ಜನಸಂಖ್ಯೆ ಹೆಚ್ಚಳಕ್ಕೆ ಜಪಾನ್ ವಿಶೇಷ ಪ್ಲಾನ್: ಉದ್ಯೋಗಿಗಳಿಗೆ ವಾರಕ್ಕೆ 4 ದಿನ ಕೆಲಸ ಉಳಿದ ದಿನ ಸರಸ

ಜಪಾನ್‌ನಲ್ಲಿ ಜನಸಂಖ್ಯೆ ಕುಸಿತದಿಂದಾಗಿ ಸರ್ಕಾರ ಯುವ ಸಮುದಾಯಕ್ಕೆ ವಾರಕ್ಕೆ 4 ದಿನ ಕೆಲಸ ಮತ್ತು 3 ದಿನ ರಜೆ ನೀಡುವ ಯೋಜನೆ ರೂಪಿಸಿದೆ. ಈ ಮೂಲಕ ಸಂತಾನೋತ್ಪತ್ತಿ ಹೆಚ್ಚಿಸುವುದು ಸರ್ಕಾರದ ಉದ್ದೇಶವಾಗಿದೆ. ಈ ಯೋಜನೆಯಿಂದ 160,000 ಕ್ಕೂ ಹೆಚ್ಚು ಸರ್ಕಾರಿ ನೌಕರರು ಪ್ರಯೋಜನ ಪಡೆಯಲಿದ್ದಾರೆ.

ಜಪಾನ್‌ನಲ್ಲಿ ತೀವ್ರವಾಗಿ ಜನಸಂಖ್ಯೆಯ ಕುಸಿತವಾಗುತ್ತಿದೆ. ಸಂಸಾರದ ಹೊರೆಯನ್ನು ಹೊರಲು ಯುವ ಸಮುದಾಯಕ್ಕೆ ಇಷ್ಟವಿಲ್ಲದಿರುವುದು, ಪ್ರತಿಯೊಬ್ಬರು ಬಂಧನ ರಹಿತವಾದ ಸ್ವತಂತ್ರ ಬದುಕನ್ನು ಬಯಸುತ್ತಿರುವುದು ಇದಕ್ಕೆ ಕಾರಣ. ಇದರಿಂದ ಜಪಾನ್ ಜನಸಂಖ್ಯೆಯಲ್ಲಿ ಗಣನೀಯವಾದ ಇಳಿಕೆಯಾಗಿದ್ದು, ಅಲ್ಲಿನ ಸರ್ಕಾರಕ್ಕೆ ಇದು ಹೊಸ ತಲೆನೋವಾಗಿದೆ. ಈ ಕಾರಣಕ್ಕೆ ಜನಸಂಖ್ಯೆಯನ್ನು ಹೆಚ್ಚಿಸಿಕೊಳ್ಳಲು ಸರ್ಕಾರ ಹಲವು ಯೋಜನೆಗಳನ್ನು ಜಾರಿಗೆ ತರಲು ಮುಂದಾಗಿದೆ. ಇದರ ಮುಂದುವರೆದ ಭಾಗವಾಗಿ ಈಗ ಜಪಾನ್‌ನಲ್ಲಿ ಯುವ ಸಮುದಾಐಕ್ಕೆ ವಾರಕ್ಕೆ ಕೇವಲ 4 ದಿನ ಮಾತ್ರ ಕೆಲಸ ಮಾಡಿ ಉಳಿದ ಮೂರು ದಿನ ರಜೆ ನೀಡಲು ಮುಂದಾಗಿದೆ. ಈ ಮೂಲಕ ಯುವ ಸಮೂಹ ಪ್ರೀತಿ ಮಾಡಿ ಸಂತಾನೋತ್ಪತಿ ಮಾಡಲಿ ಎಂಬುದು ಜಪಾನ್ ಸರ್ಕಾರ ಉದ್ದೇಶವಾಗಿದೆ. 

ಇತ್ತೀಚೆಗೆ ಜಪಾನ್ ಮಾತ್ರವಲ್ಲದೇ ಚೀನಾ ರಷ್ಯಾ ಸೇರಿದಂತೆ ಹಲವು ದೇಶಗಳ ಜನಸಂಖ್ಯೆಯಲ್ಲಿ ತೀವ್ರತರವಾದ ಇಳಿಕೆ ಕಂಡು ಬರುತ್ತಿದೆ.  ಈ ಹಿನ್ನೆಲೆಯಲ್ಲಿ ಇತ್ತೀಚೆಗೆ ರಷ್ಯಾ ದೇಶವೂ ಜನಸಂಖ್ಯೆ ನಿಯಂತ್ರಣಕ್ಕೆ ಹಲವು ಕ್ರಮಗಳನ್ನು ಕೈಗೊಂಡಿದ್ದು, ಯುವ ಸಮುದಾಯ ಪ್ರೀತಿಯಲ್ಲಿ ಬೀಳಲು ರಾತ್ರಿ 10 ಗಂಟೆಗೆಲ್ಲಾ ವಿದ್ಯುತ್ ಕಡಿತಗೊಳಿಸುವ ಪ್ಲಾನ್ ಮಾಡಿತ್ತು. ಈ ವಿಚಾರ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕವಾಗಿ ಚರ್ಚಿಸಲ್ಪಟ್ಟಿದ್ದವು. ಇದಾದ ನಂತರ ಈಗ ಜಪಾನ್ ದೇಶವೂ ತನ್ನ ದೇಶದಲ್ಲಿನ ಜನಸಂಖ್ಯೆಯ ಇಳಿಕೆಯಿಂದಾಗಿ ಚಿಂತೆಗೀಡಾಗಿದ್ದು, ಜನಸಂಖ್ಯೆ ಹೆಚ್ಚಳಕ್ಕೆ ಹೊಸ ಪ್ಲಾನ್ ಮಾಡಿದೆ.

ಅದರಂತೆ ಪೂರ್ವ ಏಷ್ಯಾದಲ್ಲಿ ಇಳಿಮುಖವಾಗುತ್ತಿರುವ ಜನನ ದರಗಳ ಬಗ್ಗೆ ಹೆಚ್ಚುತ್ತಿರುವ ಕಳವಳಗಳ ನಡುವೆ, ಜಪಾನ್ ತನ್ನ ಎಲ್ಲಾ ಸರ್ಕಾರಿ ಉದ್ಯೋಗಿಗಳಿಗೆ ಮುಂದಿನ ವರ್ಷದ ಏಪ್ರಿಲ್‌ನಿಂದ ವಾರದಲ್ಲಿ ಕೇವಲ ನಾಲ್ಕು ದಿನಗಳ ಕೆಲಸ ಉಳಿದ ಮೂರು ದಿನ ಕುಟುಂಬದೊಂದಿಗೆ ಬರೆಯಲು ರಜೆ ನೀಡಲು ನಿರ್ಧರಿಸಿದೆ. ಈ ಯೋಜನೆಯ ಮೂಲ ಸಂತಾನೋತ್ಪತಿಯ ಫಲವತ್ತತೆಯ ದರಗಳನ್ನು ಸುಧಾರಿಸಲು ಮತ್ತು ಕುಟುಂಬಗಳಿಗೆ ಹೆಚ್ಚು ಗುಣಮಟ್ಟದ ಸಮಯವನ್ನು ಒದಗಿಸುವ ಗುರಿಯನ್ನು ಹೊಂದಿದೆ.

ಯೋಜನೆ  ಜಾರಿಗೆ ಬಂದಲ್ಲಿ, 160,000 ಕ್ಕೂ ಹೆಚ್ಚು ಸರ್ಕಾರಿ ನೌಕರರು ವಾರಕ್ಕೆ ಮೂರು ದಿನಗಳ ರಜೆಯನ್ನು ಎಂಜಾಯ್ ಮಾಡಲಿದ್ದಾರ. ಇದರ ಜೊತೆಗೆ ಪ್ರಾಥಮಿಕ ಶಾಲೆಗಳಿಗೆ ಹೋಗುವ ಮಕ್ಕಳನ್ನು ಹೊಂದಿರುವ ಪೋಷಕರಿಗೆ ಸಣ್ಣ ಸಂಬಳದ ಕಡಿತದ ಹೊರತಾಗಿಯೂ ಕೆಲಸದ ಅವಧಿಯನ್ನು ಕಡಿತಗೊಳಿಸಲಿದ್ದು, ಕೆಲಸದ ಸ್ಥಳದಿಂದ ಬೇಗ ಮನೆಗೆ ಹೋಗಬಹುದಾಗಿದೆ. ಈ ಬಗ್ಗೆ ಮಾತನಾಡಿರು ಟೋಕಿಯೊ ಗವರ್ನರ್ ಯುರಿಕೊ ಕೊಯಿಕೆ ಅವರು ಹೆರಿಗೆ ಮತ್ತು ಮಗುವಿನ ಆರೈಕೆಯಂತಹ ಕರ್ತವ್ಯಗಳನನ್ನು ಸರಿಹೊಂದಿಸಲು ಕೆಲಸದ ಶೈಲಿಗಳಲ್ಲಿ ಬದಲಾವಣೆ ಅಳವಡಿಸಿಕೊಳ್ಳುವ ಪ್ರಾಮುಖ್ಯತೆಯನ್ನು ಒತ್ತಿ ಹೇಳಿದ್ದಾರೆ. ಹೀಗಾಗಿ ಜಪಾನ್ ಜನ ಕೆಲಸ ಮುಖ್ಯವೋ ಅಥವಾ ಕುಟುಂಬವೋ ಎಂದು ಆಯ್ಕೆ ಮಾಡಬೇಕಾದ ಅಗತ್ಯವಿರುವುದಿಲ್ಲ. 

ಜಪಾನ್‌ನ ಫಲವತ್ತತೆ ದರವು ಜೂನ್‌ನಲ್ಲಿ ಸಾರ್ವಕಾಲಿಕ ಕನಿಷ್ಠ ಎಂದರೆ 1.2 ಶೇಕಡಾವನ್ನು ತಲುಪಿದೆ. ಕಳೆದ ವರ್ಷಗಳಲ್ಲಿ ಕೇವಲ 727 ಹಾಗೂ 277 ಜನನಗಳು ದಾಖಲಾಗಿವೆ. ಸ್ಥಿರವಾದ ಜನಸಂಖ್ಯೆಯನ್ನು ಕಾಪಾಡಿಕೊಳ್ಳಲು 2.1 ಶೇಕಡಾ ಫಲವತ್ತತೆ ದರದ ಅಗತ್ಯವಿದೆ. ಗವರ್ನರ್ ಕೊಯ್ಕೆ ಈ ಸವಾಲುಗಳನ್ನು ಎದುರಿಸುವಲ್ಲಿ ಟೋಕಿಯೊದ ಪಾತ್ರವನ್ನು ಒತ್ತಿ ಹೇಳಿದರು, ನಮ್ಮ ಜನರ ಜೀವನ, ಜೀವನೋಪಾಯಗಳು ಮತ್ತು ಆರ್ಥಿಕತೆಯನ್ನು ರಕ್ಷಿಸಲು ಮತ್ತು ಸುಧಾರಿಸಲು ಟೋಕಿಯೊ ಕ್ರಮವನ್ನು ತೆಗೆದುಕೊಳ್ಳಬೇಕು ಎಂದು ಅವರು ಹೇಳಿದ್ದಾರೆ. 

ಪೂರ್ವ ಏಷ್ಯಾದ ಇತರ ರಾಷ್ಟ್ರಗಳು ಕೂಡ ಇದೇ ರೀತಿಯ ಜನಸಂಖ್ಯೆಯ ಇಳಿಕೆಯ ಬಿಕ್ಕಟ್ಟನ್ನು ಎದುರಿಸುತ್ತಿವೆ. ದಕ್ಷಿಣ ಕೊರಿಯಾವೂ ಇತ್ತೀಚೆಗೆ ತನ್ನ ದಾಖಲೆಯ ಕಡಿಮೆ ಜನನ ದರ 0.72 ಪ್ರತಿಶತವನ್ನು ರಾಷ್ಟ್ರೀಯ ತುರ್ತುಸ್ಥಿತಿ ಎಂದು ಘೋಷಿಸಿತ್ತು. ಇದರ ನಡುವೆ ಚೀನಾದ ಜನನ ಪ್ರಮಾಣವು 1.18 ಪ್ರತಿಶತಕ್ಕೆ ಕುಸಿದಿದೆ. ಅಲ್ಲದೇ ಅಲ್ಲಿ ವಯಸ್ಸಾದವರ ಜನಸಂಖ್ಯೆಯೂ ಕೂಡ ಕಳವಳವನ್ನು ಉಂಟು ಮಾಡುತ್ತಿದೆ. ಹಾಗೆಯೇ ಮತ್ತೊಂದು ದೇಶ ಸಿಂಗಾಪುರ ಕೂಡ ಇತ್ತೀಚೆಗೆ ತನ್ನ ಅತ್ಯಂತ ಕಡಿಮೆ ಫಲವತ್ತತೆಯ ದರವಾದ 0.97 ಪ್ರತಿಶತ ಎಂಬುದನ್ನು ಖಚಿತಪಡಿಸಿದೆ.