ಯಾವೆಲ್ಲಾ ನಟರ ಚಿತ್ರಗಳು ಅವರ ನಿಧನದ ಬಳಿಕ ತೆರೆಕಂಡಿವೆ ಗೊತ್ತಾ?

ಸಿನಿರಂಗದಲ್ಲಿ ಕಲಾವಿದರು ಸತ್ತ ನಂತರ ಅವರ ಚಿತ್ರಗಳು ಬಿಡುಗಡೆಯಾಗುತ್ತವೆ. ಆ ಸಿನಿಮಾಗಳಲ್ಲಿ ಕೆಲವೊಬ್ಬರದು ಸಿಕ್ಕಾಪಟ್ಟೆ ಬಿಗ್‌ಹಿಟ್ ಆಗಿಬಿಡುತ್ತೆ. ಇದಕ್ಕೆ ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ (Puneeth Rajkumar) ಅವರ 'ಜೇಮ್ಸ್' (James) ಸಿನಿಮಾವೇ ಸಾಕ್ಷಿಯಾಗಿದೆ. ಇದೀಗ ಯಾವೆಲ್ಲಾ ನಟರ ಚಿತ್ರಗಳು ಅವರ ನಿಧನದ ಬಳಿಕ ತೆರೆಕಂಡಿವೆ ಎಂಬುದರ ಬಗ್ಗೆ ಮಾಹಿತಿ ಈ ಸ್ಟೋರಿಯಲ್ಲಿದೆ. ಪುನೀತ್ ರಾಜ್‌ಕುಮಾರ್ ನಿಧನದ ಬಳಿಕ ಅವರ ಅಭಿನಯದ ಕೊನೆಯ ಚಿತ್ರ 'ಜೇಮ್ಸ್' ಅವರ ಹುಟ್ಟುಹಬ್ಬದಂದು ತೆರೆಕಂಡು ಯಶಸ್ವಿ ಪ್ರದರ್ಶನ ಕಾಣುತ್ತಿದೆ. ಹಾಗೂ ಸ್ಯಾಂಡಲ್‌ವುಡ್‌ನ ಯುವ ಸಾಮ್ರಾಟ್ ಚಿರಂಜೀವಿ ಸರ್ಜಾ (Chiranjeevi Sarja) ನಿಧನದ ನಂತರ 'ರಣಂ' ಹಾಗೂ 'ರಾಜಮಾರ್ತಾಂಡ' ಚಿತ್ರಗಳು ಬಿಡುಗಡೆಯಾಗಿದೆ.

James 2022: ಅಮೆರಿಕಾದಲ್ಲೂ ಪುನೀತ್ ರಾಜ್‌ಕುಮಾರ್ ಚಿತ್ರದ ದರ್ಬಾರ್

ಹಾಗೆಯೇ ಬಾಲಿವುಡ್‌ನಲ್ಲಿ ಸುಶಾಂತ್ ಸಿಂಗ್ ರಜಪೂತ್ (Sushant Singh Rajput) ಸಾವಿನ ಬಳಿಕ ಅವರ ಅಭಿನಯದ 'ದಿಲ್ ಬೇಚಾರ' ಸಿನಿಮಾ ರಿಲೀಸ್ ಆಯಿತು. ವಿಶೇಷವಾಗಿ ಕನ್ನಡ ಚಿತ್ರರಂಗದ ಸಾಹಸ ಸಿಂಹ ಡಾ.ವಿಷ್ಣುವರ್ಧನ್ (Dr Vishnuvardhan) ಅಗಲಿದ 40 ದಿನಗಳ ಬಳಿಕ 'ಅಪ್ತರಕ್ಷಕ' ಬಿಡುಗಡೆಯಾಯಿತು. ಮಾತ್ರವಲ್ಲದೇ ಬಾಲಿವುಡ್ ಹಿರಿಯ ನಟ ರಿಷಿ ಕಪೂರ್ (Rishi Kapoor) ಎರಡು ವರ್ಷದ ಹಿಂದೆ ಕ್ಯಾನ್ಸರ್‌ನಿಂದ ಸಾವನಪ್ಪಿದರು. ಆದರೆ ಅವರೂ ಸಾವಿಗೂ ಮುನ್ನ 'ಶರ್ಮಾಜಿ ನಮ್‌ಕಿನ್‌' ಚಿತ್ರದಲ್ಲಿ ಕೊನೆಯದಾಗಿ ಅಭಿನಯಿಸಿದ್ದರು. ಈಗಾಗಲೇ ಈ ಚಿತ್ರದ ಟ್ರೇಲರ್ ಬಿಡುಗಡೆಯಾಗಿದ್ದು, ಮಾರ್ಚ್‌ 31ರಂದು ಒಟಿಟಿಯಲ್ಲಿ ತೆರೆಕಾಣಲಿದೆ. ಇನ್ನು ಈ ಸ್ಥಿತಿಯು ಯಾವ ಕಲಾವಿದನ ಜೀವನದಲ್ಲಿ ನಡೆಯಬಾರದು ಎಂದು ಅಭಿಮಾನಿಗಳು ಬಯಸುತ್ತಿದ್ದಾರೆ. 

ಸಿನಿಮಾ ಹಂಗಾಮಾ ವೀಡಿಯೋಗಳನ್ನು ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ: https://kannada.asianetnews.com/movies