Cinemaplus OTT: ಬ್ರಾಡ್ಬ್ಯಾಂಡ್ ಗ್ರಾಹಕರಿಗಾಗಿ ಸಿನಿಮಾಪ್ಲಸ್ ಒಟಿಟಿ ಸೇವೆ ಘೋಷಿಸಿದ ಬಿಎಸ್ಎನ್ಎಲ್!
ಸಾರಾಂಶ
ಖಾಸಗಿ ಟೆಲಿಕಾಂ ಸೇವಾ ಕಂಪನಿಗಳ ನಡುವೆ ಮಾರುಕಟ್ಟೆಯಲ್ಲಿ ಉಳಿದುಕೊಳ್ಳಲು ಒದ್ದಾಟ ನಡೆಸುತ್ತಿರುವ ಭಾರತ್ ಸಂಚಾರ ನಿಗಮ್ ಲಿಮಿಟೆಡ್, ತನ್ನ ಬ್ರಾಡ್ಬ್ಯಾಂಡ್ ಗ್ರಾಹಕರಿಗಾಗಿ ಸಿನಿಮಾಪ್ಲಸ್ ಒಟಿಟಿ ಸೇವೆ ಘೋಷಣೆ ಮಾಡಿದೆ.
ಬೆಂಗಳೂರು (ಮೇ.17): ಭಾರತ್ ಸಂಚಾರ್ ನಿಗಮ್ ಲಿಮಿಟೆಡ್ (BSNL) ತನ್ನ ಗ್ರಾಹಕರಿಗಾಗಿ ಸಿನಿಮಾಪ್ಲಸ್ ಎಂಬ ತನ್ನ ಹೊಸ ಓವರ್-ದಿ-ಟಾಪ್ (OTT) ಸೇವೆಯನ್ನು ಘೋಷಿಸಿದೆ. ಸರ್ಕಾರಿ ಸ್ವಾಮ್ಯದ ಟೆಲಿಕಾಂ ಸೇವಾ ಪೂರೈಕೆದಾರ ಕಂಪನಿ ಹಲವಾರು ಹೊಸ ಒಟಿಟಿ ಪ್ಯಾಕ್ಗಳನ್ನು ಘೋಷಣೆ ಮಾಡಿದೆ ಎಂದು ಟೆಲಿಕಾಮ್ ಟಾಕ್ ವರದಿ ಮಾಡಿದೆ, ಬಳಕೆದಾರರು ತಮ್ಮ ನೆಚ್ಚಿನ ಟಿವಿ ಶೋಗಳು ಮತ್ತು ಚಲನಚಿತ್ರಗಳನ್ನು ಇದರಲ್ಲಿ ಖರೀದಿ ಮಾಡಬಹುದು ಮತ್ತು ವೀಕ್ಷಣೆ ಮಾಡಬಹುದು. ಒಟಿಟಿ ಸೇವೆಗಳನ್ನು ನೀಡಲು, ಬಿಎಸ್ಎನ್ಎಲ್, ವರದಿಯ ಪ್ರಕಾರ, ಲಯನ್ಸ್ಗೇಟ್, ಶೀಮಾರೂಮೀ, ಹಂಗಾಮ ಮತ್ತು ಎಪಿಕ್ ಆನ್ ಸೇರಿದಂತೆ ಹಲವಾರು ಒಟಿಟಿ ಪ್ಲಾಟ್ಫಾರ್ಮ್ಗಳೊಂದಿಗೆ ಒಪ್ಪಂದ ಮಾಡಿಕೊಂಡಿದೆ. ಬಿಎಸ್ಎನ್ಎಲ್ ಸಿನಿಮಾಪ್ಲಸ್ ಹಿಂದೆ ತಿಳಿದಿರುವ ಯುಪ್ಟಿವಿ ಸ್ಕೋಪ್ನ ಮರುಬ್ರಾಂಡೆಡ್ ಆವೃತ್ತಿಯಾಗಿದ್ದು, ಇದು ಬಳಕೆದಾರರಿಗೆ 249 ರೂಪಾಯಿಗೆ ಹಲವು ಸೇವೆಗಳನ್ನು ನೀಡುತ್ತಿತ್ತು. ಸಿನಿಮಾಪ್ಲಸ್ ಬಳಕೆದಾರರಿಗೆ ತಮ್ಮ ಅಗತ್ಯಗಳಿಗೆ ಅನುಗುಣವಾಗಿ ಆಯ್ಕೆ ಮಾಡಲು ವ್ಯಾಪಕ ಶ್ರೇಣಿಯ ಯೋಜನೆಗಳನ್ನು ನೀಡುತ್ತದೆ. ಸಿನಿಮಾಪ್ಲಸ್ನ ಭಾಗವಾಗಿ, ಸರ್ಕಾರಿ ಸ್ವಾಮ್ಯದ ಟೆಲಿಕಾಂ ಸೇವಾ ಪೂರೈಕೆದಾರರು ಪ್ರಸ್ತುತ ಒಟಿಟಿ ಸೇವೆಗಳ ವಿಭಿನ್ನ ಸಂಯೋಜನೆಗಳ ಆಧಾರದ ಮೇಲೆ ಬಳಕೆದಾರರಿಗೆ ಮೂರು ಯೋಜನೆಗಳನ್ನು ನೀಡುತ್ತಿದೆ. ಮೂಲ ಯೋಜನೆಯು ರೂ 49 ರಿಂದ ಪ್ರಾರಂಭವಾಗುತ್ತದೆ ಮತ್ತು 249 ರೂಪಾಯಿವರೆಗಿನ ಗರಿಷ್ಠ ಯೋಜನೆಗಳಿವೆ. ಎಲ್ಲಾ ಯೋಜನೆಗಳು ಏನನ್ನು ನೀಡುತ್ತವೆ ಎಂಬುದರ ಕುರಿತು ವಿವರವಾದ ಮಾಹಿತಿ ಇಲ್ಲಿದೆ.
ಬಿಎಸ್ಎನ್ಎಲ್ ಸಿನಿಮಾಪ್ಲಸ್ ಸ್ಟಾರ್ಟರ್ ಪ್ಯಾಕ್: ವಿವರ
ಕೇವಲ 49 ರೂಪಾಯಿಯ ಬೇಸ್ ಪ್ಲ್ಯಾನ್ ಪ್ಯಾಕ್ನಲ್ಲಿನ ಶೀಮಾರೂಮೀ, ಹಂಗಾಮ, ಲಯನ್ಸ್ಗೇಟ್ ಮತ್ತು ಎಪಿಕ್ಆನ್ ಅನ್ನು ನೀಡುತ್ತವೆ. ಈ ಯೋಜನೆಯು ಮೊದಲು 99 ರೂಪಾಯಿ ಆಗಿತ್ತು.
ಬಿಎಸ್ಎನ್ಎಲ್ ಸಿನಿಮಾಪ್ಲಸ್ ಫುಲ್ ಪ್ಯಾಕ್: ವಿವರ
ಇನ್ನು ಬಿಎಸ್ಎನ್ಎಲ್ ಸಿನಿಮಾಪ್ಲಸ್ನ ಫುಲ್ ಪ್ಯಾಕ್ನಲ್ಲಿ ಝೀ4 ಪ್ರೀಮಿಯಂ, ಸೋನಿ ಲೈವ್ ಪ್ರೀಮಿಯಂ, ಯುಪ್ ಟಿವಿ ಹಾಗೂ ಹಾಟ್ಸ್ಟಾರ್ ಸೇವೆಗಳು ಲಭ್ಯವಿರುತ್ತದೆ. ಈ ಪ್ಲ್ಯಾನ್ನ ಒಟ್ಟಾರೆ ಶುಲ್ಕ 199 ರೂಪಾಯಿ ಆಗಿರುತ್ತದೆ.
ಬಿಎಸ್ಎನ್ಎಲ್ ಸಿನಿಮಾ ಪ್ಲಸ್ ಪ್ರೀಮಿಯಂ ಪ್ಯಾಕ್: ವಿವರ
ಇನ್ನು ಪ್ರೀಮಿಯಂ ಪ್ಯಾಕ್ ಕೇವಲ 249 ರೂಪಾಯಿಗೆ ಲಭ್ಯವಿರಲಿದೆ. ಇದರಲ್ಲಿ ಝೀ 5 ಪ್ರೀಮಿಯಂ, ಸೋನಿ ಲೈವ್ ಪ್ರೀಮಿಯಂ, ಯುಪ್ ಟಿವಿ, ಶೀಮಾರೂ ಮೀ, ಹಂಗಾಮ,ಲಯನ್ಸ್ಗೇಟ್ ಮತ್ತು ಹಾಟ್ ಸ್ಟಾರ್ ಇರಲಿದೆ.
ಹೀನಾಯ ಸೋತ 'ಶಾಕುಂತಲಂ' OTTಗೆ; ಸೈಲೆಂಟ್ ಆಗಿ ಸ್ಟ್ರೀಮಿಂಗ್ ಆರಂಭಿಸಿದ ಸಮಂತಾ ಸಿನಿಮಾ
ಸಿನಿಮಾಪ್ಲಸ್ ಸೇವೆಯು ಹೇಗೆ ಕಾರ್ಯನಿರ್ವಹಿಸುತ್ತದೆ:
ಸಿನಿಮಾಪ್ಲಸ್ ಸೇವೆಯನ್ನು ಬಳಸಲು, ಬಳಕೆದಾರರು ಸಕ್ರಿಯ ಬಿಎಸ್ಎನ್ಎಲ್ ಫೈಬರ್ ಅಥವಾ ಬ್ರಾಡ್ಬ್ಯಾಂಡ್ ಸಂಪರ್ಕವನ್ನು ಹೊಂದಿರಬೇಕು ಮತ್ತು ಅವರು ತಮ್ಮ ಅಗತ್ಯಕ್ಕೆ ಅನುಗುಣವಾಗಿ ಲಭ್ಯವಿರುವ ಯೋಜನೆಗಳಲ್ಲಿ ಒಂದನ್ನು ಸಕ್ರಿಯಗೊಳಿಸಬೇಕಾಗುತ್ತದೆ. ಒಮ್ಮೆ ಯೋಜನೆಯನ್ನು ಸಕ್ರಿಯಗೊಳಿಸಿದ ನಂತರ, ಎಲ್ಲಾ ಚಂದಾದಾರಿಕೆಗಳನ್ನು ನೋಂದಾಯಿತ ಫೋನ್ ಸಂಖ್ಯೆಗೆ ಜೋಡಿಸಲಾಗುತ್ತದೆ ಮತ್ತು ಅವರು ಸಕ್ರಿಯಗೊಳಿಸಿದ ಯೋಜನೆಯ ಭಾಗವಾಗಿರುವ ಪ್ಲಾಟ್ಫಾರ್ಮ್ಗಳಲ್ಲಿ ಲಭ್ಯವಿರುವ ವಿಷಯವನ್ನು ಪ್ರವೇಶಿಸಲು ಫೋನ್ ಸಂಖ್ಯೆಯನ್ನು ಬಳಸಬಹುದು.
OTTಗೆ ವಿವಾದಾತ್ಮಕ 'ದಿ ಕೇರಳ ಸ್ಟೋರಿ': ಯಾವಾಗ, ಎಲ್ಲಿ? ಇಲ್ಲಿದೆ ಸಂಪೂರ್ಣ ವಿವರ
ಸ್ಮಾರ್ಟ್ಫೋನ್ಗಳು ಮತ್ತು AI ನಿಂದ ಸೈಬರ್ ಭದ್ರತೆ ಮತ್ತು ವಿಜ್ಞಾನದ ಪ್ರಗತಿಯವರೆಗೆ ಇತ್ತೀಚಿನ ಟೆಕ್ನಾಲಜಿ (Technology News in Kannada) ಬಗ್ಗೆ ನಿರಂತರವಾದ ಅಪ್ಡೇಟ್. ಡಿಜಿಟಲ್ ಟ್ರೆಂಡ್ಗಳ ಕುರಿತು ತಜ್ಞರ ಮಾತುಗಳು, ವಿವರವಾದ ಮಾಹಿತಿ ಮತ್ತು ಬ್ರೇಕಿಂಗ್ ನ್ಯೂಸ್ ಸಿಗುವ ಏಕೈಕ ತಾಣ ಏಷ್ಯಾನೆಟ್ ಸುವರ್ಣ ನ್ಯೂಸ್. ಹೊಸ ಗ್ಯಾಜೆಟ್ ರಿಲೀಸ್ ಆಯ್ತಾ? ಹೊಸ ಸ್ಟಾರ್ಟ್ಅಪ್ಗಳು ಬಂದಿದ್ಯಾ? ಭವಿಷ್ಯವನ್ನು ಬದಲಿಸುವ ಟೆಕ್ ಪಾಲಿಸಿ ಯಾವುದು? ಇವುಗಳ ಇಂಚಿಂಚೂ ಮಾಹಿತಿ ಸಿಗಲಿದೆ. ಟೆಕ್ ಎಕ್ಸ್ಪ್ಲೇನರ್ಸ್ ಹಾಗೂ ಗ್ಯಾಜೆಟ್ ಡೆಮೋ ವಿಡಿಯೋಗಳು ಕೂಡ ನೀವು ಕಾಣಬಹುದು.