ಕೆಜಿಎಫ್-2 ಕ್ರೇಜ್‌ಗಿಂತ ಹೆಚ್ಚಾಯ್ತು ಇವರ ಕ್ರೇಜ್, ಸೋಷಿಯಲ್ ಮೀಡಿಯಾದಲ್ಲಿ ಈಗ ಇವರದ್ದೇ ಟ್ರೆಂಡ್!

ರಾಕಿಂಗ್ ಸ್ಟಾರ್ ಯಶ್ (Yash) ಕೆಜಿಎಫ್-2 (KGF 2) ಸಿನಿಮಾ ಮೂಲಕ ಇಡೀ ದೇಶ ವಿದೇಶವೇ ಕೊಂಡಾಡೋ ಮಟ್ಟಕ್ಕೆ ರೀಚ್ ಆಗಿದ್ದಾರೆ. ಕೆಜಿಎಫ್-2 ಸಿನಿಮಾ ನೋಡಿ ಥಿಯೇಟರ್ನಿಂದ ಹೊರ ಬಂದ ಒಬ್ಬೊಬ್ಬರು ಒಂದೊಂದು ರೀತಿಯಲ್ಲಿ ಕೆಜಿಎಫ್-2 ಸಿನಿಮಾವನ್ನ ಕೊಂಡಾಡುತ್ತಿದ್ದಾರೆ. ಇದರ ಮಧ್ಯೆ ಕೆಜಿಎಫ್-2 (KGF 2) ಸಿನಿಮಾಗೆ ಒಂದಿಷ್ಟು ಕ್ರೇಜಿ ಫ್ಯಾನ್ಸ್ ಕೂಡ ಹುಟ್ಟಿಕೊಂಡಿದ್ದಾರೆ.

ಕೆಜಿಎಫ್-2 ಸಿನಿಮಾದಲ್ಲಿ ರಾಕಿ ಚಿನ್ನದ ಭೇಟೆಯಾಡೋದೆ ಅಮ್ಮನಿಗಾಗಿ. ಆ ತಾಯಿ ಮತ್ತು ಮಗನ ಸೆಂಟಿಮೆಂಟ್ (Mother Sentiment) ನೋಡಿ ಆಂಧ್ರದ ಸಿನಿ ಪ್ರೇಕ್ಷಕನೊಬ್ಬ ಗಳಗಳನೆ ಅತ್ತಿದ್ದಾನೆ. ಅಷ್ಟೆ ಅಲ್ಲ ಅತ್ತುಕೊಂಡೇ ಕೆಜಿಎಫ್-2 ಸಿನಿಮಾದ ಬಗ್ಗೆಯೂ ಮಾತನಾಡಿದ್ದಾನೆ. ಆ ವೀಡಿಯೋ ಈಗ ಎಲ್ಲೆಡೆ ವೈರಲ್ ಆಗುತ್ತಿದೆ. 

ಕೆಜಿಎಫ್-2 ಸಿನಿಮಾದಲ್ಲಿ ಯಶ್ ಸುತ್ತಿಗೆ ಹಿಡುದು ಹೊಡೆದಾಡೋ ದೃಶ್ಯ ಸಿನಿ ಪ್ರೇಕ್ಷಕರಿಗೆ ಸಿಕ್ಕಾಪಟ್ಟೆ ಇಷ್ಟ ಆಗಿದೆ. ಅದೇ ಅವತಾರದಲ್ಲಿ ಬಂದ ಹೈದರಾಬಾದ್ನಲ್ಲಿರೋ ಯಶ್ ಅಭಿಮಾನಿ ಕೆಜಿಎಫ್-2 ಸಿನಿಮಾ ನೋಡಿ ತನ್ನದೇ ಸ್ಟೈಲ್ನಲ್ಲಿ ಸಿನಿಮಾ ವಿಮರ್ಷೆ ಮಾಡಿದ್ದಾನೆ ಆ ವೀಡಿಯೋ ನೋಡಿದ್ರೆ ನಿಮಗೂ ಥ್ರಿಲ್ ಆಗುತ್ತೆ. 

ಕೆಜಿಎಫ್-2 ಸಿನಿಮಾದ ಮನೊರಂಜನೆ ಸಿನಿ ಪ್ರೇಕ್ಷಕರನ್ನ ಯಾವ್ ಮಟ್ಟಕ್ಕೆ ಕಾಡಿದೆ ಅನ್ನೋದಕ್ಕೆ ಇಲ್ಲೊಂದು ಎಕ್ಸಾಂಪಲ್ ಇದೆ. ಕೆಜಿಎಫ್-2 ಚಿತ್ರದಲ್ಲಿ ಯಶ್ ಗನ್ ಹಿಡಿದು ಶೂಟ್ ಮಾಡೋ ದೃಶ್ಯಗಳು ಕಣ್ಣಿಗೆ ಕಟ್ಟಿವೆ. ಅದೇ ಫೀಲ್ನಲ್ಲಿ ಬಂದ ಯಶ್ ಅಭಿಮಾನಿಯೊಬ್ಬ ಕೆಜಿಎಫ್-2 ರ ರಣ ರೋಚಕ ಸನ್ನಿವೇಶಗಳನ್ನ ವರ್ಣಿಸಿದ್ದಾನೆ. ಆ ವೀಡಿಯೋ ಈಗ ಸೋಷಿಯಲ್ ಮೀಡಿಯಾದ ಸೆನ್ಸೇಷನ್ ಆಗಿದೆ.