ಗೆಲುವು ನಮ್ಮದೆ; 2250 ಕೋಟಿಯ ಒಡೆಯನಾದ ಕನ್ನಡ ಚಿತ್ರರಂಗ

ಕನ್ನಡ ಚಿತ್ರರಂಗದ ಸಿನಿಮಾಗಳು ಅಂದ್ರೆ ಬೇರೆ ಸಿನಿಮಾ ರಂಗದ ಮಂದಿ ತಿರುಗಿಯೂ ನೋಡುತ್ತಿರಲಿಲ್ಲ. 10-15 ಕೋಟಿ ಬಂಡವಾಳ ಹಾಕಿ ಹೆಚ್ಚು ಅಂದ್ರೆ 40 ರಿಂದ 50 ಕೋಟಿ ಕಲೆಕ್ಷನ್ ಮಾಡುತ್ತಾರೆ. ಕನ್ನಡ ಸಿನಿಮಾಗಳಿಗೆ ಮಾರ್ಕೇಟೇ ಇಲ್ಲ ಅನ್ನುತ್ತಿದ್ರು. ಆದ್ರೆ ಕತ್ತೆಗೇನು ಗೊತ್ತು ಕಸ್ತೂರಿ ವಾಸನೆ ಅನ್ನೋ ಹಾಗೆ ಕನ್ನಡ ಚಿತ್ರರಂಗದ ಸಂಪತ್ತು ಬೇರೆ ಸಿನಿಮಾ ಇಂಡಸ್ಟ್ರಿಗೆ ಎಷ್ಟು ಗೊತ್ತಿರೋಕೆ ಸಾಧ್ಯ ಹೇಳಿ. ಅಂದು ಸ್ಯಾಂಡಲ್‌ವುಡ್ ನ ಅಪಹಾಸ್ಯ ಮಾಡಿದವರು ಇಂದು ಕನ್ನಡ ಚಿತ್ರರಂಗಕ್ಕೆ ಕೈ ಮುಗಿದು ಜೈ ಎನ್ನುತ್ತಿದ್ದಾರೆ. ಯಾಕಂದ್ರೆ ಈ ವರ್ಷ ಇಡೀ ಭಾರತೀಯ ಚಿತ್ರರಂಗದಲ್ಲೇ ಸ್ಯಾಂಡಲ್ ವುಡ್ ಅತ್ಯಂತ ಶ್ರೀಮಂತ ಚಿತ್ರರಂಗ ಅನ್ನೋ ಪಟ್ಟಕ್ಕೇರಿದೆ.