ತಂದೆಗೆ ತೀವ್ರ ಅನಾರೋಗ್ಯ; ಡಿಪ್ರೆಶನ್ಗೆ ಹೋದ ಕಿರುತೆರೆ ನಟಿ | ಅತಿಯಾದ ಡಿಪ್ರೆಶನ್ನಿಂದ ಆತ್ಮಹತ್ಯೆಗೆ ಶರಣು |
ಮುಂಬೈ (ಜ. 25): ' ದಿಲ್ ತೋ ಹ್ಯಾಪಿ ಹೈ ಜಿ' ಸೀರಿಯಲ್ ಖ್ಯಾತಿಯ ಸೇಜಲ್ ಶರ್ಮಾ ಅವರ ನಿವಾಸದಲ್ಲಿ ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಆತ್ಮಹತ್ಯೆಗೆ ಇದಮಿತ್ಥಂ ಎನ್ನುವ ಕಾರಣ ತಿಳಿದು ಬಂದಿಲ್ಲ. ತಂದೆಯ ಆರೋಗ್ಯ ತೀರಾ ಹದಗೆಟ್ಟಿರುವುದರಿಂದ ಬೇಸತ್ತು ಆತ್ಮಹತ್ಯೆಗೆ ಶರಣಾಗಿರಬಹುದೆಂದು ವರದಿಯಾಗಿದೆ.
'ತಂದೆಯ ಅನಾರೋಗ್ಯದಿಂದ ಸೇಜಲ್ ತುಂಬಾ ಒತ್ತಡದಲ್ಲಿದ್ದಳು. ನಾನು ಅವಳಿಗೆ ಮೆಸೇಜ್ ಮಾಡಿದ್ದೆ. ಮೆಡಿಕಲ್ ಎಮರ್ಜೆನ್ಸಿಯಿಂದಾಗಿ ಉದಯಪುರಕ್ಕೆ ಹೋಗುತ್ತಿದ್ದೇನೆ ಎಂದಿದ್ದಳು. ಯಾಕೆ ಎಂದು ಕೇಳಿದ್ದಕ್ಕೆ ತಂದೆಗೆ ಹಾರ್ಟ್ ಅಟ್ಯಾಕ್ ಆಗಿದೆ ಎಂದಿದ್ದಳು. ಇದೀಗ ಆಕೆಯೇ ಆತ್ಮಹತ್ಯೆಗೆ ಶರಣಾಗಿರುವುದು ಶಾಕ್ ಆಗಿದೆ' ಎಂದು ದಿಲ್ ತೋ ಹ್ಯಾಪಿ ಹೇ ಜಿ ಸಹನಟ ಅರು ಕೆ ವರ್ಮಾ ಹೇಳಿದ್ದಾರೆ.
ವೈಯಕ್ತಿ ಕಾರಣಗಳಿಂದ ನಾನು ಈ ನಿರ್ಧಾರ ತೆಗೆದುಕೊಂಡಿದ್ದೇನೆ. ನನ್ನ ಸಾವಿಗೆ ಯಾರೂ ಕಾರಣರಲ್ಲ ಎಂದು ಡೆತ್ ನೋಟ್ ಬರೆದಿಟ್ಟಿದ್ದಾರೆ.
ಸೇಜಲ್ ಶರ್ಮಾ ರಾಜಸ್ಥಾನದ ಉದಯಪುರದವರು. ಕೆಲವರ್ಷಗಳ ಹಿಂದೆ ಸಿನಿಮಾ ಕರಿಯರ್ಗಾಗಿ ಮುಂಬೈಗೆ ಬಂದಿದ್ದರು. ಸದ್ಯ 'ದಿಲ್ ತೋ ಹ್ಯಾಪಿ ಹೈ ಜಿ' ಸೀರಿಯಲ್ನಲ್ಲಿ ನಟಿಸುತ್ತಿದ್ದರು.