Jan 2, 2025, 7:12 PM IST
ಮ್ಯಾಕ್ಸ್ ಸಕ್ಸಸ್ ಮೂಲಕ ಖುಷಿ ಖುಷಿಯಾಗಿ ವರ್ಷಾರಂಭ ಮಾಡಿರೋ ಸ್ಯಾಂಡಲ್ವುಡ್ ಹೊಸ ವರ್ಷ ಬೆಟ್ಟದಷ್ಟು ನಿರೀಕ್ಷೆ ಇಟ್ಟುಕೊಂಡಿದೆ. 2025ರಲ್ಲಿ ಹಲವು ಬಿಗ್ ಸ್ಟಾರ್ಗಳ ಬಹುನಿರೀಕ್ಷೆಯ ಸಿನಿಮಾಗಳು ತೆರೆಗೆ ಬರೋ ತಯಾರಿಯಲ್ಲಿವೆ. ಈ ವರ್ಷ ಮತ್ತೆ ಪ್ಯಾನ್ ಇಂಡಿಯಾ ಮ್ಯಾಜಿಕ್ ಮಾಡೋಕೆ ಕನ್ನಡ ಚಿತ್ರರಂಗ ಸಜ್ಜಾಗಿದೆ.
2022ರಲ್ಲಿ ಕೆಜಿಎಫ್-2, ಕಾಂತಾರ ಸಿನಿಮಾಗಳ ಸಕ್ಸಸ್ನಿಂದ ಸ್ಯಾಂಡಲ್ವುಡ್ ಪ್ಯಾನ್ ಇಂಡಿಯಾ ಸದ್ದು ಸುದ್ದಿ ಮಾಡಿತ್ತು. ಆದ್ರೆ 2023, 2024ರಲ್ಲಿ ಕನ್ನಡ ಸಿನಿಮಾಗಳು ಅಷ್ಟಾಗಿ ಗಡಿಯಾಚೆ ಸೌಂಡ್ ಮಾಡ್ಲಿಲ್ಲ. ಆದ್ರೆ 2025ರಲ್ಲಿ ಮಾತ್ರ ಮತ್ತೆ ಹಳೆಯ ಫಾರ್ಮ್ಗೆ ಬರೋಕೆ ಸ್ಯಾಂಡಲ್ವುಡ್ ಸಜ್ಜಾಗಿದೆ. ಯಾಕಂದ್ರೆ ಕೆಜಿಎಫ್ ಸ್ಟಾರ್ ಯಶ್ ನಟನೆಯ ಟಾಕ್ಸಿಕ್ ಮೂವಿ ಈ ವರ್ಷ ರಿಲೀಸ್ ಆಗಲಿದೆ.
ಯಶ್ ಬಹುದೊಡ್ಡ ಮಹತ್ವಾಕಾಂಕ್ಷೆಯಿಂದ ರೆಡಿ ಮಾಡ್ತಾ ಇರೋ ಟಾಕ್ಸಿಕ್ ಮೂವಿ ಏಪ್ರಿಲ್ 2025ಕ್ಕೆ ಬರಬೇಕಿತ್ತು. ಆದ್ರೆ ಸದ್ಯದ ಅಪ್ಡೇಟ್ ಪ್ರಕಾರ 2025ರ ಸೆಕೆಂಡ್ ಹಾಫ್ ನಲ್ಲಿ ಈ ಸಿನಿಮಾ ಬರಲಿದೆ. ಜಸ್ಟ್ ಪ್ಯಾನ್ ಇಂಡಿಯಾ ಅಲ್ಲ ವರ್ಲ್ಡ್ ವೈಡ್ ಸಿನಿಮಾ ರಿಲೀಸ್ ಮಾಡ್ಲಿಕ್ಕೆ ಹಾಲಿವುಡ್ನ 20th ಸೆಂಚ್ಯುರಿ ಸ್ಟುಡಿಯೋ ಜೊತೆ ಮಾತುಕತೆ ನಡೆಸಿದ್ದಾರೆ ಯಶ್.ಇನ್ನೂ 2022ರಲ್ಲಿ ವರ್ಲ್ಡ್ ವೈಡ್ ಮೋಡಿ ಮಾಡಿದ್ದ ಕಾಂತಾರ ಮೂವಿ ಪ್ರೀಕ್ವೆಲ್ ಕೂಡ ಈ ವರ್ಷ ಅಕ್ಟೋಬರ್‌ನಲ್ಲಿ ತೆರೆಗೆ ಬರಲಿದೆ. ಕಾಂತಾರ ಚಾಪ್ಟರ್ 1ನ 7 ಭಾಷೆಗಳಲ್ಲಿ ರೆಡಿಮಾಡ್ತಿರೋ ರಿಷಭ್ ಶೆಟ್ರು ಈ ವರ್ಷ ಮತ್ತೊಂದು ಅದ್ಭುತ ಸೃಷ್ಟಿಸೋ ಪ್ಲಾನ್ನಲ್ಲಿದ್ದಾರೆ.
ಇನ್ನೂ ಈಗಾಗ್ಲೇ ತನ್ನ ಹಾಡಿನಿಂದ ಮೋಡಿ ಮಾಡಿರೋ ಪ್ರೇಮ್ ನಿರ್ದೇಶನದ, ಧ್ರುವ ಸರ್ಜಾ ನಟನೆಯ ಕೆಡಿ ಮೂವಿ ಮಾರ್ಚ್ ಅಥವಾ ಏಪ್ರಿಲ್ನಲ್ಲಿ ತೆರೆಗೆ ಬರುವ ತಯಾರಿಯಲ್ಲಿದೆ. ಡಾ.ಶಿವರಾಜ್ಕುಮಾರ್, ಉಪೇಂದ್ರ, ರಾಜ್ ಶೆಟ್ಟಿ ನಟಿಸಿರೋ 45 ಮೂವಿ ಈ ವರ್ಷದ ಮತ್ತೊಂದು ಮೋಸ್ಟ್ ಎಕ್ಸ್ಪೆಕ್ಟೆಡ್ ಮೂವಿ. ದರ್ಶನ್ ನಟನೆಯ ಡೆವಿಲ್ ಸಿನಿಮಾದ ಕೆಲಸಗಳು ಮರುಪ್ರಾರಂಭ ಆಗಿದ್ದು ಈ ವರ್ಷದ ಮೊದಲಾರ್ಧದಲ್ಲೇ ಡೆವಿಲ್ ರಿಲೀಸ್ ಆಗೋ ಸಾಧ್ಯತೆ ಇದೆ. ಒಟ್ಟಾರೆ ಮ್ಯಾಕ್ಸ್ ಸಕ್ಸಸ್ ಮೂಲಕ ಖುಷಿಯಿಂದಲೇ ವರ್ಷ ಶುರುಮಾಡಿರೋ ಕನ್ನಡ ಸಿನಿರಂಗ 2025ರ ಮೇಲೆ ಬೆಟ್ಟದಷ್ಟು ನಿರೀಕ್ಷೆ ಇಟ್ಟುಕೊಂಡಿದೆ.