ತನ್ನ ಹಾಗೂ ಮಗುವಿನ ಆರೋಗ್ಯಕ್ಕಾಗಿ ಗರ್ಭಿಣಿ ಮಹಿಳೆಗೆ Vastu Tips

ಸುಖ ಪ್ರಸವ ಹಾಗೂ ಆರೋಗ್ಯವಂತ ಮಗುವಿಗಾಗಿ ಗರ್ಭಿಣಿ ಮಹಿಳೆಗೆ ವಾಸ್ತು ಕೆಲವು ಸಲಹೆಗಳನ್ನು ನೀಡುತ್ತದೆ. 

ಸೃಷ್ಟಿಯಲ್ಲಿ ಎಲ್ಲವೂ ಸಮಯಕ್ಕೆ ಸರಿಯಾಗಿ ಉತ್ಪತ್ತಿಯಾಗುತ್ತವೆ. ಸೃಷ್ಟಿಯ ಹೊಟ್ಟೆ ಕೂಡಾ ತಾಯಿಯ ಹೊಟ್ಟೆಯಂತೆ ಸೃಷ್ಟಿಸುತ್ತದೆ, ರಕ್ಷಿಸುತ್ತದೆ, ಬೆಳೆಸುತ್ತದೆ. ಗರ್ಭಾವಸ್ಥೆ(pregnancy) ಕೂಡಾ ಹಾಗೆಯೇ. ಅಲ್ಲಿ ಜೀವದ ಸೃಷ್ಟಿಯಾಗುತ್ತದೆ, ರಕ್ಷಣೆಯಾಗುತ್ತದೆ, ಸಮಯ ಬಂದಾಗ ಹೊರಗೆ ಬರುತ್ತದೆ. ಜಗತ್ತಿನ ನಿರಂತರತೆಗೆ  ಈ ಗರ್ಭಾವಸ್ಥೆ ಹಾಗೂ ಪುನರುತ್ಪತ್ತಿ ಅತ್ಯಗತ್ಯವಾಗಿದೆ. 

ತಾಯಿಯ ಸೃಷ್ಟಿಯೇ ವಿಸ್ಮಯವಾಗಿದೆ. ಗರ್ಭಿಣಿಯೊಳಗೆ ಎರಡೆರಡು ಹೃದಯ, ಜೀವದೊಳಗೆ ಜೀವ, ಜೀವಮಾನದುದ್ದದ ಸಂಬಂಧದ ಮೊಳೆತ.. ಇವೆಲ್ಲ ಎಂಥ ವಿಶೇಷವಲ್ಲವೇ? 

ವಾಸ್ತುವು ಪ್ರಕೃತಿಯೊಂದಿಗೆ ಬೆಸೆದುಕೊಂಡಿದೆ. ಅದು ಭೂಮಿ, ಆಕಾಶ, ನೀರು, ಬೆಂಕಿ ಹಾಗೂ ಗಾಳಿಯನ್ನು ಅಧ್ಯಯನ ಮಾಡಿ ವಿವರಿಸುತ್ತದೆ. ದಶದಿಕ್ಕುಗಳನ್ನೂ ಒಳಗೊಂಡಿದೆ. ಈ ಎಲ್ಲ ಸಂಗತಿಗಳು ನಮ್ಮ ಜೀವನದ ಮೇಲೆ ಬೀರುವ ಪರಿಣಾಮದ ಬಗ್ಗೆ ವಾಸ್ತು ಹೇಳುತ್ತದೆ. ಈ ಪಂಚಭೂತಗಳು ನಮ್ಮ ಕೆಲಸ, ಅದೃಷ್ಟ, ವರ್ತನೆ ಎಲ್ಲದರ ಮೇಲೂ ಪರಿಣಾಮ ಬೀರುತ್ತವೆ. ಹಾಗಾಗಿ, ಎಲ್ಲ ಸಂದರ್ಭಗಳಲ್ಲಿ ಪಾಸಿಟಿವ್ ಎನರ್ಜಿ ಹೊಂದಿ ಉತ್ತಮ ಫಲಿತಾಂಶ ಪಡೆಯುವುದು ಹೇಗೆ ಎಂದು ವಾಸ್ತು ಹೇಳುತ್ತದೆ. ಪ್ರಗ್ನೆನ್ಸಿ ವಿಷಯಕ್ಕೂ ಅದು ಹೊರತಲ್ಲ. ಈ ಸಂದರ್ಭದಲ್ಲಿ ಧನಾತ್ಮಕ ಶಕ್ತಿಯು ಆರೋಗ್ಯವಂತ ಮಗು ಹಾಗೂ ಸುಖ ಪ್ರಸವಕ್ಕೆ ಕಾರಣವಾಗುತ್ತದೆ. 

Diamond Astrology: ಕೊಳ್ಳುವ ಮೊದಲು ನಿಮಗೆ ವಜ್ರ ಆಗಿ ಬರುತ್ತದೆಯೇ ಇಲ್ಲವೇ ತಿಳಿಯಿರಿ..

ಹಾಗಿದ್ದರೆ, ಗರ್ಭಿಣಿಯರು ವಾಸ್ತುವಿನ ಯಾವೆಲ್ಲ ಸಂಗತಿಗಳನ್ನು ಗಮನಿಸಿ ಅನುಸರಿಸಬೇಕು ಎಂಬ ಬಗ್ಗೆ ಈ ಲೇಖನದಲ್ಲಿ ನೋಡೋಣ.

• ಕಂಪ್ಯೂಟರ್, ಫೋನ್‌ ಮುಂತಾದ ಎಲೆಕ್ಟ್ರಿಕ್ ಗ್ಯಾಜೆಟ್‌ನಿಂದ(gadgets) ದೂರ ಉಳಿಯುವುದು ಗರ್ಭಿಣಿ ಮಹಿಳೆಯ ಆರೋಗ್ಯಕ್ಕೆ ಒಳ್ಳೆಯದು. 
• ಸುಖವಾದ ಗರ್ಭಾವಸ್ಥೆಗಾಗಿ ಮಹಿಳೆಯು ನೈಋತ್ಯ(southwest) ದಿಕ್ಕಿಗೆ ತಿರುಗಿ ಮಲಗಬೇಕು. 
• ಮನೆಯ ವಾಯುವ್ಯ(northwest) ದಿಕ್ಕಿನ ಕೋಣೆಯಲ್ಲಿ ಗರ್ಭಿಣಿಯು ಮಲಗಬಾರದು. 
• ಗರ್ಭಿಣಿಯು ಯಾವಾಗಲೂ ದಕ್ಷಿಣ(south) ದಿಕ್ಕಿಗೆ ತಲೆ ಹಾಕಿ ಮಲಗುವುದು ಉತ್ತಮ. 
• ಆಗ್ನೇಯ(southeast) ದಿಕ್ಕಿನಲ್ಲಿರುವ ಕೋಣೆಯಲ್ಲಿ ಗರ್ಭಿಣಿ ಮಹಿಳೆ ಹೆಚ್ಚಿನ ಸಮಯ ಕಳೆಯಬಾರದು. 
• ಗರ್ಭಿಣಿ ಮಹಿಳೆಯು ಸದಾ ಸಂತೋಷಭರಿತ ವಾತಾವರಣದಲ್ಲಿರಬೇಕು.
• ಗರ್ಭಿಣಿಯು ಕೆಂಪು, ಕಪ್ಪು, ಕಂದು ಬಣ್ಣಗಳಂಥ ಗಾಢ ಬಣ್ಣದ ಬಟ್ಟೆ ಧರಿಸದೆ ಇರುವುದು ಉತ್ತಮ. 
• ಆಕೆ ಹಸಿರು, ನೀಲಿ, ಹಳದಿ, ಹಾಗೂ ಬಿಳಿಯ ತಿಳಿ ವರ್ಣಗಳನ್ನು ಧರಿಸಬೇಕು. 
  
  Healing Temple: ಸರ್ವ ರೋಗ ನಿವಾರಕ, ವೈದ್ಯರಿಗೇ ವೈದ್ಯ ಈ ವೈದ್ಯನಾಥೇಶ್ವರ
  
• ಕತ್ತಲೆಯಾದ ಕೋಣೆಯಲ್ಲಿ ಗರ್ಭಿಣಿ ಇರಬಾರದು. ಇದರಿಂದ ಆಕೆ ಖಿನ್ನತೆ(depression)ಗೆ ಜಾರಬಹುದು. ಅದರ ಪರಿಣಾಮ ಮಗುವಿನ ಮೇಲಾಗುತ್ತದೆ. 
• ತುಂಬಾ ಗಾಳಿ, ಬೆಳಕು ಇರುವ ಕೋಣೆಯಲ್ಲಿ ಪ್ರಗ್ನೆಂಟ್ ಇರಬೇಕು. 
• ಸ್ಪೂರ್ತಿದಾಯಕವಾದ, ಮನಸ್ಸನ್ನು ಸಂತೋಷಗೊಳಿಸುವ ಪುಸ್ತಕಗಳ್ನು ಗರ್ಭಾವಸ್ಥೆಯಲ್ಲಿ ಮಹಿಳೆ ಓದಬೇಕು. 
• ಗರ್ಭಿಣಿಯ ಕೋಣೆಯಲ್ಲಿ ಆರೋಗ್ಯವಂಥ ಮಕ್ಕಳ ಪೋಸ್ಟರ್‌ಗಳಿರಬೇಕು.
• ಮೆಟ್ಟಿಲ(staircase) ಕೆಳಗಿರುವ ವಾಶ್‌ರೂಮನ್ನು ಗರ್ಭಿಣಿ ಬಳಸಬಾರದು. ಅಲ್ಲಿ ನೆಗೆಟಿವ್ ಎನರ್ಜಿ ಹೆಚ್ಚಿರುತ್ತದೆ. 
• ಮನೆಯ ಮಧ್ಯ ಭಾಗದಲ್ಲಿ ದೊಡ್ಡ ಪೀಠೋಪಕರಣಗಳನ್ನು ಇಡಬಾರದು. 
• ಮನೆಯ ಮಧ್ಯಭಾಗದಲ್ಲಿ ದೊಡ್ಡದಾದ ಕಣ್ಣಿಗೆ ಹೊಡೆಯುವ ಲೈಟ್ ಇರಕೂಡದು. 
• ಆಗ್ನೇಯ ದಿಕ್ಕಿನಲ್ಲಿ ಪ್ರತಿ ದಿನ ದೀಪ ಹಚ್ಚುವುದರಿಂದ ಗರ್ಭಿಣಿಯ ಆರೋಗ್ಯ ಚೆನ್ನಾಗಿರುವುದು. 
• ಮನೆಯಲ್ಲಿ ಗರ್ಭಿಣಿ ಇರುವಾಗ ಕ್ಯಾಕ್ಟಸ್(cactus), ರಬ್ಬರ್ ಪ್ಲ್ಯಾಂಟ್‌ ಮತ್ತಿತರೆ ಮುಳ್ಳು ಹೊಂದಿರುವ ಗಿಡಗಳನ್ನು ಬೆಳೆಸಬೇಡಿ. 
• ಬೋನ್ಸಾಯ್‌ನಂಥ ಗಿಡಗಳು ಮಗುವಿನ ಕುಂಠಿತ ಬೆಳವಣಿಗೆಗೆ ಕಾರಣವಾಗಬಾರದು. ಹಾಗಾಗಿ, ಅವನ್ನು ಕೂಡಾ ಇಟ್ಟುಕೊಳ್ಳಬೇಡಿ. 
• ಹಿಂಸೆ, ಕ್ರೌರ್ಯ, ಯುದ್ಧ, ಮುಂತಾದ ನೆಗೆಟಿವ್ ವಿಚಾರಗಳನ್ನು ಹೊಂದಿರುವ ಪೇಂಟಿಂಗ್ ಮನೆಯಲ್ಲಿರಕೂಡದು. 
• ಮನೆಯ ಈಶಾನ್ಯ ದಿಕ್ಕಿನ ಮೂಲೆಯಲ್ಲಿ ಪೂರ್ವಕ್ಕೆ ಮುಖ ಹಾಕಿ ಕೂತು ಗರ್ಭಿಣಿಯು  ಪ್ರತಿ ದಿನ ಧ್ಯಾನ, ಪ್ರಾಣಾಯಾಮ ಮಾಡಬೇಕು.