ಇನ್ಫಿ ಮೂರ್ತಿಗೂ ತಟ್ಟಿದ ಡೀಪ್ಫೇಕ್ ವಿಡಿಯೋ ಬಿಸಿ: ಹೂಡಿಕೆ ಕುರಿತ ನಕಲಿ ವಿಡಿಯೋ ವೈರಲ್!
ಸಾರಾಂಶ
ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿರುವ ಡೀಪ್ಫೇಕ್ ನಕಲಿ ವಿಡಿಯೋಗೆ ಬಲಿಯಾಗದಿರಿ. ನಾನು ಸ್ವಯಂಚಾಲಿತ ಟ್ರೇಡಿಂಗ್ ಅಪ್ಲಿಕೇಷನ್ಗಳಲ್ಲಿ ಹೂಡಿಕೆ ಮಾಡಿದ್ದೇನೆ ಎಂದು ಹೇಳಿಕೊಳ್ಳುವ ಡೀಪ್ಫೇಕ್ ಸಂದರ್ಶನದ ವಿಡಿಯೋ ಮಾಡಿರುವುದು ಸುಳ್ಳು ಎಂದು ನಾರಾಯಣ ಮೂರ್ತಿ ಸಂದರ್ಶನದಲ್ಲಿ ಹೇಳಿದ್ದಾರೆ.
ನವದೆಹಲಿ (ಡಿಸೆಂಬರ್ 15, 2023): ನಟ ನಟಿಯರು ಮತ್ತು ರಾಜಕಾರಣಿಗಳ ಬಳಿಕ ಇದೀಗ ಉದ್ದಿಮೆದಾರರಿಗೂ ಡೀಪ್ಫೇಕ್ ಬಿಸಿ ತಟ್ಟಿದೆ. ಇನ್ಫೋಸಿಸ್ ಸಂಸ್ಥಪಕ ನಾರಾಯಣ ಮೂರ್ತಿ ಅವರು ತಮ್ಮ ಆ್ಯಪ್ನಲ್ಲಿ ಹೂಡಿಕೆ ಮಾಡಿದ್ದಾರೆ ಎಂದು ತೋರಿಸುವ ಡೀಪ್ಫೇಕ್ ವಿಡಿಯೋಗಳನ್ನು ಮಾಡಿ ಜಾಲತಾಣದಲ್ಲಿ ಹರಿಬಿಡಲಾಗಿದೆ.
ಈ ಮೂಲಕ ಗ್ರಾಹಕರನ್ನು ಸೆಳೆಯುವ ಯತ್ನ ಮಾಡಲಾಗಿದೆ. ಈ ಕುರಿತು ಟ್ವೀಟ್ ಮಾಡಿರುವ ನಾರಾಯಣ ಮೂರ್ತಿ ‘ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿರುವ ಡೀಪ್ಫೇಕ್ ನಕಲಿ ವಿಡಿಯೋಗೆ ಬಲಿಯಾಗದಿರಿ. ನಾನು ಸ್ವಯಂಚಾಲಿತ ಟ್ರೇಡಿಂಗ್ ಅಪ್ಲಿಕೇಷನ್ಗಳಲ್ಲಿ ಹೂಡಿಕೆ ಮಾಡಿದ್ದೇನೆ ಎಂದು ಹೇಳಿಕೊಳ್ಳುವ ಡೀಪ್ಫೇಕ್ ಸಂದರ್ಶನದ ವಿಡಿಯೋ ಮಾಡಿರುವುದು ಸುಳ್ಳು’ ಎಂದಿದ್ದಾರೆ.
ಇದನ್ನು ಓದಿ: ಮೋಸದ ಹೂಡಿಕೆ ಮಾಡುವಂತೆ ಮನವಿ ಮಾಡಿದ್ರಾ ರತನ್ ಟಾಟಾ? ವೈರಲ್ ವಿಡಿಯೋ ಅಸಲಿಯತ್ತು ಹೀಗಿದೆ..
ಇತ್ತೀಚಿನ ತಿಂಗಳುಗಳಲ್ಲಿ, ನಾನು ಸ್ವಯಂಚಾಲಿತ ಟ್ರೇಡಿಂಗ್ ಅಪ್ಲಿಕೇಶನ್ಗಳನ್ನು ಅನುಮೋದಿಸಿದ್ದೇನೆ ಅಥವಾ ಹೂಡಿಕೆ ಮಾಡಿದ್ದೇನೆ ಎಂದು ಹೇಳುವ ಮೂಲಕ ಸಾಮಾಜಿಕ ಮಾಧ್ಯಮ ಅಪ್ಲಿಕೇಶನ್ಗಳು ಮತ್ತು ಇಂಟರ್ನೆಟ್ನಲ್ಲಿ ಲಭ್ಯವಿರುವ ವಿವಿಧ ವೆಬ್ಪುಟಗಳಲ್ಲಿ ಹಲವಾರು ನಕಲಿ ಸುದ್ದಿಗಳನ್ನು ಪ್ರಚಾರ ಮಾಡಲಾಗಿದೆ ಎಂದು ನಾರಾಯಣ ಮೂರ್ತಿ ಮೈಕ್ರೋಬ್ಲಾಗಿಂಗ್ ಸೈಟ್ನಲ್ಲಿ ಬರೆದುಕೊಂಡಿದ್ದಾರೆ.
ಇವುಗಳಿಗೆ BTC AI Evex, British Bitcoin Profit, Bit Lyte Sync, Immediate Momentum, Capitalix Ventures ಇತ್ಯಾದಿ ಎಂದು ಹೆಸರಿಸಲಾಗಿದೆ. ಸುದ್ದಿ ಐಟಂಗಳು ಸಹ ಮೋಸದ ವೆಬ್ಸೈಟ್ಗಳಲ್ಲಿ ಕಾಣಿಸಿಕೊಳ್ಳುತ್ತವೆ. ಹಾಗೂ, ಅದು ಜನಪ್ರಿಯ ಪತ್ರಿಕೆ ವೆಬ್ಸೈಟ್ಗಳೆಂದು ಗುರುತಿಸಲ್ಪಟ್ಟಿದೆ ಮತ್ತು ಅವುಗಳಲ್ಲಿ ಕೆಲವು ಡೀಪ್ಫೇಕ್ ಚಿತ್ರಗಳು ಮತ್ತು ವೀಡಿಯೊಗಳನ್ನು ಬಳಸಿಕೊಂಡು ನಕಲಿ ಸಂದರ್ಶನಗಳನ್ನು ಸಹ ಪ್ರಕಟಿಸುತ್ತವೆ ಎಂದು ಅವರು ಹೇಳಿದರು.
ಇದನ್ನು ಓದಿ: ರಶ್ಮಿಕಾ ಮಂದಣ್ಣ ಡೀಪ್ಫೇಕ್ ವಿಡಿಯೋ ವೈರಲ್: ನಕಲಿ ವಿಡಿಯೋ ಗುರುತಿಸೋದು ಹೇಗೆ ತಿಳ್ಳೊಳ್ಳಿ..!
ಸ್ಮಾರ್ಟ್ಫೋನ್ಗಳು ಮತ್ತು AI ನಿಂದ ಸೈಬರ್ ಭದ್ರತೆ ಮತ್ತು ವಿಜ್ಞಾನದ ಪ್ರಗತಿಯವರೆಗೆ ಇತ್ತೀಚಿನ ಟೆಕ್ನಾಲಜಿ (Technology News in Kannada) ಬಗ್ಗೆ ನಿರಂತರವಾದ ಅಪ್ಡೇಟ್. ಡಿಜಿಟಲ್ ಟ್ರೆಂಡ್ಗಳ ಕುರಿತು ತಜ್ಞರ ಮಾತುಗಳು, ವಿವರವಾದ ಮಾಹಿತಿ ಮತ್ತು ಬ್ರೇಕಿಂಗ್ ನ್ಯೂಸ್ ಸಿಗುವ ಏಕೈಕ ತಾಣ ಏಷ್ಯಾನೆಟ್ ಸುವರ್ಣ ನ್ಯೂಸ್. ಹೊಸ ಗ್ಯಾಜೆಟ್ ರಿಲೀಸ್ ಆಯ್ತಾ? ಹೊಸ ಸ್ಟಾರ್ಟ್ಅಪ್ಗಳು ಬಂದಿದ್ಯಾ? ಭವಿಷ್ಯವನ್ನು ಬದಲಿಸುವ ಟೆಕ್ ಪಾಲಿಸಿ ಯಾವುದು? ಇವುಗಳ ಇಂಚಿಂಚೂ ಮಾಹಿತಿ ಸಿಗಲಿದೆ. ಟೆಕ್ ಎಕ್ಸ್ಪ್ಲೇನರ್ಸ್ ಹಾಗೂ ಗ್ಯಾಜೆಟ್ ಡೆಮೋ ವಿಡಿಯೋಗಳು ಕೂಡ ನೀವು ಕಾಣಬಹುದು.