ಇದು ಕಿರಿಕ್ ಪಾರ್ಟಿಯ 'ಬ್ಯಾಚುಲರ್ ಪಾರ್ಟಿ': ಜ.26ಕ್ಕೆ ದಿಗಂತ್, ಲೂಸ್ ಮಾದ ಯೋಗಿ ಸಿನಿಮಾ ರಿಲೀಸ್!

ಬ್ಯಾಚ್ಯೂಲರ್ಸ್ ಅಂದ್ರೆ ಬೆಂಗಳೂರಲ್ಲಿ ಮನೆ ಬಾಡಿಕೆ ಕೊಡಲ್ಲ ಅನ್ನೋದು ಅನಾದಿ ಕಾಲದಿಂದಲೂ ಕೆಲವು ಮಾಡಿಕೊಂಡಿರೋ ನಿಯಮ. ಇದಕ್ಕೆ ಕಾರಣ ಬ್ಯಾಚ್ಯೂಲರ್ಸ್ ಮನೆಯಲ್ಲೇ ಪಾರ್ಟಿ ಮಾಡ್ತಾರೆ ಅನ್ನೋದು. ಇದೀಗ ಇದೇ ಬ್ಯಾಚ್ಯೂಲರ್ಸ್ಗಳ ಕತೆಯ ಕನ್ನಡದ ಸಿನಿಮಾ ಬ್ಯಾಚ್ಯೂಲರ್ ಪಾರ್ಟಿ ತೆರೆ ಮೇಲೆ ಬರಲು ರೆಡಿಯಾಗಿದೆ. ಸ್ಯಾಂಡಲ್ವುಡ್ನ ಚಾಕಲೇಟ್ ಹೀರೋ ನಟ ದಿಗಂತ್ ಹಾಗು ಲೂಸ್ ಮಾದ ಯೋಗಿ ಇಬ್ಬರು ರಿಯಲ್ ಲೈಫ್ನಲ್ಲಿ ಫ್ಯಾಮಿಲಿ ಮ್ಯಾನ್. ಬ್ಯಾಚುಲರ್ ಲೈಫ್ಗೆ ಇಬ್ಬರು ಗುಡ್ಬೈ ಹೇಳಿದ್ದಾರೆ. ಆದ್ರೆ ಈ ಕಿಲಾಡಿ ಜೋಡಿ ರೀಲ್ ಲೈಫ್ನಲ್ಲಿ ಈಗ ಬ್ಯಾಚುಲರ್ಸ್ ಆಗಿದ್ದಾರೆ. ದಿಂಗತ್ ಹಾಗು ಯೋಗಿ ನಟಿಸಿರೋ ರೊಮ್ಯಾಂಟಿಕ್ ಕಾಮಿಡಿ ಸಿನಿಮಾ ಬ್ಯಾಚುಲರ್ ಪಾರ್ಟಿ. ಬ್ಯಾಚುಲರ್ ಪಾರ್ಟಿ ಸೀಸಾ ಸಾದ ಹುಡುಗರ ಕಥೆಯ ಸಿನಿಮಾ. 

ನಟ ಶೈನ್ ಶೆಟ್ಟಿ ಕೊಡೋ ಬ್ಯಾಚುಲರ್ ಪಾರ್ಟಿಗೆ ಹೊಗೋ ಯೋಗಿ ಹಾಗು ದಿಂಗತ್ ಮಧ್ಯೆ ಏನೆಲ್ಲಾ ಆಗುತ್ತೆ ಅನ್ನೋದು ಈ ಸಿನಿಮಾದ ಸ್ಟೋರಿ. ಸ್ಯಾಂಡಲ್‌ವುಡ್‌ನಲ್ಲಿ ಕಿರಿಕ್ ಪಾರ್ಟಿ ಕ್ರೇಜ್ ಹೇಗಿತ್ತು ಅನ್ನೋದು ನೀವೆಲ್ಲಾ ನೋಡಿದ್ದೀರಾ. ಕಿರಿಕ್ ಪಾರ್ಟಿ ಮುಂದುವರೆದ ಭಾಗ ಬರ್ತಿದೆ ಅನ್ನೋ ನಿರೀಕ್ಷೆ ಇನ್ನೂ ಹಾಗೆ ಇದೆ. ಆದ್ರೆ ಅದಕ್ಕೂ ಮೊದಲು ನಾವ್ ಬ್ಯಾಚುಲರ್ ಪಾರ್ಟಿ ಮಾಡೋಣ ಬನ್ನಿ ಅಂತ ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟಿ ನಿಮ್ಮನ್ನೆಲ್ಲಾ ಕರೆಯತ್ತಿದ್ದಾರೆ. ಯಾಕಂದ್ರೆ ಈ ಬ್ಯಾಚುರ್ ಪಾರ್ಟಿ ಸಿನಿಮಾವನ್ನ ಕಿರಿಕ್ ಪಾರ್ಟಿಯ ಮೇಕರ್ಸ್ ರಕ್ಷಿತ್ ಶೆಟ್ಟಿ ನಿರ್ಮಾಣ ಮಾಡಿದ್ದಾರೆ. ಬ್ಯಾಚ್ಯೂಲರ್ ಪಾರ್ಟಿ ಸಿನಿಮಾವನ್ನ ಜಿ.ಎಸ್.ಗುಪ್ತಾ ಮತ್ತು ರಕ್ಷಿತ್ ಶೆಟ್ಟಿ ಜಂಟಿಯಾಗಿಯೇ ನಿರ್ಮಿಸಿದ್ದಾರೆ. ಅಭಿಜಿತ್ ಮಹೇಶ್ ಡೈರೆಕ್ಟ್ ಮಾಡಿದ್ದಾರೆ.  ಜನವರಿ 26ಕ್ಕೆ 'ಬ್ಯಾಚುಲರ್ ಪಾರ್ಟಿ' ರಿಲೀಸ್ ಆಗ್ತಿದೆ.