ಅಮೆ​ರಿಕದ ಲೂಯಿಸ್‌ಗೆ ನೊಬೆಲ್‌ ಸಾಹಿತ್ಯ ಪ್ರಶ​ಸ್ತಿ, 8.08 ಕೋಟಿ ರು. ನಗದು ಬಹು​ಮಾನ

ಅಮೆ​ರಿಕ ಕವಯಿತ್ರಿ ಲೂಯಿಸ್‌ ಗ್ಲುಕ್‌ ಅವ​ರಿಗೆ ಪ್ರತಿಷ್ಠಿತ ನೊಬೆಲ್‌ ಪುರಸ್ಕಾರ | 8.08 ಕೋಟಿ ರು. ನಗದು ಬಹು​ಮಾನ

ಪಿಟಿಐ(ಅ.09): ಅಮೆ​ರಿಕ ಕವಯಿತ್ರಿ ಲೂಯಿಸ್‌ ಗ್ಲುಕ್‌ ಅವ​ರಿಗೆ ಪ್ರತಿಷ್ಠಿತ ನೊಬೆಲ್‌ ಪುರಸ್ಕಾರ ಲಭಿ​ಸಿದೆ. ನೇರ, ನಿಷ್ಪ​ಕ್ಷ​ಪಾತ ಹಾಗೂ ರಾಜಿ​ಯಾ​ಗದ ನಿಲು​ವು​ಗ​ಳನ್ನು ಹೊಂದಿದ ಕೃತಿ​ಗ​ಳನ್ನು ಬರೆದ ಕಾರಣಕ್ಕೆ ಅವ​ರಿಗೆ ಈ ಗೌರವ ದೊರೆತಿದೆ.

ಗುರುವಾರ ಪ್ರಶಸ್ತಿ ಘೋಷಣೆ ಮಾಡಿದ ಸ್ಟಾಕ್‌ಹೋಂನ ಸ್ವೀಡಿಷ್‌ ಅಕಾ​ಡೆಮಿ, ‘ವೈಯ​ಕ್ತಿಕ ಅಸ್ತಿ​ತ್ವ​ವನ್ನು ಸಾರ್ವ​ತ್ರೀ​ಕ​ರ​ಣ​ಗೊ​ಳಿ​ಸುವ ನಿಷ್ಠುರ ಸೌಂದ​ರ್ಯ​ದ ನಿಸ್ಸಂದಿಗ್ಧ ಕಾವ್ಯಾ​ತ್ಮಕ ಧ್ವನಿ ಅವ​ರ​ಲ್ಲಿ​ದೆ’ ಎಂದು ಬಣ್ಣಿ​ಸಿ​ದೆ. ಪ್ರಶ​ಸ್ತಿಯು 8.08 ಕೋಟಿ ರು. ನಗದು ಬಹು​ಮಾನ ಒಳ​ಗೊ​ಂಡಿ​ದೆ.

77 ವರ್ಷದ ಲೂಯಿಸ್‌ ಗ್ಲುಕ್‌ ಅವರು ಯೇಲ್‌ ವಿಶ್ವ​ವಿ​ದ್ಯಾ​ಲ​ಯ​ದಲ್ಲಿ ಇಂಗ್ಲಿಷ್‌ ಪ್ರಾಧ್ಯಾ​ಪ​ಕ​ರಾ​ಗಿ​ದ್ದರು. 1068ರಲ್ಲಿ ‘ಫ​ಸ್ಟ್‌​ಬಾ​ರ್ನ್‌’ ಕೃತಿ ಮೂಲಕ ಅವರು ಸಾಹಿ​ತ್ಯ ​ಲೋ​ಕಕ್ಕೆ ಪದಾ​ರ್ಪಣೆ ಮಾಡಿ​ದ್ದರು. 1992ರಲ್ಲಿ ವೈಲ್ಡ್‌ ಐರಿಸ್‌ ಕವನ ಸಂಕ​ಲ​ನಕ್ಕೆ ಅವ​ರಿಗೆ ಪ್ರತಿ​ಷ್ಠಿತ ಪುಲಿ​ಟ್ಜರ್‌ ಪ್ರಶ​ಸ್ತಿಯೂ ಬಂದಿ​ತ್ತು.

‘ಅಮೆ​ರಿ​ಕ ಸಮ​ಕಾ​ಲೀನ ಸಾಹಿ​ತ್ಯದ ಅತ್ಯಂತ ಪ್ರಮುಖ ಕವಿ​ಗ​ಳಲ್ಲಿ ಅವರು ಒಬ್ಬರು. ಅವರ ಕವಿ​ತೆ​ಗಳಲ್ಲಿ ಕಟು ವಿನೋ​ದ​ಗಳು ಇರು​ತ್ತ​ವೆ’ ಎಂದು ಸಮಿತಿ ಬಣ್ಣಿ​ಸಿ​ದೆ.