WhatsApp ನಲ್ಲಿ ಎಚ್ಡಿ ವಿಡಿಯೋಗಳನ್ನು ಶೇರ್ ಮಾಡೋದೇಗೆ: ಹಂತ - ಹಂತದ ಮಾರ್ಗದರ್ಶಿ ಹೀಗಿದೆ..
ಸಾರಾಂಶ
ಮಾರ್ಕ್ ಜುಕರ್ಬರ್ಗ್ ಎಚ್ಡಿ ಫೋಟೋ ಹಂಚಿಕೆ ವೈಶಿಷ್ಟ್ಯವನ್ನು ಪ್ರಕಟಿಸಿದ್ದು, ಎಚ್ಡಿ ವಿಡಿಯೋ ಶೇರಿಂಗ್ ಕೂಡ ಸಾಮಾಜಿಕ ಜಾಲತಾಣ ಪ್ಲ್ಯಾಟ್ಫಾರ್ಮ್ಗೆ ಬರಲಿದೆ ಎಂದು ಖಚಿತಪಡಿಸಿದ್ದಾರೆ. ಆದರೆ, ಈಗಲೂ ಸಹ ಎಚ್ಡಿ ವಿಡಿಯೋ ಕಳಿಸೋ ಆಯ್ಕೆ ಇದ್ದು, ಹೀಗೆ ಮಾಡಬೇಕು.
ನವದೆಹಲಿ (ಆಗಸ್ಟ್ 24, 2023): ವಾಟ್ಸಾಪ್ ಈಗಾಗಲೇ ತನ್ನ ವೇದಿಕೆಯಲ್ಲಿ HD ಫೋಟೋ ಹಂಚಿಕೆ ವೈಶಿಷ್ಟ್ಯವನ್ನು ಹೊರತಂದಿದೆ. ಮಾರ್ಕ್ ಜುಕರ್ಬರ್ಗ್ ಎಚ್ಡಿ ಫೋಟೋ ಹಂಚಿಕೆ ವೈಶಿಷ್ಟ್ಯವನ್ನು ಪ್ರಕಟಿಸಿದ್ದು, ಎಚ್ಡಿ ವಿಡಿಯೋ ಶೇರಿಂಗ್ ಕೂಡ ಸಾಮಾಜಿಕ ಜಾಲತಾಣ ಪ್ಲ್ಯಾಟ್ಫಾರ್ಮ್ಗೆ ಬರಲಿದೆ ಎಂದು ಖಚಿತಪಡಿಸಿದ್ದಾರೆ.
ಆದರೆ, ಪ್ರಸ್ತುತ ಫೋಟೋಗಳಿಗಾಗಿ ಮಾತ್ರ ಈ ಫೀಚರ್ ಲಭ್ಯವಿದೆ. ಆದರೆ ಎಚ್ಡಿ ವಿಡಿಯೋ ಬಿಡುಗಡೆಯಾಗುತ್ತಾ? ಆಗೋದಾದ್ರೆ ಯಾವಾಗ ಅಂತ ನಿಮಗೂ ಕುತೂಹಲ ಇರ್ಬೇಕು ಅಲ್ವೇ? ನೀವು WhatsApp HD ವಿಡಿಯೋ ಬೆಂಬಲವನ್ನು ಹೊರತರಲು ನಿರೀಕ್ಷಿಸಬಹುದು ಅಥವಾ ಇದೀಗ ವಾಟ್ಸಾಪ್ ಬಳಸಿಕೊಂಡು ಸ್ನೇಹಿತರು ಮತ್ತು ಕುಟುಂಬದೊಂದಿಗೆ ವಿಡಿಯೋಗಳನ್ನು ಕಳುಹಿಸಲು ಈ ಸರಳ ಹಂತಗಳನ್ನು ಅನುಸರಿಸಿ.
ಇದನ್ನು ಓದಿ: WhatsApp ನಲ್ಲಿ ಎಚ್ಡಿ ಫೋಟೋಗಳನ್ನು ಕಳಿಸೋದು ಹೇಗೆ ನೋಡಿ..
ನೀವು ಈಗಲೇ ಶೇರ್ ಮಾಡಲು ನಿರ್ಧರಿಸಿದ್ದರೆ, ಅಂದರೆ ಎರಡನೇ ಆಯ್ಕೆ ಮಾಡಿಕೊಂಡರೆ, ಪ್ಲಾಟ್ಫಾರ್ಮ್ನಲ್ಲಿ HD ವಿಡಿಯೋಗಳನ್ನು ಕಳುಹಿಸಲು ನೀವು ಅನುಸರಿಸಬೇಕಾದ ಹಂತಗಳು ಇಲ್ಲಿವೆ.
ಪ್ಲಾಟ್ಫಾರ್ಮ್ನಲ್ಲಿ HD ಫೋಟೋಗಳನ್ನು ಹಂಚಿಕೊಳ್ಳುವ 'ಡಾಕ್ಯುಮೆಂಟ್' ವಿಧಾನವನ್ನು ನೀವು ನೆನಪಿಸಿಕೊಂಡರೆ, ಅದೇ ಟ್ರಿಕ್ ಬಳಸಿ HD ವಿಡಿಯೋಗಳನ್ನು ಸಹ ಶೇರ್ ಮಾಡಿಕೊಳ್ಳಬಹುದು. ನೀವು ಮಾಡಬೇಕಾಗಿರುವುದು ಫೈಲ್ ಮ್ಯಾನೇಜರ್ನಿಂದ ವಿಡಿಯೋವನ್ನು ಆಯ್ಕೆ ಮಾಡಿ ಮತ್ತು ಅದನ್ನು ಡಾಕ್ಯುಮೆಂಟ್ ಆಗಿ ಕಳುಹಿಸಿ. ಮತ್ತು, 2GB ಗಾತ್ರದವರೆಗಿನ ಫೈಲ್ಗಳನ್ನು ಹಂಚಿಕೊಳ್ಳುವ ವಾಟ್ಸಾಪ್ ಸಾಮರ್ಥ್ಯದೊಂದಿಗೆ ಇದೆಲ್ಲವೂ ಹೆಚ್ಚು ಕ್ರಿಯಾತ್ಮಕವಾಗಿದೆ.
ಇದನ್ನೂ ಓದಿ: ವಾಟ್ಸಪ್ನಲ್ಲಿನ್ನು ಪಟಾಫಟ್ ವಿಡಿಯೋ ಸಂದೇಶ: ಶೀಘ್ರ ಹೊಸ ಸೇವೆ ಆರಂಭ
ವಾಟ್ಸಾಪ್ನಲ್ಲಿ ಎಚ್ಡಿ ವಿಡಿಯೋಗಳನ್ನು ಹಂಚಿಕೊಳ್ಳಲು ಕ್ರಮಗಳು:
ಹಂತಗಳು
- ನಿಮ್ಮ ಫೋನ್ನಲ್ಲಿ WhatsApp ಅಪ್ಲಿಕೇಶನ್ ತೆರೆಯಿರಿ ಮತ್ತು ಯಾವುದೇ ಚಾಟ್ ವಿಂಡೋವನ್ನು ಓಪನ್ ಮಾಡಿ
- 'ಅಟ್ಯಾಚ್ಮೆಂಟ್’' ಐಕಾನ್ ಮೇಲೆ ಟ್ಯಾಪ್ ಮಾಡಿ ಮತ್ತು ಡಾಕ್ಯುಮೆಂಟ್ಸ್ ಆಯ್ಕೆಯನ್ನು ಸೆಲೆಕ್ಟ್ ಮಾಡಿ
- ಈಗ, ಫೈಲ್ ಪಿಕರ್ನಿಂದ ನೀವು ಹಂಚಿಕೊಳ್ಳಲು ಬಯಸುವ ವಿಡಿಯೋವನ್ನು ಆಯ್ಕೆಮಾಡಿ
ಸಲಹೆ: ಫೈಲ್ ಅನ್ನು ಪತ್ತೆಹಚ್ಚಲು ನಿಮಗೆ ಕಷ್ಟವಾಗಿದ್ದರೆ, ಮೇಲ್ಭಾಗದಲ್ಲಿರುವ 'ವಿಡಿಯೋಗಳು' ಟ್ಯಾಬ್ ಅನ್ನು ನೋಡಿ. ಇದು ಫೋನ್ನಲ್ಲಿ ಸಂಗ್ರಹವಾಗಿರುವ ಎಲ್ಲಾ ವಿಡಿಯೋಗಳನ್ನು ತರುತ್ತದೆ. ಈಗ, ನೀವು ಹಂಚಿಕೊಳ್ಳಲು ಬಯಸುವ ಒಂದನ್ನು ಆಯ್ಕೆಮಾಡಿ.
- ಅಷ್ಟೇ. ಶೇರ್ ಬಟನ್ ಮೇಲೆ ಟ್ಯಾಪ್ ಮಾಡಿ
ಇದನ್ನೂ ಓದಿ: ಚಾಟಿಂಗ್ ರಹಸ್ಯವಾಗಿಡಲು ವಾಟ್ಸ್ಆ್ಯಟ್ನಲ್ಲಿ ಬಂದಿದೆ ಚಾಟ್ ಲಾಕ್ ಫೀಚರ್: ಬಳಕೆ ಮಾಡುವುದು ಹೀಗೆ..
ಇನ್ನು, ಇತರರು ಇದನ್ನು ಹೇಗೆ ಸ್ವೀಕರಿಸುತ್ತಾರೆ ಎಂದು ನೀವು ಯೋಚಿಸುತ್ತಿದ್ದರೆ, ಇಲ್ನೋಡಿ., ಬಳಕೆದಾರರು ಅದನ್ನು ಡಾಕ್ಯುಮೆಂಟ್ ಆಗಿ ಸ್ವೀಕರಿಸುತ್ತಾರೆ. ಅದರ ಮೇಲೆ ಟ್ಯಾಪ್ ಮಾಡುವುದರಿಂದ ಸ್ವಯಂಚಾಲಿತವಾಗಿ ಡೌನ್ಲೋಡ್ ಆಗುತ್ತದೆ ಮತ್ತು ರಿಸೀವರ್ನ ತುದಿಯಲ್ಲಿ ಓಪನ್ ಆಗುತ್ತದೆ.
ನೆನಪಿನಲ್ಲಿಟ್ಟುಕೊಳ್ಳಬೇಕಾದ ವಿಷಯಗಳು
- ಇದು ಪರಿಹಾರವಾಗಿದೆ ಮತ್ತು ಸ್ಥಳೀಯ ಪ್ರಕ್ರಿಯೆಯಲ್ಲ
- ಈ ವಿಧಾನವನ್ನು ಬಳಸಿಕೊಂಡು 2GB ಅಥವಾ ಅದಕ್ಕಿಂತ ಕಡಿಮೆ ಇರುವ ವಿಡಿಯೋಗಳನ್ನು ಮಾತ್ರ ಹಂಚಿಕೊಳ್ಳಬಹುದು
ಇದನ್ನೂ ಓದಿ: ವಾಟ್ಸಾಪ್ನಿಂದ ಹೊಸ ಫೀಚರ್ ರಿಲೀಸ್: ಇನ್ಮುಂದೆ ಒಂದೇ ವಾಟ್ಸಾಪ್ ಖಾತೆ ಮೂಲಕ 4 ಫೋನ್ಗಳಲ್ಲಿ ಬಳಕೆ!
ಸ್ಮಾರ್ಟ್ಫೋನ್ಗಳು ಮತ್ತು AI ನಿಂದ ಸೈಬರ್ ಭದ್ರತೆ ಮತ್ತು ವಿಜ್ಞಾನದ ಪ್ರಗತಿಯವರೆಗೆ ಇತ್ತೀಚಿನ ಟೆಕ್ನಾಲಜಿ (Technology News in Kannada) ಬಗ್ಗೆ ನಿರಂತರವಾದ ಅಪ್ಡೇಟ್. ಡಿಜಿಟಲ್ ಟ್ರೆಂಡ್ಗಳ ಕುರಿತು ತಜ್ಞರ ಮಾತುಗಳು, ವಿವರವಾದ ಮಾಹಿತಿ ಮತ್ತು ಬ್ರೇಕಿಂಗ್ ನ್ಯೂಸ್ ಸಿಗುವ ಏಕೈಕ ತಾಣ ಏಷ್ಯಾನೆಟ್ ಸುವರ್ಣ ನ್ಯೂಸ್. ಹೊಸ ಗ್ಯಾಜೆಟ್ ರಿಲೀಸ್ ಆಯ್ತಾ? ಹೊಸ ಸ್ಟಾರ್ಟ್ಅಪ್ಗಳು ಬಂದಿದ್ಯಾ? ಭವಿಷ್ಯವನ್ನು ಬದಲಿಸುವ ಟೆಕ್ ಪಾಲಿಸಿ ಯಾವುದು? ಇವುಗಳ ಇಂಚಿಂಚೂ ಮಾಹಿತಿ ಸಿಗಲಿದೆ. ಟೆಕ್ ಎಕ್ಸ್ಪ್ಲೇನರ್ಸ್ ಹಾಗೂ ಗ್ಯಾಜೆಟ್ ಡೆಮೋ ವಿಡಿಯೋಗಳು ಕೂಡ ನೀವು ಕಾಣಬಹುದು.