ಬೆಂಗಳೂರಲ್ಲಿ ಸೈಮಾ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮ ನಡೆಯಲು ಕಾರಣ ಯಾರು?

ರಾಕಿಂಗ್ ಸ್ಟಾರ್ ಯಶ್ ಪ್ರತಿ ಸೈಮಾ ಅವಾರ್ಡ್ ಫಂಕ್ಷನ್ ನಲ್ಲಿ ಭಾಗಿಯಾಗಿ ಸಂಭ್ರಮಿಸಿದ್ದಾರೆ. ಸೈಮಾ ವೇದಿಕೆಯಲ್ಲಿ ಯಶ್ ಆಡಿದ ಪ್ರತಿ ಮಾತುಗಳು ಸತ್ಯವಾಗಿದೆ. ಯಶ್ ಹೇಳಿದಂತೆ ಕನ್ನಡ ಇಂಡಸ್ಟ್ರಿ ಬೇರೆಯದ್ದೇ ಮಟ್ಟದಲ್ಲಿ ಶೈನ್ ಆಗ್ತಿದೆ. ಈಗ ಅದೇ ಕಾರಣದಿಂದ ಬೆಂಗಳೂರಿನಲ್ಲಿ ಸೈಮಾ ಮಾಡಿ ಎಂದು ತಂಡಕ್ಕೆ ತಿಳಿಸಿದ್ದಾರೆ. ಯಶ್ ಕೆಜಿಎಫ್ ಸಿನಿಮಾ ಮೂಲಕ ಕನ್ನಡ ಸಿನಿಮಾರಂಗವನ್ನ ವಿಶ್ವದಾಧ್ಯಂತ ರೀಚ್ ಆಗುವಂತೆ ಮಾಡಿದ್ದಾರೆ. ಪ್ಯಾನ್ ಇಂಡಿಯಾದಲ್ಲಿ ಕನ್ನಡ ಸಿನಿಮಾಗಳು ರಾರಾಜಿಸುತ್ತಿರೋ ಸಂದರ್ಭದಲ್ಲಿ ಬೆಂಗಳೂರಿಲ್ಲಿಯೇ ಸೈಮಾ ಆಗಬೇಕು ಎಂದು ಯಶ್ ಪಟ್ಟು ಹಿಡಿದಿದ್ರು. ಅದರೊಟ್ಟಿಗೆ ಅಪ್ಪು ಇಲ್ಲದಿರುವಾಗ ಪುನೀತ್ ನೆನಪಿನಲ್ಲಿ ಸೈಮಾ ನಮ್ಮ ನೆಲದಲ್ಲಿ ನಡೆದಿದ್ದು ಎಲ್ಲರಿಗೂ ಹೆಮ್ಮೆ ತರುವಂತಹ ವಿಚಾರವಾಗಿದೆ. ಪ್ರಶಸ್ತಿ ಸಮಾರಂಭಗಳು ಬೇರೆ ರಾಜ್ಯಗಳಲ್ಲಿ ನಡೆಯುತ್ತಿತ್ತು, ಕನ್ನಡ ಸ್ಟಾರ್ಸ್ ಬೇರೆ ರಾಜ್ಯಕ್ಕೆ ಹೋಗಬೇಕಿತ್ತು. ಇದೀಗ ಎಲ್ಲರೂ ಕರ್ನಾಟಕಕ್ಕೆ ಬರುವಂತೆ ಆಗಿದೆ. ಇದಕ್ಕೆ ಕಾರಣ ರಾಕಿಂಗ್ ಸ್ಟಾರ್ ಎನ್ನುವುದು ಅಭಿಮಾನಿಗಳ ಹೆಮ್ಮೆ.