ಥ್ರೆಡ್ಸ್ ಲಾಂಚ್ ಬಳಿಕ ಕಂಗಾಲಾದ ಎಲಾನ್ ಮಸ್ಕ್: ಟ್ವಿಟ್ಟರ್ ಖರೀದಿಗೆ ಒತ್ತಾಯಿಸಿದ ಕಾನೂನು ಸಂಸ್ಥೆ ಮೇಲೆ ಕೇಸ್!
ಸಾರಾಂಶ
ಎಲಾನ್ ಮಸ್ಕ್ ಒಡೆತನದ ಎಕ್ಸ್ ಕಾರ್ಪ್ ಕಂಪನಿ, ಟ್ವಿಟ್ಟರ್ ಅನ್ನು 44 ಬಿಲಿಯನ್ ಡಾಲರ್ಗೆ ಖರೀದಿಸಲು ಸಹಾಯ ಮಾಡಿದ ವಾಚ್ಟೆಲ್ ಲಾ ಫರ್ಮ್ ಪಡೆದ $90 ಮಿಲಿಯನ್ ಶುಲ್ಕದ ಹೆಚ್ಚಿನ ಭಾಗವನ್ನು ವಾಪಸ್ ಪಡೆಯಲು ಬಯಸಿದೆ ಎಂದು ತಿಳಿದುಬಂದಿದೆ.
ನವದೆಹಲಿ (ಜುಲೈ 11, 2023): ಮೆಟಾ ಒಡೆತನದ ಥ್ರೆಡ್ಸ್ ಆಗಮನದ ಬಳಿಕ ಎಲಾನ್ ಮಸ್ಕ್ ಕಂಗಾಲಾಗಿದ್ದಾರೆ. ಮಾರ್ಕ್ ಜುಗರ್ಬರ್ಗ್ ವಿರುದ್ಧ ವೈಯಕ್ತಿಕ ವಾಗ್ದಾಳಿ ಮಾಡಿದ್ದು, ಥ್ರೆಡ್ಸ್ ವಿರುದ್ಧ ಕೇಸ್ ಹಾಕೋದಾಗಿಯೂ ಹೇಳ್ತಿದ್ದಾರೆ. ಟ್ವಿಟ್ಟರ್ ಸಿಇಒ ಎಲೋನ್ ಮಸ್ಕ್ ಅವರು ವಾಚ್ಟೆಲ್, ಲಿಪ್ಟನ್, ರೋಸೆನ್ ಮತ್ತು ಕಾಟ್ಜ್ ಎಂಬ ಕಾನೂನು ಸಂಸ್ಥೆಯ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳುತ್ತಿದ್ದಾರೆ.
ಎಲಾನ್ ಮಸ್ಕ್ ಒಡೆತನದ ಎಕ್ಸ್ ಕಾರ್ಪ್ ಕಂಪನಿ, ಟ್ವಿಟ್ಟರ್ ಅನ್ನು 44 ಬಿಲಿಯನ್ ಡಾಲರ್ಗೆ ಖರೀದಿಸಲು ಸಹಾಯ ಮಾಡಿದ ವಾಚ್ಟೆಲ್ ಲಾ ಫರ್ಮ್ ಪಡೆದ $90 ಮಿಲಿಯನ್ ಶುಲ್ಕದ ಹೆಚ್ಚಿನ ಭಾಗವನ್ನು ವಾಪಸ್ ಪಡೆಯಲು ಬಯಸಿದೆ ಎಂದು ತಿಳಿದುಬಂದಿದೆ. ಎಲಾನ್ ಮಸ್ಕ್ ಟ್ವಿಟ್ಟರ್ ಖರೀದಿಯನ್ನು ಪೂರ್ಣಗೊಳಿಸಲು ಒತ್ತಾಯಿಸಲಾಗುತ್ತದೆ ಎಂದು ಸಂತೋಷಪಟ್ಟ ಮಾಜಿ ಟ್ವಿಟ್ಟರ್ ಕಾರ್ಯನಿರ್ವಾಹಕರ ಬಳಿ ಭಾರಿ ಶುಲ್ಕ ಸ್ವೀಕರಿಸುವ ಮೂಲಕ ವಾಚ್ಟೆಲ್ ಪರಿಸ್ಥಿತಿಯ ಲಾಭವನ್ನು ಪಡೆದರು ಎಂಬುದು ಟ್ವಿಟ್ಟರ್ ಸಿಇಒ ಆರೋಪ.
ಇದನ್ನು ಓದಿ: ಮಾನವನ ಮೆದುಳಿಗೆ ಚಿಪ್ ಜೋಡಿಸಿ ಪ್ರಯೋಗ: ಎಲಾನ್ ಮಸ್ಕ್ ಕಂಪನಿಗೆ ಅಮೆರಿಕ ಅಸ್ತು
ಹಾಗೂ, ಡೆಲವೇರ್ ಮೊಕದ್ದಮೆಯಲ್ಲಿ ವಾಚ್ಟೆಲ್ ಕಡಿಮೆ ಕೆಲಸ ಮಾಡಿದೆ ಎಂದು ಪರಿಗಣಿಸಿ ಅವರು ಪಡೆದುಕೊಂಡ 90 ಮಿಲಿಯನ್ ಡಾಲರ್ ಪಾವತಿಯು ತುಂಬಾ ಹೆಚ್ಚಾಗಿದೆ ಎಂದು ಎಲಾನ್ ಮಸ್ಕ್ ಭಾವಿಸಿದ್ದಾರೆ. ಕೀಗಳನ್ನು ಹಸ್ತಾಂತರಿಸುವಾಗ ಕಂಪನಿಯ ನಗದು ರಿಜಿಸ್ಟರ್ನಿಂದ ಹಣದೊಂದಿಗೆ ತನ್ನ ಪಾಕೆಟ್ಗಳನ್ನು ಪರಿಣಾಮಕಾರಿಯಾಗಿ ಜೋಡಿಸಲು ವಾಚ್ಟೆಲ್ ವ್ಯವಸ್ಥೆ ಮಾಡಿದೆ ಎಂದೂ ದೂರಿನಲ್ಲಿ ತಿಳಿಸಿದ್ದಾರೆ.
ಈ ಹಿನ್ನೆಲೆ ವಾಚ್ಟೆಲ್ ವಿಧಿಸಿದ ಹೆಚ್ಚಿನ ಶುಲ್ಕವನ್ನು ಮರಳಿ ಪಡೆಯಲು ಎಲಾನ್ ಮಸ್ಕ್ ಬಯಸುತ್ತಾರೆ. ವಾಚ್ಟೆಲ್ನ ಪಾಲುದಾರರಲ್ಲಿ ಒಬ್ಬರು ಮತ್ತು ಟ್ವಿಟ್ಟರ್ನ ಮುಖ್ಯ ಕಾನೂನು ಅಧಿಕಾರಿ ವಿಜಯ ಗಡ್ಡೆ ಅವರು ಖರೀದಿಯನ್ನು ಮುಕ್ತಾಯಗೊಳಿಸಿದ ದಿನದಂದು ಒಪ್ಪಂದಕ್ಕೆ ಸಹಿ ಹಾಕಿದರು. ಈ ಮೂಲಕ ಹೆಚ್ಚುವರಿ ಶುಲ್ಕವನ್ನು ವಿಧಿಸಲು ಅವಕಾಶ ಮಾಡಿಕೊಟ್ಟರು ಎಂದೂ ಆರೋಪಿಸಲಾಗಿದೆ.
ಇದನ್ನೂ ಓದಿ: Viral: ಎಲಾನ್ ಮಸ್ಕ್ಗೆ ಸೆಲ್ಯೂಟ್ ಎಂದ ಆನಂದ್ ಮಹೀಂದ್ರಾ: ರಿಸ್ಕ್ ತೆಗೆದುಕೊಳ್ಳೋ ಸಾಮರ್ಥ್ಯಕ್ಕೆ ಮೆಚ್ಚುಗೆ
ಈ ಮೊಕದ್ದಮೆಯು ಮಾಜಿ ಟ್ವಿಟ್ಟರ್ ನಿರ್ದೇಶಕಿ ಮಾರ್ಥಾ ಲೇನ್ ಫಾಕ್ಸ್ ಅನ್ನು ಉಲ್ಲೇಖಿಸಿದ್ದು, ಮಸ್ಕ್ ವಕೀಲರಿಗೆ ಎಷ್ಟು ಸಂಭಾವನೆ ನೀಡಿದ್ದಾರೆ ಎಂದು ಕಂಡು ಆಘಾತಕ್ಕೊಳಗಾಗಿದ್ದರು. ಈ ಬಗ್ಗೆ. ಆಕೆ ಟ್ವಿಟ್ಟರ್ನ ಜನರಲ್ ಕೌನ್ಸೆಲ್ಗೆ ಇಮೇಲ್ ಕಳುಹಿಸಿದ್ದು ಅಚ್ಚರಿ ವ್ಯಕ್ತಪಡಿಸಿದ್ದಾರೆ.
ಆದರೆ, ಈ ಬಗ್ಗೆ ವಾಚ್ಟೆಲ್ ಸಂಸ್ಥೆ ಯಾವ ಪ್ರತಿಕ್ರಿಯೆಯನ್ನೂ ನೀಡಿಲ್ಲ. ಹಾಗೇ, ವಿಜಯ್ ಗಡ್ಡೆ, ಫಾಕ್ಸ್ ಮತ್ತು ಜನರಲ್ ಕೌನ್ಸೆಲ್ ಮೊಕದ್ದಮೆಯ ಭಾಗವಾಗಿಲ್ಲ ಎಂದು ವರದಿಯು ಬಹಿರಂಗಪಡಿಸುತ್ತದೆ. ಎಲಾನ್ ಮಸ್ಕ್ ಟ್ವಿಟ್ಟರ್ ಕಂಪನಿಯ ನೇತೃತ್ವ ವಹಿಸಿಕೊಂಡ ಬಳಿಕ, ಕಂಪನಿಯು ಹಲವಾರು ಕಾನೂನು ವಿವಾದಗಳಲ್ಲಿ ತೊಡಗಿದೆ. ಎಲಾನ್ ಮಸ್ಕ್ ಹಣ ಪಾವತಿ ಮಾಡದ ಕಾರಣ ಭೂಮಾಲೀಕರು, ಮಾರಾಟಗಾರರು ಮತ್ತು ಸಲಹೆಗಾರರು ಮಸ್ಕ್ ಅವರಿಗೆ ಪಾವತಿಸದ ಕಾರಣ ಮೊಕದ್ದಮೆ ಹೂಡಿದ್ದಾರೆ. ಇನ್ನು, ಮಾರ್ಕ್ ಜುಕರ್ಬರ್ಗ್ ಒಡೆತನದ ಮೆಟಾ ಪ್ಲಾಟ್ಫಾರ್ಮ್ ತಮ್ಮ ಹೊಸ ಥ್ರೆಡ್ಗಳ ಅಪ್ಲಿಕೇಶನ್ ಆರಂಭಿಸಿದ ಬಳಿಕ ಅವರ ಮೇಲೂ ಮೊಕದ್ದಮೆ ಹೂಡುವುದಾಗಿ ಟ್ವಿಟ್ಟರ್ ಬೆದರಿಕೆ ಹಾಕಿದೆ.
ಇದನ್ನೂ ಓದಿ: ನಾಯಿ ಚಿಹ್ನೆಗೆ ಕೊಕ್: ಟ್ವಿಟ್ಟರ್ಗೆ ಮತ್ತೆ ಮರಳಿದ ನೀಲಿ ಹಕ್ಕಿ, ಬಳಕೆದಾರರಲ್ಲಿ ಸಂತಸ
ಸ್ಮಾರ್ಟ್ಫೋನ್ಗಳು ಮತ್ತು AI ನಿಂದ ಸೈಬರ್ ಭದ್ರತೆ ಮತ್ತು ವಿಜ್ಞಾನದ ಪ್ರಗತಿಯವರೆಗೆ ಇತ್ತೀಚಿನ ಟೆಕ್ನಾಲಜಿ (Technology News in Kannada) ಬಗ್ಗೆ ನಿರಂತರವಾದ ಅಪ್ಡೇಟ್. ಡಿಜಿಟಲ್ ಟ್ರೆಂಡ್ಗಳ ಕುರಿತು ತಜ್ಞರ ಮಾತುಗಳು, ವಿವರವಾದ ಮಾಹಿತಿ ಮತ್ತು ಬ್ರೇಕಿಂಗ್ ನ್ಯೂಸ್ ಸಿಗುವ ಏಕೈಕ ತಾಣ ಏಷ್ಯಾನೆಟ್ ಸುವರ್ಣ ನ್ಯೂಸ್. ಹೊಸ ಗ್ಯಾಜೆಟ್ ರಿಲೀಸ್ ಆಯ್ತಾ? ಹೊಸ ಸ್ಟಾರ್ಟ್ಅಪ್ಗಳು ಬಂದಿದ್ಯಾ? ಭವಿಷ್ಯವನ್ನು ಬದಲಿಸುವ ಟೆಕ್ ಪಾಲಿಸಿ ಯಾವುದು? ಇವುಗಳ ಇಂಚಿಂಚೂ ಮಾಹಿತಿ ಸಿಗಲಿದೆ. ಟೆಕ್ ಎಕ್ಸ್ಪ್ಲೇನರ್ಸ್ ಹಾಗೂ ಗ್ಯಾಜೆಟ್ ಡೆಮೋ ವಿಡಿಯೋಗಳು ಕೂಡ ನೀವು ಕಾಣಬಹುದು.