☰
ಉಚಿತ ChatGPT 4o ಇದೀಗ ಹತ್ತು ಹಲವು ಹೊಸ ಫೀಚರ್ಸ್ ನೀಡುತ್ತಿದೆ. ವಿಶೇಷ ಅಂದರೆ ನಿಮಗೆ ಘಿಬ್ಲಿ ಶೈಲಿಯ ಚಿತ್ರಗಳನ್ನು ಸುಲಭವಾಗಿ ಈ ChatGPT 4o ಮೂಲಕ ರಚಿಸಬಹುದು. ಎಐ ಇಮೇಜ್ ರಚಿಸವುದು ಹೇಗೆ?
ನವದೆಹಲಿ(ಮಾ.27) ಆರ್ಟಿಫೀಶಿಯಲ್ ಇಂಟಲಿಜೆನ್ಸ್ ಬಳಕೆ ಹೆಚ್ಚಾಗುತ್ತಿದ್ದಂತೆ ಹೊಸ ಹೊಸ ಫೀಚರ್ಸ್ ಬಿಡುಗಡೆಯಾಗುತ್ತಿದೆ. ಎಐ ಮೂಲಕ ಕ್ರಿಯಾತ್ಮಕವಾಗಿ ರಚಿಸಿದ ಹಲವು ವಿಡಿಯೋಗಳು, ಫೋಟೋಗಳು ಭಾರಿ ಸಂಚಲನ ಸೃಷ್ಟಿಸಿದೆ. ಇದೀಗ ಎಐ ಮೂಲಕ ಘಿಬ್ಲಿ ಶೈಲಿಯ ಫೋಟೋಗಳನ್ನು ರಚಿಸುವ ಹೊಸ ಫೀಚರ್ ಲಾಂಚ್ ಆಗಿದೆ. ಇದರಿಂದ ಕಳೆದ 24 ಗಂಟೆಯಲ್ಲಿ ಘಿಬ್ಲಿ ಇಮೇಜ್ ಭಾರಿ ಸದ್ದು ಮಾಡುತ್ತಿದೆ. ವಿಶೇಷವಾಗಿ ChatGPT 4o ನೂತನ ಘಿಬ್ಲಿ ಎಐ ಇಮೇಜ್ ಫೀಚರ್ಸ್ ನೀಡಿದೆ. OpenAI ಚಿತ್ರ ರಚನೆ ಫೀಚರ್ ಜಗತ್ತನ್ನೇ ಬೆಚ್ಚಿ ಬೀಳಿಸಿದೆ. ಈ ಟೂಲ್ ಬೇರೆ ಕಲಾತ್ಮಕ ಶೈಲಿಗಳನ್ನು ಅನುಕರಿಸಲು ಉತ್ತಮವಾಗಿ ಅನ್ನೋ ಅಭಿಪ್ರಾಯಗಳು ವ್ಯಕ್ತವಾಗಿದೆ. ಇದೀಗ ಬಳಕೆದಾರರು ತಮ್ಮ ಫೋಟೋಗಳನ್ನು ಘಿಬ್ಲಿ ಶೈಲಿಯ ಚಿತ್ರಗಳಾಗಿ ಬದಲಾಯಿಸುತ್ತಿದ್ದಾರೆ.
OpenAI ನ ಸ್ಯಾಮ್ ಆಲ್ಟ್‌ಮನ್ ಅವರನ್ನೇ ಸೆರೆಹಿಡಿದಿರುವ ಸ್ಟುಡಿಯೋ ಘಿಬ್ಲಿ ಕ್ರೇಜ್ ಬಗ್ಗೆ ಮತ್ತು ಈ ಪ್ಲಾಟ್‌ಫಾರ್ಮ್‌ನ ಥೀಮ್‌ಗಳನ್ನು ಬಳಸಿ ಆರ್ಟ್‌ವರ್ಕ್ ಅನ್ನು ಹೇಗೆ ರಚಿಸುವುದು ಅನ್ನೋದು ಇಲ್ಲಿದೆ.
ಚಾಟ್‌ಜಿಪಿಟಿ ಹಿಂದಿಕ್ಕಿ ದಾಖಲೆ ಬರೆದ ಸದ್ಗುರು ಮಿರಾಕಲ್ ಮೈಂಡ್ ಆ್ಯಪ್, ಏನಿದೆ ಇದರಲ್ಲಿ?
ChatGPT 4o ಅನ್ನು ಬಳಸಲು ನಿಮ್ಮ ಗೂಗಲ್ ಐಡಿ ಬಳಸಿ ಸೈನ್ ಇನ್ ಮಾಡಿ ಅಥವಾ ಹೊಸ OpenAI ಖಾತೆಗೆ ಸೈನ್ ಅಪ್ ಮಾಡಿ. ಇದು ಉಚಿತ ಖಾತೆಯಲ್ಲೂ ಲಭ್ಯವಿದೆ. AI ಚಾಟ್‌ಬಾಟ್ ವೇಗವಾಗಿ ಮತ್ತು ಪರಿಣಾಮಕಾರಿಯಾಗಿದ್ದರೂ, ಉಚಿತ ChatGPT ಆವೃತ್ತಿಯನ್ನು ಬಳಸುವಾಗ ಕೆಲವು ಮಿತಿಗಳಿವೆ. ChatGPT 4o ಬಳಸಿ ಸ್ಟುಡಿಯೋ ಘಿಬ್ಲಿ ಶೈಲಿಯ AI ಚಿತ್ರಗಳನ್ನು ರಚಿಸಲು ಈ ಕೆಳಗಿನ ಹಂತಗಳನ್ನು ಅನುಸರಿಸಿ.
ChatGPT ವೆಬ್‌ಸೈಟ್‌ಗೆ ಭೇಟಿ ನೀಡಿ.
ನಿಮ್ಮ ಗೂಗಲ್ ಐಡಿ ಬಳಸಿ ಲಾಗಿನ್ ಮಾಡಿ ಅಥವಾ ಹೊಸ ಖಾತೆಗೆ ಸೈನ್ ಅಪ್ ಮಾಡಿ.
ನಿಮ್ಮ ಸ್ಕ್ರೀನ್‌ನಲ್ಲಿ ChatGPT ಇಂಟರ್‌ಫೇಸ್ ಕಾಣಿಸುತ್ತದೆ.
ಸರಳ ಟೆಕ್ಸ್ಟ್ ಪ್ರಾಂಪ್ಟ್‌ಗಳನ್ನು ಬಳಸಿ ಮತ್ತು "ಸ್ಟುಡಿಯೋ ಘಿಬ್ಲಿ" ಎಂಬ ಪದವನ್ನು ಸೇರಿಸಿ AI-ಸ್ಟೈಲ್ ಚಿತ್ರಗಳನ್ನು ರಚಿಸಿ.
OpenAI, DALL-E ಚಿತ್ರ ಉತ್ಪಾದನಾ ತಂತ್ರಜ್ಞಾನವನ್ನು ಬಳಸಿ ಘಿಬ್ಲಿ ಶೈಲಿಯ AI ಚಿತ್ರಗಳನ್ನು ಉತ್ಪಾದಿಸುತ್ತದೆ.
ಉದಾಹರಣೆಗೆ, ChatGPT 4o ಗೆ "ಸ್ಟುಡಿಯೋ ಘಿಬ್ಲಿ ಶೈಲಿಯಲ್ಲಿ ಉದ್ಯಾನವನದಲ್ಲಿರುವ ಜನರ ಗುಂಪು" ಎಂದು ಪ್ರಾಂಪ್ಟ್ ನೀಡುವ ಮೂಲಕ AI ಚಿತ್ರವನ್ನು ರಚಿಸಲು ಕೇಳಬಹುದು. ChatGPT ನ ಉಚಿತ ಆವೃತ್ತಿಯನ್ನು ಬಳಸುವುದರಿಂದ ಆಗುವ ಅನುಕೂಲಗಳು. ಇದು ಫೋಟೋಗಳನ್ನು ಅಪ್‌ಲೋಡ್ ಮಾಡಲು ಮತ್ತು ಎಡಿಟ್ ಮಾಡಲು ಸಹ ನಿಮಗೆ ಅನುಮತಿಸುತ್ತದೆ. ಆದರೆ, AI-ಶೈಲಿಯ ಚಿತ್ರಗಳು ChatGPT ನ ಪ್ಲಸ್, ಪ್ರೊ ಅಥವಾ ಟೀಮ್ಸ್ ಆವೃತ್ತಿಗಳಲ್ಲಿ ಮಾತ್ರ ಲಭ್ಯವಿದೆ.
ಘಿಬ್ಲಿ ಕಲೆ ಅಂದ್ರೇನು?
ಹಯಾವೊ ಮಿಯಾಝಾಕಿ, ಇಸಾವೊ ಟಕಹಾತಾ ಮತ್ತು ಟೊಶಿಯೊ ಸುಜುಕಿ 1985 ರಲ್ಲಿ ಘಿಬ್ಲಿ ಅನ್ನೋ ಜಪಾನಿನ ಅನಿಮೇಷನ್ ಕಂಪನಿಯನ್ನು ಸ್ಥಾಪಿಸಿದರು. ಇದು ತನ್ನ ವಿನ್ಯಾಸ, ಕಥೆ ಹೇಳುವ ಶೈಲಿ ಮತ್ತು ಕೈಯಿಂದ ಮಾಡಿದ ಅನಿಮೇಷನ್‌ಗೆ ಹೆಸರುವಾಸಿಯಾಗಿದೆ. "ಘಿಬ್ಲಿ" ಅನ್ನೋ ಹೆಸರು ಲಿಬಿಯಾದ ಅರೇಬಿಕ್ ಭಾಷೆಯಿಂದ ಬಂದಿದೆ. ಇದರರ್ಥ ಬಿಸಿ ಮರುಭೂಮಿ ಗಾಳಿ.
ಸೂಕ್ಷ್ಮ ಬಣ್ಣಗಳು, ಸಣ್ಣ ವಿವರಗಳು ಮತ್ತು ಒಂದು ರೀತಿಯ ಮ್ಯಾಜಿಕಲ್ ವಾತಾವರಣವನ್ನು ಹೊಂದಿರುವ ಚಿತ್ರವನ್ನು ಘಿಬ್ಲಿ ಪೋರ್ಟ್ರೇಟ್ ಎನ್ನಲಾಗುತ್ತದೆ. ನೆರೆಮನೆಯ ಟೊಟೊರೊ, ಸ್ಪಿರಿಟೆಡ್ ಅವೇ, ಹೌಲ್ಸ್ ಮೂವಿಂಗ್ ಕ್ಯಾಸಲ್, ಕಿಕಿಸ್ ಡೆಲಿವರಿ ಸರ್ವಿಸ್ ಮತ್ತು ಪ್ರಿನ್ಸೆಸ್ ಮೊನೊನೊಕೆ ಕಂಪನಿಯ ಕೆಲವು ಪ್ರಸಿದ್ಧ ಅನಿಮೇಟೆಡ್ ಚಿತ್ರಗಳು ವಿಶ್ವದಲ್ಲೇ ಜನಪ್ರಿಯವಾಗಿದೆ.
DeepSeek V3: AI ಕೋಡಿಂಗ್‌ನಲ್ಲಿ ಹೊಸ ಕ್ರಾಂತಿ! ChatGPT ಗೆ ನೇರ ಸವಾಲು!
ಈ ಕೆಳಗೆ ಕೆಲ ಘಿಬ್ಲಿ ಇಮೇಜ್ ನೀಡಲಾಗಿದೆ
Nobody asked for Bollywood movie scenes in Ghibli style — but here they are. pic.twitter.com/umiDAA7LNu
— Vivek Choudhary (@ivivekch)Next level stuff 🤌🏼✨Ghibli Vibe pic.twitter.com/5xcc0HLXyU
— Nirmal (@N1Soliloquy)Any image + "Create a Studio Ghibli Version of this image" in GPT and you get basically perfect results. pic.twitter.com/Q23AqeznqN
— Jason Rink (@TheJasonRink)
