ಕೊರೋನಾವೈರಸ್ ಕಾರಣದಿಂದಾಗಿ 2020ರ ನವೆಂಬರ್ ನಿಂದ ಚೀನಾ ಭಾರತೀಯರಿಗೆ ವೀಸಾವನ್ನು ನೀಡಿಕೆಗೆ ನಿಷೇಧ ವಿಧಿಸಿತ್ತು. ಇದರ ಮೇಲಿನ ನಿಷೇಧವನ್ನು ಸೋಮವಾರದಿಂದ ಜಾರಿಗೆ ಬರುವಂತೆ ಚೀನಾ ತೆರವು ಮಾಡಿದ್ದು, ಈಗ ಚೀನಾದ ವೀಸಾಗೆ ಭಾರತೀಯರು ಅರ್ಜಿ ಸಲ್ಲಿಸಬಹುದಾಗಿದೆ.
ನವದೆಹಲಿ(ಜೂನ್ 13): ಭಾರತದಲ್ಲಿನ (India) ಚೀನೀ ರಾಯಭಾರ ಕಚೇರಿಯು (Chinese Embassy in India) ಚೀನೀ ವೀಸಾ ನೀತಿಯನ್ನು (China Visa rule) ಜೂನ್ 13 ರಿಂದ ನವೀಕರಿಸಿದೆ, ನವೆಂಬರ್ 2020 ರಿಂದ ವಿಧಿಸಲಾಗಿದ್ದ ನಿಷೇಧವನ್ನು ತೆಗೆದುಹಾಕಿದೆ. ರಾಯಭಾರ ಕಚೇರಿ ಹೊರಡಿಸಿದ ಸೂಚನೆಯ ಪ್ರಕಾರ, ಈಗ ಭಾರತೀಯರು ಚೀನಾ ವೀಸಾಗೆ ಅರ್ಜಿ ಸಲ್ಲಿಸಬಹುದಾಗಿದೆ.
ಹೊಸ ವೀಸಾ ನೀತಿ ಹೀಗಿದೆ:
ಸೇವೆಯ ವ್ಯಾಪ್ತಿ:
* ವಿದೇಶಿ ಪ್ರಜೆಗಳು ಮತ್ತು ಅವರ ಜೊತೆಯಲ್ಲಿರುವ ಕುಟುಂಬ ಸದಸ್ಯರು ಎಲ್ಲಾ ಕ್ಷೇತ್ರಗಳಲ್ಲಿ ಕೆಲಸ ಮತ್ತು ಉತ್ಪಾದನೆಯನ್ನು ಪುನರಾರಂಭಿಸಲು ಚೀನಾಕ್ಕೆ ಹೋಗಬೇಕಾದವರು.
* ಚೀನೀ ನಾಗರಿಕರ ಕುಟುಂಬ ಸದಸ್ಯರು ಮತ್ತು ಚೀನೀ ಶಾಶ್ವತ ನಿವಾಸ ಪರವಾನಗಿಯನ್ನು ಹೊಂದಿರುವ ವಿದೇಶಿಯರು ಕುಟುಂಬ ಪುನರ್ಮಿಲನಕ್ಕಾಗಿ ಅಥವಾ ಸಂಬಂಧಿಕರನ್ನು ಭೇಟಿ ಮಾಡಲು ಚೀನಾಕ್ಕೆ ಹೋಗುವಂಥವರು.
ಅಪ್ಲಿಕೇಶನ್ ವಿವರಗಳು
* ಆನ್‌ಲೈನ್ ವೀಸಾ ಅರ್ಜಿಯ ದೃಢೀಕರಣ ಪುಟ.
* ಕನಿಷ್ಠ 6 ತಿಂಗಳವರೆಗೆ ಮಾನ್ಯವಾಗಿರುವ ಮೂಲ ಪಾಸ್ ಪೋರ್ಟ್. 2 ಅಥವಾ ಹೆಚ್ಚಿನ ಖಾಲಿ ವೀಸಾ ಪುಟಗಳು ಮತ್ತು ಪಾಸ್‌ಪೋರ್ಟ್‌ನ ಸಂಬಂಧಿತ ಪುಟಗಳ ಫೋಟೋಕಾ
* 5 ವರ್ಷಗಳಲ್ಲಿ ಅವಧಿ ಮುಗಿದ ಪಾಸ್‌ಪೋರ್ಟ್‌ಗಳು ಮತ್ತು ಪಾಸ್‌ಪೋರ್ಟ್‌ಗಳ ಸಂಬಂಧಿತ ಪುಟಗಳ ಫೋಟೋಕಾಪಿ.
* ಇತ್ತೀಚೆಗೆ ತೆಗೆದ ಬಣ್ಣದ ಪಾಸ್‌ಪೋರ್ಟ್ ಫೋಟೋಗಳು (ಪೂರ್ಣ ಮುಖ, ಮುಂಭಾಗದ ನೋಟ ಮತ್ತು ಬರಿಯ ತಲೆ. ಗಾತ್ರ: 48mm×33mm).
* ಕೋವಿಡ್-19 ಗಾಗಿ ತೆಗೆದುಕೊಂಡಿರುವ ಲಸಿಕೆ ಪ್ರಮಾಣಪತ್ರ.
* ಭಾರತದಲ್ಲಿನ ಚೀನೀ ರಾಯಭಾರ ಕಚೇರಿ ಮತ್ತು ನವದೆಹಲಿಯಲ್ಲಿರುವ ಚೈನೀಸ್ ವೀಸಾ ಅರ್ಜಿ ಸೇವಾ ಕೇಂದ್ರದಿಂದ ಅಗತ್ಯವಿರುವ ಇತರ ಅಗತ್ಯ ಸಾಮಗ್ರಿಗಳು.
ಹೆಚ್ಚಿನ ವಿವರಗಳಿಗಾಗಿ ಭೇಟಿ ನೀಡಿ https://bit.ly/3NS0cye
ಭಾರತವು ನವೆಂಬರ್ 2020 ರಲ್ಲಿ, ಕೊರೋನಾವೈರಸ್ ಸಾಂಕ್ರಾಮಿಕದ ಹಿನ್ನೆಲೆಯಲ್ಲಿ ಚೀನಾದ ಪ್ರಜೆಗಳಿಗೆ ನೀಡಲಾದ ಪ್ರವಾಸಿ ವೀಸಾಗಳನ್ನು ಅಮಾನತುಗೊಳಿಸಿತು, ಅದರ ನಂತರ ಚೀನಾದ ನಾಗರಿಕರು ಮತ್ತು ಚೀನಾದಲ್ಲಿ ವಾಸಿಸುವ ಇತರ ರಾಷ್ಟ್ರದ ಪ್ರಜೆಗಳಿಗೆ ಭಾರತಕ್ಕೆ ಬರಲು ತಾತ್ಕಾಲಿಕವಾಗಿ ನಿರ್ಭಂಧಿಸಲಾಗಿತ್ತು.