Nov 20, 2022, 11:01 AM IST
ನಟ ರಾಕ್ಷಸ ಧನಂಜಯ್ ಐತಿಹಾಸಿಕ ಸಿನಿಮಾ 'ಸಿಂಧೂರ ಲಕ್ಷ್ಮಣ' ಕಥೆಗೆ ಹೀರೋ ಆಗೋಕೆ ಸಿದ್ಧರಾಗಿದ್ದಾರಂತೆ. ಉತ್ತರ ಕರ್ನಾಟಕ ಹಾಗೂ ಮುಂಬೈ ಕರ್ನಾಟಕ ಮಂದಿ 'ಸಿಂಧೂರ ಲಕ್ಷ್ಮಣ' ಬ್ರಿಟೀಷರ ವಿರುದ್ಧದ ಹೋರಾಡಿದ್ದನ್ನು ಎಂದೂ ಮರೆಯಲ್ಲ. ಸ್ವಾತಂತ್ರ್ಯಕ್ಕಾಗಿ ಹೋರಾಟ ಮಾಡಿದ ವೀರರಲ್ಲಿ ಸಿಂಧೂರ ಲಕ್ಷ್ಮಣ ಕೂಡ ಒಬ್ಬರು. ಆ ವೀರನ ಚರಿತ್ರೆಯೇ ಈಗ ಸಿನಿಮಾ ರೂಪ ಪಡೆಯುತ್ತಿದ್ದು, ಸಿಂಧೂರ ಲಕ್ಷ್ಮಣನಾಗಿ ಡಾಲಿ ಧನಂಜಯ್ ಬೆಳ್ಳಿತೆರೆ ಮೇಲೆ ಬರೋ ಬಗ್ಗೆ ಗಾಂಧಿನಗರದಲ್ಲಿ ಸುದ್ದಿ ಹರಿದಾಡುತ್ತಿದೆ. ಸಿಂಧೂರ ಲಕ್ಷ್ಮಣ ಸಿನಿಮಾದ ಕಂಪ್ಲೀಟ್ ರೈಟ್ಸ್ ನಿರ್ಮಾಪಕ ಉಮಾಪತಿ ಬಳಿ ಇದೆ. ಪ್ರಶಾಂತ್ ನೀಲ್ ನಿರ್ದೇಶನದ 'ಉಗ್ರಂ' ಹಾಗೂ 'ಕೆಜಿಎಫ್ ಚಾಪ್ಟರ್ 1' ಸಿನಿಮಾದಲ್ಲಿ ಕೆಲಸ ಮಾಡಿರೋ ಪುನೀತ್‌ ರುದ್ರನಾಗ್ ಸಿಂಧೂರ ಲಕ್ಷ್ಮಣನ ಕತೆಯ ಸಂಶೋಧನೆ ಮಾಡಿ ಸ್ಕ್ರೀನ್ ಪ್ಲೇ ಮಾಡುತ್ತಿದ್ದಾರೆ. ಹೀಗಾಗಿ ಸಿಂಧೂರ ಲಕ್ಷ್ಮಣ ಟೇಕಾಫ್ ಆಗುವ ಎಲ್ಲಾ ಸಾಧ್ಯತೆಗಳು ಇವೆ.