Tsunami Alert: ಇಂಡೋನೇಷ್ಯಾದಲ್ಲಿ 7.5 ತೀವ್ರತೆಯ ಭೂಕಂಪ, ಸುನಾಮಿ ಎಚ್ಚರಿಕೆ!

* ಇಂಡೋನೇಷ್ಯಾದಲ್ಲಿ ಮತ್ತೊಮ್ಮೆ ಸುನಾಮಿ ಎಚ್ಚರಿಕೆ * ಪೂರ್ವ ನುಸಾ ತೆಂಗರಾ ಪ್ರದೇಶದಲ್ಲಿ 7.5 ತೀವ್ರತೆಯ ಭೂಕಂಪ *  ಈ ಭೂಕಂಪದ ಕೇಂದ್ರಬಿಂದು ಫ್ಲೋರ್ಸ್ ದ್ವೀಪದ ಪೂರ್ವ ಭಾಗವಾದ ಲಾರಂಟುಕಾ

ಜಕಾರ್ತಾ(ಡಿ.14): ಇಂಡೋನೇಷ್ಯಾದಲ್ಲಿ ಮತ್ತೊಮ್ಮೆ ಸುನಾಮಿ ಎಚ್ಚರಿಕೆ ನೀಡಲಾಗಿದೆ. ಇಲ್ಲಿನ ಪೂರ್ವ ನುಸಾ ತೆಂಗರಾ ಪ್ರದೇಶದಲ್ಲಿ 7.5 ತೀವ್ರತೆಯ ಭೂಕಂಪ ಸಂಭವಿಸಿದ ನಂತರ ಈ ಎಚ್ಚರಿಕೆ ನೀಡಲಾಗಿದೆ. ಈ ಕುರಿತು ಮಾಹಿತಿ ನೀಡಿರುವ ಹವಾಮಾನ ಇಲಾಖೆ ಸುನಾಮಿ ಸಾಧ್ಯತೆಯನ್ನು ವ್ಯಕ್ತಪಡಿಸಿದೆ. ಅದೇ ಸಮಯದಲ್ಲಿ, ಯುರೋಪಿಯನ್ ಮೆಡಿಟರೇನಿಯನ್ ಭೂಕಂಪನ ಕೇಂದ್ರವು, ಈ ಭೂಕಂಪ 7.7 ತೀವ್ರತೆಯನ್ನು ಹೊಂದಿದೆ ಎಂದು ನಿರ್ಣಯಿಸಿದೆ.

ಮಾಧ್ಯಮ ವರದಿಗಳ ಪ್ರಕಾರ, ಈ ಭೂಕಂಪದಲ್ಲಿ ಇದುವರೆಗೆ ಯಾವುದೇ ಜೀವ ಅಥವಾ ಆಸ್ತಿ ಹಾನಿ ವರದಿಯಾಗಿಲ್ಲ. ಅದೇ ಸಮಯದಲ್ಲಿ, ಈ ಭೂಕಂಪದ ತೀವ್ರತೆ ರಿಕ್ಟರ್ ಮಾಪಕದಲ್ಲಿ 7.3 ಎಂದು ಯುಎಸ್ ಜಿಯೋಲಾಜಿಕಲ್ ಸರ್ವೆ ನಂತರ ತಿಳಿಸಿದೆ. ಭೂಕಂಪದ ನಂತರ ಜನರು ಭಯದಿಂದ ತಮ್ಮ ಮನೆಗಳಿಂದ ಹೊರಬಂದರು ಎಂದು ಫ್ಲೋರ್ಸ್ ದ್ವೀಪದ ಮೌಮೆರೆ ಟೌನ್‌ನ ವ್ಯಕ್ತಿಯೊಬ್ಬರು ತಿಳಿಸಿದ್ದಾರೆ.

ಮಾಹಿತಿಯ ಪ್ರಕಾರ, ಈ ಭೂಕಂಪದ ಕೇಂದ್ರಬಿಂದು ಫ್ಲೋರ್ಸ್ ದ್ವೀಪದ ಪೂರ್ವ ಭಾಗವಾದ ಲಾರಂಟುಕಾದಿಂದ 112 ಕಿಮೀ ವಾಯುವ್ಯಕ್ಕೆ 12 ಕಿಮೀ ಆಳದಲ್ಲಿದೆ. ಅದರ ಆಗಮನದಿಂದ, ಮಲುಕಾ, ಪೂರ್ವ ನುಸಾ ತೆಂಗರಾ, ಪಶ್ಚಿಮ ನುಸಾ ತೆಂಗಾರಾ, ಆಗ್ನೇಯ ಮತ್ತು ದಕ್ಷಿಣ ಸುಲವೆಸಿಗೆ ಸುನಾಮಿ ಎಚ್ಚರಿಕೆ ನೀಡಲಾಗಿದೆ.

ಮಾಹಿತಿಯ ಪ್ರಕಾರ, ಲಾರಂಟುಕಾದಲ್ಲಿ ಮೊದಲ ಭೂಕಂಪದ ಅಲೆಗಳ ನಂತರವೂ ಆಘಾತಗಳನ್ನು ಅನುಭವಿಸಲಾಯಿತು. ಈ ಭೂಕಂಪದ ತೀವ್ರತೆ 5.6 ಆಗಿತ್ತು. ಈ ಭೂಕಂಪದ ನಂತರ ಯಾವುದೇ ರೀತಿಯ ಹಾನಿಯಾದ ಬಗ್ಗೆ ವರದಿಯಾಗಿಲ್ಲ.