'ಗುರು ಶಿಷ್ಯರು' ಸಿನಿಮಾದಲ್ಲಿ ಖೋ ಖೋ ಆಟದ ಖದರ್; ಶರಣ್ ನೋಡಿ ಫ್ಯಾನ್ಸ್ ಫುಲ್ ಖುಷ್

ಗುರು ಶಿಷ್ಯರು, ಈ ಹೆಸ್ರು ಕನ್ನಡ ಸಿನಿ ಪ್ರೇಕ್ಷಕರ ಮನದಲ್ಲಿ ಹಾಸು ಹೊಕ್ಕಾಗಿದೆ. 1981ರದಲ್ಲಿ ಬಂದ ಈ ಸಿನಿಮಾ ಸಿಕ್ಕಾಪಟ್ಟೆ ಫೇಮಸ್.  ಇದೇ ಹೆಸರಿನಲ್ಲಿ ಹೊಸ ಗುರು ಶಿಷ್ಯರು ಈಗ ಬೆಳ್ಳಿತೆರೆ ಮೇಲೆ ಬರೋದಕ್ಕೆ ಸಜ್ಜಾಗಿದ್ದಾರೆ. ಕಾಮಿಡಿ ಅಧ್ಯಕ್ಷ ಶರಣ್ ಈ ಬಾರಿ ಗುರುವಾಗಿ ಶಿಷ್ಯರ ದೊಡ್ಡ ಗ್ಯಾಂಗ್ ಕಂಟಿಕೊಂಡು ಬರುತ್ತಿದ್ದು, ಶಿಕ್ಷಕರ ದಿನದಂದ ಅಂಗವಾಗಿ ಗುರು ಶಿಷ್ಯರು ಟ್ರೈಲರ್ ರಿಲೀಸ್ ಆಗಿದೆ. ಗುರು ಶಿಷ್ಯರು 1995ರಲ್ಲಿ ನಡೆಯೋ ಸ್ಟೋರಿಯ ಸಿನಿಮಾ. ಖೋ ಖೋ ಆಟದ ಸುತ್ತ ಹೆಣೆದಿರೋ ಕಥೆಯಲ್ಲಿ ದೇಸಿಯಾ ಆಟ ಖೋ ಖೋ ಖದರ್ರು, ಪವರ್ಅನ್ನ ತೋರಿಸಲಾಗುತ್ತಿದೆ. ಒಂದು ಊರನ್ನ ಉಳಿಸಿಕೊಳ್ಳಲು ಖೋ ಖೋ ಆಟ ಎಷ್ಟು ಮುಖ್ಯವಾಗುತ್ತೆ ಅನ್ನೋದರನ್ನ ಶರಣ್ ಶಿಷ್ಯರು ತೋರಿಸುತ್ತಾರೆ. ಹೀಗಾಗಿ ಈ ಗುರು ಶಿಷ್ಯರು ಒಂದೊಳ್ಳೆ ಸ್ಪೋರ್ಟ್ಸ್ ಡ್ರಾಮಾ ಅಂತ ಟ್ರೈಲರ್ ತೋರಿಸಿದೆ.  ಗುರು ಶಿಷ್ಯರು ಸಿನಿಮಾದ ಮೈನ್ ಹೈಲೆಟ್ ಕಾಮಿಡಿ ಅಧ್ಯಕ್ಷ ಶರಣ್ ಆದ್ರೆ ಮತ್ತೊಂದ್ ಕಡೆ ಕನ್ನಡ ಚಿತ್ರರಂಗದ ಸ್ಟಾರ್ ಕಿಡ್ಸ್ ನಟಿಸಿದ್ದಾರೆ. ಗುರು ಶಿಷ್ಯರು ಸಿನಿಮಾದಲ್ಲಿ ಶರಣ್ ಮೇಸ್ಟ್ರು ಪಾತ್ರ ಮಾಡಿದ್ದು, 13 ಜನ ಮಕ್ಕಳ ಖೋ ಖೋ ಟೀಂ ಕಟ್ಟುತ್ತಾರೆ. ಆ ಖೋ ಖೋ ಟೀಂನಲ್ಲಿ ಶರಣ್ ಪುತ್ರ ಹೃದಯ್, ಪ್ರೇಮ್ ಪುತ್ರ ಏಕಾಂತ್, ರವಿಶಂಕರ್ ಗೌಡ ಪುತ್ರ ಸೂರ್ಯ, ನವೀನ್ ಕೃಷ್ಣ ಪುತ್ರ ಹರ್ಷಿತ್, ಬುಲೆಟ್ ಪ್ರಕಾಶ್ ಪುತ್ರ ರಕ್ಷಕ್ ಶಾಸಕ ರಾಜು ಗೌಡ ಪುತ್ರ ಮಣಿಕಂಠ ನಾಯಕ್ ನಟಿಸಿದ್ದಾರೆ. ಇನ್ನುಳಿದ ಏಳು ಜನರನ್ನ ಆಡಿಷನ್ ಮಾಡಿ ಸೆಲೆಕ್ಟ್ ಮಾಡಿದ್ದಾರೆ.