Lucky Man:ದೇವರಾಗಿ ಬಂದ ಅಪ್ಪು ನೋಡಿ ಅಭಿಮಾನಿಗಳು ಭಾವುಕ

ಪವರ್ ಸ್ಟಾರ್ ಪುನೀತ್ ರಾಜ್ಕುಮಾರ್ ಅಗಲಿ 11 ತಿಂಗಳು ಆಯ್ತು. ಆದ್ರೆ ಅಪ್ಪು ಅಭಿಮಾನಿಗಳ ಮನದಲ್ಲಿ ಚಿರಂಜೀವಿ ಆಗಿದ್ದಾರೆ. ಪುನೀತ್ ಇಲ್ಲ ಅನ್ನೋ ಕೊರಗಿನಲ್ಲೇ ಅಪ್ಪುರನ್ನ ಬೆಳ್ಳಿತೆರೆ ಮೇಲೆ ಮತ್ತೆ ಮತ್ತೆ  ನೋಡೋ ಭಾಗ್ಯ ದೊಡ್ಮನೆ ಅಭಿಮಾನಿ ಕುಟುಂಬಕ್ಕೆ ಸಿಗುತ್ತಿದೆ. ಇದೀಗ ಪುನೀತ್ ರಾಜ್ ಕುಮಾರ್ ದೇವರ ರೂಪದಲ್ಲಿ ನಟಿಸಿರೋ ಲಕ್ಕಿ ಮ್ಯಾನ್ ಸಿನಿಮಾ ಬೆಳ್ಳಿತೆರೆ ಮೇಲೆ ಅರೈವ್ ಆಗಿದೆ. ಲಕ್ಕಿಮ್ಯಾನ್ ಮೂಲಕ ಭೂಮಿಗೆ ಬಂದ ಪರಮಾತ್ಮ ಕಂಡು ಫ್ಯಾನ್ಸ್ ಸಂಭ್ರಮಿಸುತ್ತಿದ್ದಾರೆ. ಅಷ್ಟೆ ಅಲ್ಲ ಲಕ್ಕಿ ಮ್ಯಾನ್ ಬಿಡುಗಡೆ ಆಗಿರೋ ಥಿಯೇಟರ್ಗಳು ಅಕ್ಷರಶಹ ದೇವಸ್ಥಾನದಂತೆ ಕಾಣಿಸುತ್ತಿವೆ. ಯಾಕಂದ್ರೆ ಥಿಯೇಟರ್ಗೆ ಎಂಟ್ರಿ ಕೊಡೋ ಪ್ರತಿಯೊಬ್ಬರು ಅಪ್ಪು ಫೋಟೋಗೆ ಕೈ ಮುಗಿದು ಸಿನಿಮಾ ನೋಡುತ್ತಿದ್ದಾರೆ. ಪುನೀತ್ ಇಲ್ಲಿ ದೇವರ ಮತ್ತೊಂದು ಪ್ರತಿರೂಪ.. ಲಕ್ಕಿಮ್ಯಾನ್ ಸಿನಿಮಾ ತಯಾರಾಗಿದ್ದು ಪುನೀತ್ ಅಗಲಿಕೆಯ ಸ್ವಲ್ಪ ದಿನಗಳ ಹಿಂದೆಯಷ್ಟೇ. ಅಪ್ಪು ನಿಧನ ಹಿಂದಿದ ಮೇಲೆ ಅಭಿಮಾನಿಗಳ ಮನ ಮನೆಯಲ್ಲಿ ದೇವರಾದ್ರು. ಕಾಕತಾಳಿಯವೋ ಏನೋ ಈಗ ಲಕ್ಕಿ ಮ್ಯಾನ್ ಸಿನಿಮಾದಲ್ಲೂ ದೇವರಾಗಿಯೇ ದರ್ಶನ ಕೊಟ್ಟಿದ್ದಾರೆ. ದೇವರ ರೂಪದಲ್ಲಿ ಬಂದ ಅಪ್ಪು ನೋಡಿ ಅಭಿಮಾನಿಗಳು ಭಾವುಕರಾಗುತ್ತಿದ್ದಾರೆ.