ಮಾನಸಿಕ ಸಮಸ್ಯೆಗಳಿಂದ ನಲುಗಿರುವ 28 ವರ್ಷದ ಈ ಮಹಿಳೆಗೆ ಮೇನಲ್ಲಿ ದಯಾಮರಣ!

ಈ ಪ್ರಕ್ರಿಯೆಯು ಟೆರ್ ಬೀಕ್ ಅವರ ಮನೆಯಲ್ಲಿ ನಡೆಯುತ್ತದೆ. ಆಕೆಯ ವೈದ್ಯರು ಮೊದಲು ನಿದ್ರೆ ಬರಿಸುವ ಔಷಧಿ ನೀಡುತ್ತಾರೆ, ನಂತರ ಅವಳ ಹೃದಯವನ್ನು ನಿಲ್ಲಿಸಲು ಔಷಧಿಗಳನ್ನು ನೀಡುತ್ತಾರೆ.

28 ವರ್ಷದ ಡಚ್ ಮಹಿಳೆ ಜೋರಾಯಾ ಟೆರ್ ಬೀಕ್ ಅವರು ತೀವ್ರ ಮಾನಸಿಕ ಆರೋಗ್ಯ ಹೋರಾಟದ ಕಾರಣ ಮೇ ತಿಂಗಳಲ್ಲಿ ದಯಾಮರಣಕ್ಕೆ ಒಳಗಾಗುತ್ತಿದ್ದಾರೆ. 
ಟೆರ್ ಬೀಕ್ ತನ್ನ ಜೀವನದುದ್ದಕ್ಕೂ ಖಿನ್ನತೆ ಮತ್ತು ಆಂತರಿಕ ವ್ಯಕ್ತಿತ್ವ ಅಸ್ವಸ್ಥತೆಯೊಂದಿಗೆ ಹೋರಾಡಿದ್ದಾರೆ. ಪ್ರೀತಿಯ ಗೆಳೆಯ ಮತ್ತು ಸಾಕುಪ್ರಾಣಿಗಳನ್ನು ಹೊಂದಿದ್ದರೂ, ತನ್ನ ಮಾನಸಿಕ ಅಸ್ವಸ್ಥತೆಯನ್ನು ಗುಣಪಡಿಸಲಾಗುವುದಿಲ್ಲ ಎಂದು ಭಾವಿಸುರುವ ಬೀಕ್, ದಯಾಮರಣದತ್ತ ಕೈ ಚಾಚಿದ್ದಾರೆ. 

ಈ ಪ್ರಕ್ರಿಯೆಯು ಟೆರ್ ಬೀಕ್ ಅವರ ಮನೆಯಲ್ಲಿ ನಡೆಯುತ್ತದೆ. ಆಕೆಯ ವೈದ್ಯರು ಮೊದಲು ನಿದ್ರೆ ಬರಿಸುವ ಔಷಧಿ ನೀಡುತ್ತಾರೆ, ನಂತರ ಅವಳ ಹೃದಯವನ್ನು ನಿಲ್ಲಿಸಲು ಔಷಧಿಗಳನ್ನು ನೀಡುತ್ತಾರೆ. ಈ ಸಮಯದಲ್ಲಿ ಅವಳ ಗೆಳೆಯ ಅವಳ ಪಕ್ಕದಲ್ಲಿ ಇರುತ್ತಾನೆ. ಟೆರ್ ಬೀಕ್ ಅನ್ನು ದಹಿಸಲಾಗುವುದು ಮತ್ತು ಅವಳ ಚಿತಾಭಸ್ಮವನ್ನು ಗೊತ್ತುಪಡಿಸಿದ ಅರಣ್ಯ ಸ್ಥಳದಲ್ಲಿ ಹರಡಲಾಗುತ್ತದೆ.

ದಯಾಮರಣ ಕಾನೂನುಬದ್ಧವಾಗಿರುವ ನೆದರ್‌ಲ್ಯಾಂಡ್ಸ್‌ನಲ್ಲಿ ಇದು ಬೆಳೆಯುತ್ತಿರುವ ಪ್ರವೃತ್ತಿಯಾಗಿದೆ. ಇಲ್ಲೀಗ ಹೆಚ್ಚಿನ ಜನರು ಮಾನಸಿಕ ಆರೋಗ್ಯ ಸಮಸ್ಯೆಗಳಿಂದ ಬಳಲುತ್ತಿರುವುದನ್ನು ಸಹಿಸಿಕೊಳ್ಳುವ ಬದಲು ಅವುಗಳನ್ನು ಕೊನೆಗೊಳಿಸಲು ಆಯ್ಕೆ ಮಾಡುತ್ತಾರೆ.

ಚರ್ಚೆ ಹುಟ್ಟು ಹಾಕಿದೆ
ಟೆರ್ ಬೀಕ್ ಪ್ರಕರಣವು ಚರ್ಚೆಯನ್ನು ಹುಟ್ಟುಹಾಕಿದೆ. ಮಾನಸಿಕ ಆರೋಗ್ಯ ಸಮಸ್ಯೆಗಳಿಗಾಗಿ ಜನರು ಖಿನ್ನತೆಯ ಯೋಚಿಸಲಾಗದ ಸಮಯದಲ್ಲಿ ಇಂಥ ನಿರ್ಧಾರ ತೆಗೆದುಕೊಳ್ಳುತ್ತಾರೆ. ಇದು ಕೆಟ್ಟ ಪ್ರವೃತ್ತಿಯಾಗಿದೆ ಎಂದು ಕೆಲವರು ವಾದಿಸಿದರೆ,  ಮಾರಣಾಂತಿಕ ಅನಾರೋಗ್ಯದ ರೋಗಿಗಳಿಗೆ ಅವರ ಅಂತಿಮ ದಿನಗಳಲ್ಲಿ ಹೆಚ್ಚಿನ ನೆಮ್ಮದಿ ಇದು ಕರುಣಿಸುತ್ತದೆ ಎಂದು ಕೆಲವರು ವಾದಿಸುತ್ತಾರೆ. 

ಆರ್ಥಿಕ ಅನಿಶ್ಚಿತತೆ, ಹವಾಮಾನ ಬದಲಾವಣೆ, ಸಾಮಾಜಿಕ ಮಾಧ್ಯಮ ಮತ್ತು ಇತರ ಸಮಸ್ಯೆಗಳಿಂದ ವರ್ಧಿಸಲ್ಪಟ್ಟ ಖಿನ್ನತೆ ಅಥವಾ ಆತಂಕದಂತಹ ಇತರ ಮಾನಸಿಕ ಆರೋಗ್ಯ ಸಮಸ್ಯೆಗಳಿಂದ ಬಳಲುತ್ತಿರುವಾಗ ಹೆಚ್ಚಿನ ಜನರು ತಮ್ಮ ಜೀವನವನ್ನು ಕೊನೆಗೊಳಿಸಲು ನಿರ್ಧರಿಸುತ್ತಿದ್ದಾರೆ ಎಂದು ದಿ ಫ್ರೀ ಪ್ರೆಸ್ ವರದಿ ಮಾಡಿದೆ.

ಹೀಗೆ ದಯಾಮರಣವನ್ನು ಸುಲಭವಾಗಿ ನೀಡಿದರೆ, ವಿಶೇಷವಾಗಿ ಮನೋವೈದ್ಯಕೀಯ ಅಸ್ವಸ್ಥತೆಗಳಿರುವ ಯುವಜನರನ್ನು ವೈದ್ಯರು ಸುಲಭವಾಗಿ ಬಿಟ್ಟುಕೊಡುತ್ತಾರೆ. ಅವರ ಮೇಲೆ ವರ್ಷಗಟ್ಟಲೆ ಚಿಕಿತ್ಸೆ ನೀಡುವುದಕ್ಕಿಂತ ಸುಲಭ ದಾರಿ ಕಂಡುಕೊಳ್ಳುತ್ತಾರೆ ಎಂದು ಕೆಲವರು ವಾದಿಸುತ್ತಿದ್ದಾರೆ. 

ಕಾನೂನುಬದ್ಧ
ನೆದರ್ಲ್ಯಾಂಡ್ಸ್ 2001 ರಲ್ಲಿ ದಯಾಮರಣವನ್ನು ಕಾನೂನುಬದ್ಧಗೊಳಿಸಿತು. ಅಂದಿನಿಂದ, ದಯಾಮರಣ ಸಾವಿನ ಸಂಖ್ಯೆಯು ಸ್ಥಿರವಾಗಿ ಏರಿದೆ. 2022 ರಲ್ಲಿ, ಇದು ದೇಶದ ಎಲ್ಲಾ ಸಾವುಗಳಲ್ಲಿ 5% ರಷ್ಟಿದೆ. ಇದು ಕಾನೂನು ಆತ್ಮಹತ್ಯೆಯನ್ನು ಪ್ರೋತ್ಸಾಹಿಸುತ್ತದೆ ಎಂದು ನಂಬುವವರ ಟೀಕೆಗೆ ಉತ್ತೇಜನ ನೀಡಿದೆ.