ಬೇರೆ ಬೇರೆ ಬೆಡ್ರೂಂ ಹೊಂದಿದ್ದಾರೆ. ಅವರ ನಡುವೆ ಹೆಸರಿಗಷ್ಟೇ ದಾಂಪತ್ಯವಿದೆ. ವಿಚ್ಛೇದನ ನೀಡಲು ಅಧಿಕಾರಾವಧಿ ಮುಗಿಯುವುದನ್ನೇ ‘ಪ್ರಥಮ ಮಹಿಳೆ’ ಕಾಯುತ್ತಿದ್ದಾರೆ ಎಂದು ಮೆಲಾನಿಯಾಗೆ ಹಿರಿಯ ಸಲಹೆಗಾರ್ತಿಯಾಗಿದ್ದ ಸ್ಟೆಫಾನಿ ವಕಾಫ್ ಹೇಳಿದ್ದಾರೆ. ಇನ್ನು, ಟ್ರಂಪ್ಗೆ ಸಹಾಯಕರಾಗಿದ್ದ ಒಮರೋಸಾ ಮ್ಯಾನಿಗಾಟ್ ನ್ಯೂಮನ್ ಕೂಡ ಮೆಲಾನಿಯಾ ವಿಚ್ಛೇದನ ನೀಡಲು ಒಂದೊಂದು ಕ್ಷಣವನ್ನೂ ಲೆಕ್ಕ ಹಾಕುತ್ತಿದ್ದಾರೆ ಎಂದಿದ್ದಾರೆ.
74 ವರ್ಷದ ಟ್ರಂಪ್ಗೆ ಮೆಲಾನಿಯಾ ಮೂರನೇ ಪತ್ನಿ. ಮೊದಲ ಇಬ್ಬರು ಪತ್ನಿಯರಾದ ಇವಾನಾ ಹಾಗೂ ಮಾರ್ಲಾ ಬಹಳ ಹಿಂದೆಯೇ ವಿಚ್ಛೇದನ ನೀಡಿದ್ದಾರೆ. 15 ವರ್ಷದ ಹಿಂದೆ ಮೆಲಾನಿಯಾರನ್ನು ಟ್ರಂಪ್ ಮದುವೆಯಾಗಿದ್ದರು. ಅವರ ನಡುವಿನ ವಿರಸ ಅನೇಕ ಬಾರಿ ಬಹಿರಂಗವಾಗಿತ್ತು.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ