ನಿಜಕ್ಕೂ ಮಧ್ಯರಾತ್ರಿಲೀ ಮಾಡೆಲ್ ಚಾಯ್ ವಾಲಿ ಸಿಮ್ರಾನ್ ಬಟ್ಟೆ ಎಳೆದು ಥಳಿಸಿದ್ರ ಪೊಲೀಸ್, ವಿಡಿಯೋ ವೈರಲ್

ಲಕ್ನೋದಲ್ಲಿ ಸಾಮಾಜಿಕ ಮಾಧ್ಯಮಗಳಲ್ಲಿ ಒಂದು ವಿಡಿಯೋ ವೇಗವಾಗಿ ವೈರಲ್ ಆಗುತ್ತಿದೆ, ಇದರಲ್ಲಿ ಮಹಿಳಾ ಪೊಲೀಸ್ ಅಧಿಕಾರಿಯೊಬ್ಬರು ಮಾಡೆಲಿಂಗ್ ತೊರೆದು ಚಹಾ ಮಾರಲು ಬಂದಿರುವ ಸಿಮ್ರಾನ್ ಗುಪ್ತಾ ಅವರನ್ನು ಥಳಿಸುತ್ತಿರುವುದು ಕಂಡುಬಂದಿದೆ.

Model Chai Wali Simran: ನವಾಬರ ನಗರ ಲಕ್ನೋದಲ್ಲಿ ನಾಚಿಕೆಗೇಡಿನ ಸಂಗತಿಯೊಂದು ಬೆಳಕಿಗೆ ಬಂದಿದೆ. ಮಾಡೆಲ್ ಚಾಯ್ ವಾಲಿ ಎಂದೇ ಜನಪ್ರಿಯವಾಗಿರುವ ಮಹಿಳೆಯೊಂದಿಗೆ ಪೊಲೀಸರು ಅನುಚಿತವಾಗಿ ವರ್ತಿಸಿದ್ದಾರೆ. ತಡರಾತ್ರಿ ಪೊಲೀಸರು ಮಾಡೆಲ್ ಚಾಯ್ ವಾಲಿ ಅಂಗಡಿಗೆ ಬಂದು ಅವರನ್ನು ಥಳಿಸಿ ಬಟ್ಟೆಗಳನ್ನು ಎಳೆದಿದ್ದಾರೆ. ಈ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿದೆ. ಮಾಡೆಲ್ ಚಾಯ್ ವಾಲಿ ಅವರೊಂದಿಗಿನ ಪೊಲೀಸರ ಈ ವರ್ತನೆಗೆ ಜನರು ತಮ್ಮ ಕೋಪ ವ್ಯಕ್ತಪಡಿಸಿರುವುದಲ್ಲದೆ, ಅಸಮಾಧಾನ ಹೊರಹಾಕಿದ್ದಾರೆ.

ವಾಸ್ತವವಾಗಿ ಈ ಘಟನೆ ಭಾನುವಾರ ರಾತ್ರಿ 12 ಗಂಟೆಗೆ ನಡೆದಿದ್ದು, ಪೊಲೀಸರು ಮಾಡೆಲ್ ಚಾಯ್ ವಾಲಿ ಅಂಗಡಿಗೆ ತೆರಳಿ ತಡರಾತ್ರಿಯವರೆಗೆ ಅಂಗಡಿ ತೆರೆದಿದ್ದಕ್ಕಾಗಿ ಗದರಿಸಲು ಪ್ರಾರಂಭಿಸಿದರು. ಕೊನೆ ಕೊನೆಗೆ ಆಕೆಯ ಬಟ್ಟೆಗಳನ್ನು ಎಳೆದು ಹೊಡೆಯಲು ಪ್ರಾರಂಭಿಸಿದರು. ಇವರು ಎಲ್ಲಾ ಮಿತಿಗಳನ್ನು ದಾಟಿ ದೌರ್ಜನ್ಯ ಎಸಗಿರುವುದು ವಿಡಿಯೋದಲ್ಲಿ ಕಂಡುಬಂದಿದ್ದು, ಈ ಸಂಪೂರ್ಣ ಘಟನೆಯನ್ನು ಕಾರಿನಲ್ಲಿ ಕುಳಿತಿದ್ದ ವ್ಯಕ್ತಿಯೊಬ್ಬರು ಸೆರೆಹಿಡಿದು ಸಾಮಾಜಿಕ ಮಾಧ್ಯಮದಲ್ಲಿ ಶೇರ್ ಮಾಡಿದ್ದಾರೆ.

ಪೊಲೀಸರು ಹೇಳಿದ್ದೇನು?
ರಾತ್ರಿ 11 ಗಂಟೆಯ ನಂತರ ಅಂಗಡಿಗಳನ್ನು ಮುಚ್ಚಲು ಆದೇಶವಿದೆ. ಆದರೆ ಸಿಮ್ರಾನ್ ಪದೇ ಪದೇ ನಿಯಮಗಳನ್ನು ಉಲ್ಲಂಘಿಸುತ್ತಿದ್ದರು ಎಂದು ಪೊಲೀಸರು ಹೇಳುತ್ತಾರೆ. ಆದರೆ ವಿಡಿಯೋ ನೋಡಿದ ಜನರು ಸಾಮಾಜಿಕ ಮಾಧ್ಯಮಗಳಲ್ಲಿ ಸಿಮ್ರಾನ್ ಅವರನ್ನು ಬೆಂಬಲಿಸಿ, ಪೊಲೀಸರ ಕ್ರಮದ ಬಗ್ಗೆ ಪ್ರಶ್ನೆಗಳನ್ನು ಎತ್ತುತ್ತಿದ್ದಾರೆ.

ಆರೋಪ ಮಾಡಿದ ಸಿಮ್ರಾನ್
ಭಾನುವಾರ ರಾತ್ರಿ 12 ಗಂಟೆ ಸುಮಾರಿಗೆ ಪೊಲೀಸರು ಲಕ್ನೋದ ಎಂಜಿನಿಯರಿಂಗ್ ಕಾಲೇಜು ಚೌಕದಲ್ಲಿರುವ 'ಮಾಡೆಲ್ ಚಾಯ್ ವಾಲಿ' ಸ್ಟಾಲ್‌ಗೆ ಹೋಗಿದ್ದಾರೆ. ನಂತರ ಸುಲಿಗೆ ಹಣಕ್ಕೆ ಬೇಡಿಕೆ ಇಟ್ಟಿದ್ದಾರೆ, ಇದಕ್ಕೆ ಸಿಮ್ರಾನ್ ನಿರಾಕರಿಸಿದಾಗ "ನಿಂದಿಸಿ, ಬಟ್ಟೆ ಎಳೆದು ಥಳಿಸಿದರು" ಎಂದು ಸಿಮ್ರಾನ್ ಆರೋಪಿಸಿದ್ದಾರೆ. ಜೊತೆಗೆ ಪೊಲೀಸರ ದೌರ್ಜನ್ಯದ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಬೇಕೆಂದು ಒತ್ತಾಯಿಸುತ್ತಿದ್ದಾರೆ.

ಯಾರು ಈ ಮಾಡೆಲ್ ಚಾಯ್ ವಾಲಿ?
ಲಕ್ನೋದಲ್ಲಿ ಮಾಡೆಲ್ ಚಾಯ್ ವಾಲಿ ಎಂದೇ ಪ್ರಸಿದ್ಧಿಯಾಗಿರುವ ಈ ಮಹಿಳೆಯ ಹೆಸರು ಸಿಮ್ರಾನ್ ಗುಪ್ತಾ. ಸಿಮ್ರಾನ್ ಗುಪ್ತಾ 2018 ರಲ್ಲಿ ಮಿಸ್ ಗೋರಖ್‌ಪುರ ಪ್ರಶಸ್ತಿಯನ್ನು ಗೆದ್ದಿದ್ದಾರೆ. ಸಿಮ್ರಾನ್ ಅವರ ತಂದೆ ರಾಜೇಂದ್ರ ಗುಪ್ತಾ ದೈಹಿಕವಾಗಿ ಮತ್ತು ಮಾನಸಿಕವಾಗಿ ಅಂಗವಿಕಲರು. ತಂದೆಯ ಅನಾರೋಗ್ಯದಿಂದಾಗಿ ಸಾಲದಲ್ಲಿದ್ದ ಕುಟುಂಬದ ಜವಾಬ್ದಾರಿಗಳನ್ನು ನಿರ್ವಹಿಸಲು ಸಿಮ್ರಾನ್ ಮಾಡೆಲಿಂಗ್ ಪ್ರಾರಂಭಿಸಿದರು. ಆದರೆ ಕೋವಿಡ್ ಸಮಯದಲ್ಲಿ ಅವರು ನಿರುದ್ಯೋಗಿಯಾದರು. ನಂತರ, ಸಿಮ್ರಾನ್ ಗುತ್ತಿಗೆ ಕೆಲಸ ಮಾಡಿದರು. ಆದರೆ ಅಲ್ಲಿ ಸಂಬಳ ಸಿಗಲಿಲ್ಲ. ಆದ್ದರಿಂದ, Graduate chaiwaliಯಿಂದ ಪ್ರಭಾವಿತರಾದ ಸಿಮ್ರಾನ್ ಮೊದಲು ಗೋರಖ್‌ಪುರ ವಿಶ್ವವಿದ್ಯಾಲಯದ ಹಾಸ್ಟೆಲ್ ಮುಂದೆ ಒಂದು ಟೀ ಸ್ಟಾಲ್ ಅನ್ನು ಸ್ಥಾಪಿಸಿದರು. ಇದು ವರ್ಕ್ ಆಯಿತು. ಅವರು ತಯಾರಿಸಿದ ಚಹಾ ಚೆನ್ನಾಗಿ ಮಾರಾಟವಾಗಲು ಪ್ರಾರಂಭಿಸಿತು.

ಗೋರಖ್‌ಪುರದ ನಂತರ, ಲಕ್ನೋದಲ್ಲಿ ಒಂದು ಚಹಾ ಅಂಗಡಿಯನ್ನು ಸ್ಥಾಪಿಸಿದರು. ಗೋರಖ್‌ಪುರದಲ್ಲಿ ಈ ಐಡಿಯಾ ಯಶಸ್ವಿಯಾದ ನಂತರ, ಸಿಮ್ರಾನ್ ರಾಜಧಾನಿ ಲಕ್ನೋದಲ್ಲಿ ಒಂದು ವ್ಯವಹಾರವನ್ನು ಪ್ರಾರಂಭಿಸಿದರು. ಸಿಮ್ರಾನ್ ಗುಪ್ತಾ ಲಕ್ನೋದ ಎಂಜಿನಿಯರಿಂಗ್ ಕಾಲೇಜು ಚೌಕದಲ್ಲಿ ಮಾಡೆಲ್ ಚಾಯ್ ವಾಲಿ ಎಂಬ ಟೀ ಸ್ಟಾಲ್ ಹೊಂದಿದ್ದಾರೆ. ಸಿಮ್ರಾನ್ ಗುಪ್ತಾ ಅವರು ಅನೇಕ ಫ್ಲೇವರ್‌ನ ಚಹಾವನ್ನು ತಯಾರಿಸಿ ಅದನ್ನು ಸೊಗಸಾಗಿ ಮಾರಾಟ ಮಾಡಿದ್ದರಿಂದ ಕಡಿಮೆ ಸಮಯದಲ್ಲಿ ಲಕ್ನೋದಲ್ಲಿ ಮಾಡೆಲ್ ಚಾಯ್ ವಾಲಿ ಎಂದು ಪ್ರಸಿದ್ಧರಾದರು.

ಸಿಮ್ರಾನ್ ಸಂಪಾದನೆ ಎಷ್ಟಿದೆ?
ಈ ಟೀ ಸ್ಟಾಲ್ ಇಂಜಿನಿಯರಿಂಗ್ ಕಾಲೇಜಿನ ಬಳಿ ಇರುವುದರಿಂದ ಸಿಮ್ರಾನ್ ಚಹಾ ಕೆಲವೇ ದಿನಗಳಲ್ಲಿ ಬಹಳ ಪ್ರಸಿದ್ಧವಾಯಿತು. ಹೆಚ್ಚಾಗಿ ಯುವಜನರು ಅವರ ಸ್ಟಾಲ್‌ನಲ್ಲಿ ಕಂಡುಬರುತ್ತಾರೆ. ಸಿಮ್ರಾನ್ ಗುಪ್ತಾ ಕಡಿಮೆ ಸಮಯದಲ್ಲಿ ತುಂಬಾ ಜನಪ್ರಿಯತೆಯನ್ನು ಗಳಿಸಿದ್ದಾರೆ, ಈಗ ಅವರು ತಮ್ಮದೇ ಆದ ಅಂಗಡಿಯನ್ನು ಖರೀದಿಸಿದ್ದಾರೆ. ಪ್ರಸ್ತುತ, ಸಿಮ್ರಾನ್ ಗುಪ್ತಾ ಸ್ಟಾಲ್‌ಗಳು ಮತ್ತು ಅಂಗಡಿಗಳನ್ನು ನಡೆಸುತ್ತಿದ್ದಾರೆ. ಮಾಧ್ಯಮ ವರದಿಗಳ ಪ್ರಕಾರ, ಸಿಮ್ರಾನ್ ಗುಪ್ತಾ ಅವರ ವ್ಯವಹಾರವು ಪ್ರವರ್ಧಮಾನಕ್ಕೆ ಬರುತ್ತಿದ್ದಂತೆ ಚಹಾ ಮಾರಾಟ ಮಾಡುವ ಮೂಲಕ ಒಂದು ತಿಂಗಳಲ್ಲಿ ಸುಮಾರು 1 ಲಕ್ಷ ರೂಪಾಯಿಗಳನ್ನು ಗಳಿಸಿದರು. ಇದಲ್ಲದೆ, ಸಿಮ್ರಾನ್ ಇನ್‌ಸ್ಟಾಗ್ರಾಮ್‌ನಲ್ಲಿ 29.5 ಸಾವಿರ ಅನುಯಾಯಿಗಳನ್ನು ಹೊಂದಿದ್ದಾರೆ. ಅವರು ವಿಡಿಯೋಗಳಿಂದಲೂ ಉತ್ತಮ ಆದಾಯವನ್ನು ಗಳಿಸುತ್ತಾರೆ.