ಕೊರೋನಾ ತುರ್ತು ಚಿಕಿತ್ಸೆಗೆ 2ಡಿಜಿ ‘ಸಂಜೀವಿನಿ’; ರೋಗಿಗಳಲ್ಲಿ ಶೀಘ್ರ ಚೇತರಿಕೆ
Suvarna News | Asianet News
Published : May 09, 2021, 10:50 AM ISTಕೊರೋನಾ ತುರ್ತು ಚಿಕಿತ್ಸೆಗೆ ಬಂತು ದೇಶೀ ಔಷಧ | 2ಡಿಜಿ ಹೆಸರಿನ ‘ಸಂಜೀವಿನಿ’ ಅಭಿವೃದ್ಧಿಪಡಿಸಿದ ಡಿಆರ್ಡಿಒ | ನೀರಲ್ಲಿ ಹಾಕಿ ಸೇವಿಸುವ ಪೌಡರ್ ರೂಪದ ಮದ್ದು
ಬೆಂಗಳೂರು (ಮೇ. 09): ದೇಶಾದ್ಯಂತ ಕೋವಿಡ್ ಪ್ರಕರಣಗಳು ದಾಖಲೆ ಮಟ್ಟಕ್ಕೆ ಮುಟ್ಟಿರುವ ಹೊತ್ತಿನಲ್ಲೇ ಹೈದ್ರಾಬಾದ್ ಮೂಲದ ಡಾ.ರೆಡ್ಡೀಸ್ ಲ್ಯಾಬ್ ಸಹಯೋಗದಲ್ಲಿ ಡಿಆರ್ಡಿಒ ಅಭಿವೃದ್ಧಿಪಡಿಸಿರುವ ಕೋವಿಡ್ ಔಷಧವಾದ 2-ಡಿಆಕ್ಸಿ-ಡಿ-ಗ್ಲುಕೋಸ್ (2-ಡಿಜಿ) ಎಂಬ ಪೌಡರ್ ಅನ್ನು ತುರ್ತು ಬಳಕೆ ಮಾಡಲು ಭಾರತೀಯ ಔಷಧ ನಿಯಂತ್ರಣ ಸಂಸ್ಥೆ(ಡಿಸಿಜಿಐ) ಅನುಮೋದನೆ ನೀಡಿದೆ.
2ಡಿಜಿ ಔಷಧವು ಕೊರೋನಾ ವೈರಸ್ನ ಜೀವಕೋಶವನ್ನು ಸಂಪೂರ್ಣವಾಗಿ ಸುತ್ತುವರೆಯುತ್ತದೆ. ಬಳಿಕ ವೈರಸ್ ದ್ವಿಗುಣಗೊಳ್ಳುವುದು ಮತ್ತು ಅದರಿಂದ ಶಕ್ತಿ ಬಿಡುಗಡೆ ತಡೆಯುತ್ತದೆ. ಈ ಮೂಲಕ ವೈರಸ್ ವೃದ್ಧಿಯಾಗುವುದನ್ನು ತಡೆಯುತ್ತದೆ.
