ಸ್ಯಾಂಡಲ್‌ವುಡ್ ಸೆಲೆಬ್ರಿಟಿಗಳ ಮನೆಯಲ್ಲಿ ಹೇಗಿತ್ತು ಸಂಕ್ರಾಂತಿ? ಒಬ್ಬೊಬ್ಬರದ್ದೇ ಫೋಟೋ ವಿಡಿಯೋಗಳು ಹೊರ ಬರುತ್ತಿವೆ!

ಸಂಕ್ರಾಂತಿ ಹಬ್ಬ ಮುಗಿದಿದೆ. ಈ ಪೋಂಗಲ್ ಹಬ್ಬವನ್ನ ಯಾರು ಹೇಗೆ ಆಚರಿಸ್ತಾರೋ ಗೊತ್ತಿಲ್ಲ. ಆದ್ರೆ ನಮ್ ಸ್ಯಾಂಡಲ್ವುಡ್ ಸೆಲೆಬ್ರಿಟೀಸ್ ಮಾತ್ರ ಭರ್ಜರಿ ಆಗೆ ಸೆಲೆಬ್ರೇಟ್ ಮಾಡ್ತಾರೆ. ನಟಿಯರು ಭೂಲೋಕದ ದೇವತೆಯರಂತೆ ಸೀರೆ ಬಳೆ ಜುಮ್ಕಿ ಹಾಕಿ ಮಿಂಚಿದ್ರೆ, ನಮ್ ಹೀರೋಗಳು ಪಂಚೆ ಶರ್ಟ್ ಹಾಕಿ ಫ್ಯಾಮಿಲಿ ಮಕ್ಕಳು, ಎತ್ತು ದನ ಕರುಗಳ ಜೊತೆ ಫೋಟೋಗೆ ಪೋಸ್ ಕೊಟ್ಟಿದ್ದಾರೆ. ಸಂಕ್ರಾಂತಿ ಮುಗಿದ ಬಳಿಕ ಈಗ ಒಬ್ಬೊಬ್ಬರದ್ದೇ ಫೋಟೋ ವಿಡಿಯೋಗಳು ಹೊರ ಬರುತ್ತಿವೆ.

ಸಂಕ್ರಾಂತಿ ಹಬ್ಬ ನಟ ದರ್ಶನ್ಗೆ ತುಂಬಾನೆ ಸ್ಪೆಷಲ್. ಪ್ರತಿ ಸಂಕ್ರಾಂತಿಗೆ ಮೈಸೂರು ತೋಟದ ಮನೆ ಸೇರೋ ದರ್ಶನ್ ಸಾಕಿರೋ ಹಸು ಕರು, ಹೋರಿಗಳಿಗೆ ಪೂಜೆ ಮಾಡ್ತಾರೆ. ಬಳಿಕ ಕಿಚ್ಚು ಹಾಯಿಸೋದು ಸಂಪ್ರದಾಯ. ಈ ಭಾರಿ ಕೂಡ ಸ್ನೇಹಿತರ ಜೊತೆಗೂಡಿ ಸಂಕ್ರಾಂತಿ ಆಚರಿಸಿಸಿದ್ದಾರೆ. ದರ್ಶನ್ ಪತ್ನಿ ವಿಜಯಲಕ್ಷ್ಮಿ ಬೆಂಗಳೂರಿನಲ್ಲೇ ವರ್ಷದ ಮೊದಲ ಹಬ್ಬ ಆಚರಿಸಿದ್ದು ಫೋಟೋ ಹಂಚಿಕೊಂಡಿದ್ದಾರೆ. ನಟ ಧ್ರುವ ಸರ್ಜಾ ಕೂಡ ಈ ಭಾರಿ ವಿಶೇಷವಾಗಿ ಸಂಕ್ರಾಂತಿ ಆಚರಿಸಿದ್ದಾರೆ. ಎತ್ತುಗಳ ಸಗಣಿ ಬಾಚಿ ಮೈ ತೊಳೆದು, ಪೂಜೆ ಮಾಡಿ ಕಿಚ್ಚು ಹಾಯಿಸಿದ್ದಾರೆ. ಈ ವೀಡಿಯೋ ಈಗ ವೈರಲ್ ಆಗುತ್ತಿದೆ. 

ದಿ ಶೋ ಮ್ಯಾನ್ ಜೋಗಿ ಪ್ರೇಮ್ ಅಪ್ಪಟ ಹಳ್ಳಿ ಹೈದ. ಹೀಗಾಗ ಪ್ರೇಮ್ ತನ್ನ ಫಾರ್ಮ್ ಹೌಸ್ನಲ್ಲಿ ಹಸುಗಳಿಗೆ ಪೂಜೆ ಮಾಡಿ ವರ್ಷದ ಮೊದಲ ಹಬ್ಬ ಆಚರಿಸಿದ್ದಾರೆ. ಆ ವೀಡಿಯೋವನ್ನ ರಕ್ಷಿತಾ ಪ್ರೇಮ್ ತನ್ನ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.  ಯಶ್ ಫ್ಯಾಮಿಲಿ ಜೊತೆ ಎಲ್ಲಾ ಹಬ್ಬ ಆಚರಿಸ್ತಾರೆ. ಈ ಭಾರಿ ಸಂಕ್ರಾಂತಿ ಹಬ್ಬವನ್ನ ಗಾಳಿಪಟ ಹಾರಿಸಿ ಸೆಲೆಬ್ರೇಟ್ ಮಾಡಿದ್ದಾರೆ. ನಟ ರಿಷಬ್ ಶೆಟ್ಟಿ ಪತ್ನಿ ಪ್ರಗತಿ ಶೆಟ್ಟಿ ಮಕ್ಕಳ ಜೊತೆ ಫೋಟೋ ಶೂಟ್ ಮಾಡಿಸಿದ್ದಾರೆ. ರಚಿತಾ ರಾಮ ಸೀರೆಯುಟ್ಟು ಕಂಗೊಳಿಸಿದ್ರೆ. ರಾಧಿಕಾ ಕುಮಾರಸ್ವಾಮಿ, ಅಧಿತಿ ಪ್ರಭುದೇವ ನಟ ನಿಖಿಲ್ ಕುಮಾರ್ ಸ್ವಾಮಿ, ಕುಟುಂಬದ ಜೊತೆ ಹಬ್ಬ ಮಾಡಿದ್ದಾರೆ.