ಶರಣ್ ಹೆಸರಿಗೆ ತಕ್ಕಹಾಗೆ ಶರಣಾಗೆ ಇರ್ತಾನೆ; ರವಿಚಂದ್ರನ್

ಸ್ಯಾಂಡಲ್ ವುಡ್ ಸ್ಟಾರ್ ಶರಣ್ ನಟನೆಯ ಗುರುಶಿಷ್ಯರು ಸಿನಿಮಾ ಬಿಡುಗಡೆಗೆ ಸಿದ್ಧವಾಗುತ್ತಿದೆ. ಜಡೇಶ ಕೆ ಹಂಪಿ ಅವರ ಸಾರಥ್ಯದಲ್ಲಿ ಮೂಡಿಬಂದಿರುವ ಸಿನಿಮಾ ಇತ್ತೀಚಿಗಷ್ಟೆ ಆಡಿಯೋವನ್ನು ರಿಲೀಸ್ ಮಾಡಿದೆ. ಕ್ರೇಜಿ ಸ್ಟಾರ್ ರವಿಚಂದ್ರನ್ ಸಿನಿಮಾದ ಆಡಿಯೋ ರಿಲೀಸ್ ಮಾಡಿ ಚಿತ್ರತಂಡಕ್ಕೆ ಶುಭ ಹಾರೈಸಿದರು. ಈ ಸಿನಿಮಾದಲ್ಲಿ ರವಿಚಂದ್ರನ್, ನಟ ಶರಣ್ ಬಗ್ಗೆ ಮಾತನಾಡಿದ್ದಾರೆ. ಎಲ್ಲರೂ ಒಬ್ಬರಿಗೊಬ್ಬರು ಗುರು ಶಿಷ್ಯರು. ಮಾಸ್ ಎಂದರೆ ಕಾಲಿಗೆ ತಾಳ ಹಾಕುತ್ತೆ ಅಷ್ಟೆ ಅದರ ಆಯಸ್ಸು ಕಡಿಮೆ ಆದರೆ ಮೆಲೋಡಿ ಲೈಫ್ ಲಾಂಗ್ ತಾಳ ಹಾಕುತ್ತದೆ ಎಂದು ಹೇಳಿದರು. ನಾನು ಯಾವತ್ತು ಮಾಸ್ ಆಗಿ ಯೋಚನೆ ಮಾಡಿಲ್ಲ, ನಾನು ಯಾವಾಗಲು ಕ್ಲಾಸ್ ಆಗಿ ಯೋಚನೆ ಮಾಡಿದವನು ಎಂದು ರವಿಚಂದ್ರನ್ ಹೇಳಿದರು. ಸಿನಿಮಾದಲ್ಲಿ ಯಾವಾಗಲು ಲವ್ ಸಬ್ಜೆಕ್ಟ್ ಇರುತ್ತದೆ. ಒಂದು ಹಳ್ಳಿಗಾಗಿ ಸಿನಿಮಾ ಮಾಡೋದು ನಿಜವಾದ ಸಿನಿಮಾ. ಹಾಗಾಗಿ ಈ ಸಿನಿಮಾ ತುಂಬಾ ವಿಶೇಷ ಎಂದು ಹೇಳಿದ್ದಾರೆ. ಇನ್ನು ಶರಣ್ ಯಾವಾಗಲೂ ಹೆಸರಿಗೆ ತಕ್ಕಹಾಗೆ ಶರಣಾಗೆ ಇರುತ್ತಾರೆ ಎಂದು ರವಿಚಂದ್ರನ್ ಹೇಳಿದರು.