120 ವರ್ಷ ಹಳೆಯ ಮನೆ ನೆಲದಡಿ ರಹಸ್ಯ ಕೋಣೆ ಪತ್ತೆ; ಗಾಬರಿಗೊಂಡ ಮನೆಯೊಡತಿ!

ಹಲವು ಹಳೆಯ ಮನೆಗಳಿಂದ ಅಪರೂಪದ ಮತ್ತು ಅಮೂಲ್ಯವಾದ ವಸ್ತುಗಳು ಪತ್ತೆಯಾಗಿವೆ. ಯುವತಿಯೊಬ್ಬಳು ಅಂತಹದ್ದೇ ಒಂದು ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾಳೆ.

ಹಳೆಯ ಮನೆಗಳಿಗೆ ಸಂಬಂಧಿಸಿದಂತೆ ಹಲವು ರಹಸ್ಯಗಳು ಅಡಗಿರುತ್ತವೆ. ಅಂತಹದ್ದೇ ಒಂದು ಅಚ್ಚರಿಯ ಕಥೆ ಇಲ್ಲಿದೆ. ಯುವತಿಯೊಬ್ಬಳು ತಮ್ಮ ಹಳೆಯ ಮನೆಯಲ್ಲಿದ್ದ ನೆಲಮಹಡಿಯ ಬಾಗಿಲನ್ನು ನೋಡಿ ಅದನ್ನು ಕುತೂಹಲದಿಂದ ತೆಗೆದು ನೋಡಿದ್ದಾಳೆ. ಆದರೆ, ಅಲ್ಲಿ ಕಂಡಿದ್ದ ದೃಶ್ಯವನ್ನು ನೋಡಿ ಆಶ್ಚರ್ಯಗೊಂಡಿದ್ದಾಳೆ. ಈ ಸಂಬಂಧಪಟ್ಟ ವಿಡಿಯೋವನ್ನು ಸಾಮಾಜಿಕ ಜಾಲತಾಣಕ್ಕೂ ಹಂಚಿಕೊಂಡಿದ್ದು, ಇದೀಗ  ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

ಈ ವಿಡಿಯೋವನ್ನು ಲೇಖಕಿ ನಿಕೋಲ್ ಕ್ಲೇರ್ ಎಂಬ ಇನ್‌ಸ್ಟಾಗ್ರಾಮ್ ಬಳಕೆದಾರರು ತಮ್ಮ ಖಾತೆಯಿಂದ ಪೋಸ್ಟ್ ಮಾಡಿಕೊಂಡಿದ್ದಾರೆ. ಇನ್ನು ಸ್ವತಃ ಲೇಖಕಿಯವರ ಪ್ರೊಫೈಲ್‌ನಿಂದ ಹಂಚಿಕೊಳ್ಳಲಾದ ವಿಡಿಯೋ ಆಗಿರುವುದರಿಂದ, ಜನರು ತಾವು ನೋಡಿದ ದೃಶ್ಯಗಳಿಂದ ದಂಗಾಗಿದ್ದಾರೆ. ಆದರೆ, ವಿಡಿಯೋದ ಕೆಳಗೆ ನೀಡಲಾದ ಟಿಪ್ಪಣಿ ಓದಿದ ನಂತರವೇ ವಿಡಿಯೋದ ನಿಜವಾದ ಅರ್ಥ ಜನರಿಗೆ ತಿಳಿದುಬಂದಿದೆ. 

'ಈ ಹಳೆಯ ನೆಲಮಾಳಿಗೆಯ ಬಾಗಿಲು ಇಲ್ಲಿಯವರೆಗೆ ತೆರೆದಿಲ್ಲ. 120 ವರ್ಷಗಳಿಂದ ಒಂದು ರಹಸ್ಯ ಕೋಣೆ ಅಡಗಿದೆ' ಎಂಬ ಟಿಪ್ಪಣಿಯೊಂದಿಗೆ ವಿಡಿಯೋ ಆರಂಭವಾಗುತ್ತದೆ. ವಿಡಿಯೋದ ಆರಂಭದಲ್ಲಿ, ಓರ್ವ ಯುವತಿ ನೆಲದ ಕೆಳಗಿನ ರಹಸ್ಯ ಬಾಗಿಲನ್ನು ತೆರೆಯುತ್ತಾಳೆ. ರಹಸ್ಯ ಕೋಣೆಯ ಬಾಗಿಲು ತೆರೆದಾಗ, ಧೂಳಿನ ನಡುವೆ ಮರದ ಮೆಟ್ಟಿಲುಗಳು ಕಾಣಿಸಿಕೊಳ್ಳುತ್ತವೆ.

ಇದನ್ನೂ ಓದಿ: bigg boss kannada 11: ಚೈತ್ರಾ ಕುಂದಾಪುರ ಸೀಕ್ರೆಟ್ ರೂಂ, ಇದು ಮಿಡ್‌ ವೀಕ್‌ ಎಲಿಮಿನೇಶನ್ ಸೂಚನೆಯಾ?

ನಂತರ, ಶತಮಾನಗಳಷ್ಟು ಹಳೆಯ ಹಲವಾರು ಪುಸ್ತಕಗಳನ್ನು ಅಲ್ಲಿ ಅಚ್ಚುಕಟ್ಟಾಗಿ ಜೋಡಿಸಿರುವುದನ್ನು ಕಾಣಬಹುದು. ಓದಲು ಆರಾಮದಾಯಕವಾದ ಕುರ್ಚಿಗಳೂ ಹತ್ತಿರದಲ್ಲಿವೆ. ಈ ದೃಶ್ಯಗಳು AI ಬಳಸಿ ಪುನರ್ನಿರ್ಮಿಸಲಾಗಿದೆ ಎಂಬ ಅನುಮಾನ ಮೊದಲೇ ವೀಕ್ಷಕರಲ್ಲಿ ಮೂಡುತ್ತದೆ. AI ಬಳಸಿ ರಚಿಸಲಾದ ಚಿತ್ರಗಳನ್ನು ನೋಡಿರುವವರಿಗೆ, ದೃಶ್ಯಗಳಲ್ಲಿನ ಹಳೆಯ ಕಾಲದ ಸ್ಪಷ್ಟತೆ ಕಂಡಾಗಲೇ ಅನುಮಾನ ಮೂಡಬಹುದು.

ವಿಡಿಯೋದೊಂದಿಗಿನ ಟಿಪ್ಪಣಿಯಲ್ಲಿ, '120 ವರ್ಷಗಳಿಂದ ತೆರೆದಿರದ ನೆಲಮಾಳಿಗೆಯ ಬಾಗಿಲಿನ ಹಿಂದೆ ಅಡಗಿರುವ ಹಳೆಯ ಓದುವ ಕೋಣೆ. ಅದೇ ನಿಜವಾದ ನಿಧಿ. ಅನಿಮೇಷನ್ ಸಾಫ್ಟ್‌ವೇರ್, ವಿಡಿಯೋ ಎಡಿಟಿಂಗ್ ಮತ್ತು MJ ಬಳಸಿ ನಾನು ಜೀವ ತುಂಬಿದ ಕಲ್ಪನೆ ಇದು. ಮೊದಲ ಭಾಗ ರೀಮಿಕ್ಸ್ ಆಗಿದೆ. ಇಂತಹ ಕೆಲವು ಓದುವ ಕೋಣೆಗಳು ಎಂದಿಗೂ ಪತ್ತೆಯಾಗುವುದಿಲ್ಲ ಎಂದು ನನಗೆ ಖಾತ್ರಿಯಿದೆ.

ಇದನ್ನೂ ಓದಿ: ದೇಶದಲ್ಲಿ ಹೆಚ್ಚಾಯ್ತು ಕೋಟ್ಯಾಧಿಪತಿಗಳ ಸಂಖ್ಯೆ, ಅದಕ್ಕೆ ಕಾರಣ ಏನು?

ಮುಂದೆ ನಾನು ಏನು ಕಲ್ಪಿಸಿಕೊಳ್ಳಬೇಕೆಂದು ನೀವು ಬಯಸುತ್ತೀರಿ? ಅದರ ಆಯಾಮಗಳ ಬಗ್ಗೆ ನೀವು ಯೋಚಿಸುತ್ತಿದ್ದರೆ, ನನ್ನ 'ಗಾರ್ಡಿಯನ್ಸ್ ಆಫ್ ಗ್ಲೈಂಡರ್' ಪುಸ್ತಕವನ್ನು ನೀವು ಓದಬೇಕು.' ಎಂದು ನಿಕೋಲ್ ಕ್ಲೇರ್ ಬರೆದಿದ್ದಾರೆ. 97 ಲಕ್ಷ ಜನರು ಈಗಾಗಲೇ ಈ ವಿಡಿಯೋವನ್ನು ವೀಕ್ಷಿಸಿದ್ದಾರೆ. ಟಿಪ್ಪಣಿ ಓದಿದ ಕೆಲವರು, ವಿಡಿಯೋ ನಿಜವೆಂದು ಭಾವಿಸಿ ತಮಾಷೆಯ ಕಾಮೆಂಟ್‌ಗಳನ್ನು ಬರೆದಿದ್ದಾರೆ. ನಿಕೋಲ್ ಕ್ಲೇರ್ ಅವರ ಇನ್‌ಸ್ಟಾಗ್ರಾಮ್ ಪುಟದಲ್ಲಿ AI ಸಹಾಯದಿಂದ ರಚಿಸಲಾದ ಇಂತಹ ಹಲವು ಗ್ರಂಥಾಲಯದ ವಿಡಿಯೋಗಳಿವೆ.