Nov 10, 2021, 4:40 PM IST
ಪ್ರೇಮಂ ಪೂಜ್ಯಂ.. ಲವ್ಲಿ ಸ್ಟಾರ್ ಪ್ರೇಮ್ ನಟಿಸಿರು ಸುಮಧುರ ಪ್ರೇಮ ಕಾವ್ಯದ ಸಿನಿಮಾ. ಪ್ರೀತಿ ಎಷ್ಟು ಮಧುರ ತ್ಯಾಗ ಎಷ್ಟು ಅಮರ ಅನ್ನೋದನ್ನ ತುಂಬಾ ಡೀಪ್ ಆಗಿ ಹೇಳೋಕೆ ಬರುತ್ತಿರೋ ಸಿನಿಮಾ ಪ್ರೇಮಂ ಪೂಜ್ಯಂ.. ವಿಶೇಷ ಅಂದ್ರೆ ಲವ್ ಸಿನಿಮಾಗಳ ಸರದಾರ ಅಂತಲೇ ಫೇಮಸ್ ಆಗಿರೋ ಪ್ರೇಮ್ ನಟಿಸಿರೋ ಪಕ್ಕಾ ಲವ್ ಸ್ಟೋರಿಯ ಸಿನಿಮಾ ಇದು. ಅಷ್ಟೆ ಅಲ್ಲ ಲವ್ಲಿ ಸ್ಟಾರ್ ಸಿನಿ ಜರ್ನಿಯ 25 ನೇ ಸಿನಿಮಾವೂ ಹೌದು.. ಹೆಸರಲ್ಲೇ ಸಿನಿ ರಸಿಕರನ್ನ ಥಿಯೇಟರ್ ನತ್ತ ಸೆಳೆಯೋ ಶಕ್ತಿ ಇರೋ ಪ್ರೇಮಂ ಪೂಜ್ಯಂ ಈಗ ಬಿಡುಗಡೆ ಹೊಸ್ತಿಲಲ್ಲಿದೆ. ಇದೇ ನವೆಂಬರ್ 12ರಂದು ಪ್ರೇಮಂ ಪೂಜ್ಯಂ ಸಿನಿಮಾ ಬೆಳ್ಳಿತೆರೆ ಬಾನಂಗಳದಲ್ಲಿ ಮೂಡಲಿದೆ.
Puneeth Rajkumar: ಪ್ರತಿವರ್ಷ ಜೊತೆಯಾಗಿ ಶಬರಿಮಲೆಗೆ ಹೋಗ್ತಿದ್ರು ಪ್ರೇಮ್-ಅಪ್ಪು
ಪ್ರೇಮಂ ಪೂಜ್ಯಂ ಮೂಲಕ ಕನ್ನಡ ಚಿತ್ರರಂಗದಲ್ಲಿ 25 ಸಿನಿಮಾಗಳನ್ನು ಪೂರೈಸಿರುವ ನಟ ಪ್ರೇಮ್, ಪ್ರೇಮಂ ಪೂಜ್ಯಂ ಸಿನಿಮಾಕ್ಕಾಗಿ ಎಷ್ಟು ಕಥೆ ರಿಜೆಕ್ಟ್ ಮಾಡಿದ್ದಾರೆ ಗೊತ್ತಾ..? ಬರೋಬ್ಬರಿ 84 ಸಿನಿಮಾ ಸ್ಕ್ರಿಪ್ಟ್ ಗಳನ್ನು ಪ್ರೇಮ್ ಓದಿದ್ರಂತೆ. ತಮ್ಮ ಸಿನಿ ಜೀವನದ 25ನೇ ಸಿನಿಮಾ ಆಗಿದ್ದರಿಂದ ಒಂದೊಳ್ಳೆ ಸಿನಿಮಾ ಮಾಡಬೇಕು ಅಂತ ಪ್ರೇಮ್ ತುಂಬಾ ಮುತುವರ್ಜಿ ವಹಿಸಿ ಈ ಲವ್ ಸ್ಟೋರಿಯ ದೃಶ್ಯ ವೈಭವವನ್ನ ಕಟ್ಟಿಕೊಟ್ಟಿದ್ದಾರೆ. ಒಬ್ಬ ಕಲಾವಿದನಿಗೆ 25ನೇ ಸಿನಿಮಾ ಬಹಳ ಮುಖ್ಯ. ಅದರಲ್ಲೂ ಸಿನಿಮಾ ಹಿನ್ನೆಲೆಯೇ ಇಲ್ಲದ ಪ್ರೇಮ್ ಗೆ 25 ಸಿನಿಮಾ ಒಂದು ದೊಡ್ಡ ಮೈಲುಗಲ್ಲು. ಈಗ ಪ್ರೇಮಂ ಪೂಜ್ಯಂ ಮೂಲಕ ಲವ್ಲಿ ಸ್ಟಾರ್ ಆ ಮೈಲುಗಲ್ಲಿನ ಮೇಲೆ ತಮ್ಮ ಸಕ್ಸಸ್ ಹಿಸ್ಟರಿಯನ್ನ ಬರೆದುಕೊಳ್ಳುತ್ತಿದ್ದಾರೆ.