ದಾಖಲೆ ಬರೆದ ಉಪೇಂದ್ರ UI ಫಸ್ಟ್ ಲುಕ್ ಟೀಸರ್: 23 ಮಿಲಿಯನ್ ವೀಕ್ಷಣೆ ಕಂಡ ಟೀಸರ್!

ಅಂದು ನಾನು, ನಂತರ ನೀನು.. ಈಗ ನಾನು ನೀನು.. ಯು ಅಂಡ್ ಐ ಎಂದು ಉಪ್ಪಿ ಹೊಸ ಪ್ರಪಂಚಕ್ಕೆ ಕರೆದೊಯ್ದಿದ್ದಾರೆ.  ಯುಐ ಸಿನಿಮಾದ ಫಸ್ಟ್ ಲುಕ್ ಟೀಸರ್ ನಮ್ಮನ್ನು ಹೊಸ ಫ್ಯಾಂಟಸಿ ಜಗತ್ತಿಗೆ ಕರೆದೊಯ್ದಿದೆ. ಇತ್ತೀಚೆಗಷ್ಟೆ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್, ಡಾಲಿ ಧನಂಜಯ ಅಲ್ಲು ಅರವಿಂದ್ ಯು ಐ ಟೀಸರ್ ಬಿಡುಗಡೆ ಮಾಡಿದ್ದರು. ಇದೀಗ ಟೀಸರ್ ದೊಡ್ಡ ರೆಕಾರ್ಡ್ ಬರೆದಿದೆ. ರಿಯಲ್ ಸ್ಟಾರ್ ನಟನೆ ನಿರ್ದೇಶನದ ಯು ಐ 23 ಮಿಲಿಯನ್ ವೀಕ್ಷಣೆ ಕಂಡು ದಾಖಲೆ ಬರೆದಿದೆ. ಹತ್ತರಿತ್ತರ 2ವರೆ ಕೋಟಿ ಟೀಸರ್ ನೋಡಿದ್ದಾರೆ. ಉಪೇಂದ್ರ ಯು ಐ ಇತ್ತೀಚೆಗೆ ಬಿಡುಗಡೆಯಾದ ಬಹುತೇಕ ಟೀಸರ್ಗಳಿಂದ ಭಿನ್ನವಾಗಿದೆ. ಸಮ್ಥಿಂಗ್ ಡಿಫರೆಂಟ್ ಇದೆ. ಪೈರೆಟಸ್ ಆಫ್ ಕ್ಯಾರೀಬೀನ್ನ ಲೋಕವೋ ಎಂಬ ಭ್ರಮೆ ಹುಟ್ಟಿಸುತ್ತದೆ. ಈ ಸಿನಿಮಾದಲ್ಲಿ ಉಪೇಂದ್ರ ಮತ್ತು ರೀಷ್ಮಾ ನಾಣಯ್ಯ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಸಾಧು ಕೋಕಿಲಾ ಸೇರಿದಂತೆ ಹಾಸ್ಯ ನಟರೂ ಇದ್ದಾರೆ. ಕೆಪಿ ಶ್ರೀಕಾಂತ್  ಸಿ ಮನೋಹರನ್ ಸಿನಿಮಾ ನಿರ್ಮಾಣ ಮಾಡಿದ್ದಾರೆ. ಸದ್ಯಕ್ಕೆ ಸ್ಯಾಂಡಲ್ವುಡ್ ಬಹುನಿರೀಕ್ಷೆಯ ಪ್ಯಾನ್ ಇಂಡಿಯಾ ಸಿನಿಮಾವಾಗಿದೆ ಯುಐ.