ಚಿಪ್ಸ್​ ಕದ್ದು ತಿನ್ನೋ ಪುಟ್ಟಕ್ಕನ ಮಗಳು ಸಹನಾ! ಕಾಳಿ ಸುಮ್ನಿರ್ತಾನಾ? ಹೇಗೆಲ್ಲಾ ಗೋಳು ಹೊಯ್ಕೊತಾನೆ ನೋಡಿ: ವಿಡಿಯೋ ವೈರಲ್​

"ಪುಟ್ಟಕ್ಕನ ಮಕ್ಕಳು" ಧಾರಾವಾಹಿಯಲ್ಲಿ ಸಹನಾ ಹೊಸ ಹೋಟೆಲ್ ಆರಂಭಿಸುತ್ತಿದ್ದು, ಕಾಳಿ ಮತ್ತು ಮ್ಯಾಕ್ಸಿ ಸಹಾಯ ಹಸ್ತ ಚಾಚಿದ್ದಾರೆ. ಸಹನಾ-ಕಾಳಿ ಜೋಡಿಯ ಮೋಜಿನ ವಿಡಿಯೋ ವೈರಲ್. ಸಹನಾ ಪಾತ್ರಧಾರಿ ಅಕ್ಷರಾ, ಎಂಬಿಎ ಪದವೀಧರೆ. ಕಾಳಿ ಪಾತ್ರಧಾರಿ ಅನಿರೀಶ್. ಇಬ್ಬರೂ ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ರಿಯರು.

ಪುಟ್ಟಕ್ಕನ ಮಕ್ಕಳು (Puttakana Makkalu) ಸೀರಿಯಲ್​ನಲ್ಲಿ ಸ್ನೇಹಾ ಸತ್ತಾಗಿದೆ. ಹೊಸ ಸ್ನೇಹಾ ಬಂದಿದ್ದಾಳೆ. ಈಕೆಯನ್ನು ನೋಡಿದರೆ, ಕಂಠಿ ಸಿಡಿದು ಬೀಳುತ್ತಿದ್ದಾನೆ. ಕಂಠಿ ಮತ್ತು ಹಳೆ ಸ್ನೇಹಾಳ ಹೃದಯವನ್ನು ಹೊತ್ತಿರುವ ಈ ಹೊಸ ಸ್ನೇಹಾ ನಡುವೆ ಲವ್​ ಸ್ಟೋರಿ ಯಾವಾಗ ಆರಂಭ ಆಗತ್ತೆ ಎನ್ನೋದನ್ನು ವೀಕ್ಷಕರು ಕಾಯ್ತಿದ್ದಾರೆ. ಅದೇ ಹೊತ್ತಿನಲ್ಲಿ, ಇನ್ನೊಂದೆಡೆ, ಸಹನಾ ಹೊಸ ಹೋಟೆಲ್​ ಆರಂಭಕ್ಕೆ ನಾಂದಿ ಹಾಡುತ್ತಿದ್ದಾಳೆ. ಮಂಡ್ಯದಲ್ಲಿ ಹೊಸ ಜಾಗ ನೋಡಿರುವುದಾಗಿ ಕಾಳಿ ಹೇಳಿದ್ದಾನೆ. ಮೊದಲಿಗೆ ಸಹನಾ ಇದನ್ನು ಒಪ್ಪಿರಲ್ಲ. ಆದರೆ ಅಮ್ಮನ ಮಾತು ಕೇಳದೇ ಸಿಟಿಗೆ ಹೋಗಿದ್ದು ಏನಾದರೊಂದು ಸಾಧನೆ ಮಾಡಬೇಕು ಎಂದು ತಾನೆ, ಹಾಗಿದ್ರೆ, ಈ ಹೊಸ ಮೆಸ್​ ಶುರು ಮಾಡು ಎಂದು ಪುಟ್ಟಕ್ಕ ಧೈರ್ಯ ತುಂಬಿದ್ದಾಳೆ.  ಕಾಳಿ ಜೊತೆ, ಮ್ಯಾಕ್ಸಿನೂ ಸೇರಿಕೊಂಡಿದ್ದಾನೆ. ಸಹನಾ,  ಈ ಹಿಂದೆ ತಿಂಡಿ ಗಾಡಿ ನಡೆಸ್ತಿದ್ದಾಗ ಸಹಾಯ ಮಾಡ್ತಿದ್ದ ಕಾಳಿ ಮತ್ತು ಮ್ಯಾಕ್ಸಿ ಇಬ್ಬರೂ ಈ ಸಹನಾಗೆ ಸಹಾಯ ಮಾಡಲು ಮುಂದೆ ಬಂದಿದ್ದಾಳೆ. ಇಬ್ಬರೂ ಸಹನಾಳನ್ನು ಲವ್​ ಮಾಡ್ತಿರೋ ಹಾಗೆ ಕಾಣಿಸ್ತಿದೆ. ಸಹನಾ ಮತ್ತು ಕಾಳಿ ಮದ್ವೆ ಮಾಡಿಸಿ ಎಂದು ನೆಟ್ಟಿಗರು ಹೇಳ್ತಿದ್ದಾರೆ.

ಇದರ ನಡುವೆಯೇ, ಶೂಟಿಂಗ್​ಗೆ ಹೋಗುವ ಸಮಯದಲ್ಲಿ ಕಾಳಿ ಸಹನಾಳನ್ನು ಹೇಗೆಲ್ಲಾ ಗೋಳು ಹೊಯ್ಕೊತಾನೆ ಎನ್ನುವ ವಿಡಿಯೋ ವೈರಲ್​ ಆಗಿದೆ. ಡಿ.ವಿ.ಡ್ರೀಮ್ಸ್​ ಯೂಟ್ಯೂಬ್​ ಚಾನೆಲ್​ನಲ್ಲಿ ಈ ವಿಡಿಯೋ ಶೇರ್​ ಮಾಡಲಾಗಿದೆ. ಇದರಲ್ಲಿ ಪುಟ್ಟಕ್ಕನ ಮಕ್ಕಳು ನಟ-ನಟಿಯರು ಹಾಗೂ ತಾಂತ್ರಿಕ ತಂಡದವರು ಕಾರಿನಲ್ಲಿ ಹೋಗುವುದನ್ನು ನೋಡಬಹುದು. ಸಹನಾ ಚಿಪ್ಸ್​ ತಂದು ಅದನ್ನು ಬಚ್ಚಿಟ್ಟುಕೊಂಡು ಒಬ್ಬಳೇ ತಿನ್ನುತ್ತಿದ್ದಾಳೆ ಎಂದು ಕಾಳಿ ಕಾಲೆಳೆಯುತ್ತಿದ್ದಾನೆ. ನಾನು ಹಾಗೇನೂ ಮಾಡ್ತಿಲ್ಲ ಎಂದು ಸಹನಾ ಹೇಳ್ತಿದ್ದಾಳೆ. ಒಟ್ಟಿನಲ್ಲಿ ಸೀರಿಯಲ್​ ತಂಡದವರು ಸಿಕ್ಕ ಟೈಮ್​ನಲ್ಲಿ ಎಷ್ಟೊಂದು ಎಂಜಾಯ್​ ಮಾಡುತ್ತಾರೆ ಎನ್ನುವುದನ್ನು ಇದರಲ್ಲಿ ನೋಡಬಹುದು.

ಇನ್ನು ಸಹನಾ ಕುರಿತು ಹೇಳುವುದಾದರೆ,  ಈಕೆ ರಿಯಲ್​ ಹೆಸರು ಅಕ್ಷರಾ.  (Akshara).  ಪುಟ್ಟಕ್ಕನ ಮಗಳು ಸೀರಿಯಲ್​ನಲ್ಲಿ ಹೆಚ್ಚು ಕಲಿಯದೇ ಇರುವ ಸಹನಾ, ನಿಜ ಜೀವನದಲ್ಲಿ ಫೈನಾನ್ಸ್​ನಲ್ಲಿ ಎಂಬಿಎ ಪದವೀಧರೆ. ಈ ಸೀರಿಯಲ್​ಗೂ ಬರುವ ಮುನ್ನೆ ಕೆಲವು ಧಾರಾವಾಹಿಯಲ್ಲಿ ಅಕ್ಷರಾ ನಟಿಸಿದ್ದಾರೆ.  ‘ಅಮ್ನೋರು’  ಧಾರಾವಾಹಿಯ ಮೂಲಕ ಕಿರುತೆರೆಗೆ ಪದಾರ್ಪಣೆ ಮಾಡಿ ಸೈ ಎನಿಸಿಕೊಂಡಿರುವ ಇವರಿಗೆ  ‘ಪುಟ್ಟಕ್ಕನ ಮಕ್ಕಳು’ ಸಕತ್​ ಹೆಸರು ತಂದುಕೊಡುತ್ತಿದೆ. ರಕ್ಷಾ ಬಂಧನ ಸೀರಿಯಲ್​ನಲ್ಲಿಯೂ ನಟಿಸಿದ್ದಾರೆ. ಇನ್ನು ಕಾಳಿ   ಪಾತ್ರಧಾರಿ ಹೆಸರು ಅನಿರೀಶ್​. 

ಸೋಷಿಯಲ್​ ಮೀಡಿಯಾದಲ್ಲಿಯೂ ಇಬ್ಬರೂ ಸಕತ್​ ಆ್ಯಕ್ಟೀವ್​ ಆಗಿದ್ದಾರೆ. ಅಕ್ಷರಾ ಅವರು,  ಮಾಡರ್ನ್​ ಡ್ರೆಸ್​ನಲ್ಲಿ ಮಿಂಚಿದರೆ ಅಬ್ಬಬ್ಬಾ ನಮ್ಮ ಸಹನಾ ಇವರೇನಾ ಎಂದು ನಿಬ್ಬೆರಗಾಗಿ ನೋಡಬೇಕು.  ಪುಟ್ಟಕ್ಕನ ಮಗಕ್ಕಳು ಸೀರಿಯಲ್​ನಲ್ಲಿ  ಸೀರೆಯುಟ್ಟು ಹಳ್ಳಿ ಹುಡುಗಿ ಲುಕ್‌ನಲ್ಲಿ ಕ್ಯೂಟ್​ ಆಗಿ ಕಾಣುವ ಅಕ್ಷರ, ಮಾಡೆಲಿಂಗ್‌ನಲ್ಲಿಯೂ ಎತ್ತಿದ ಕೈ.  ಅಂದಹಾಗೆ ಇವರು ಹುಟ್ಟಿದ್ದು, ಬೆಂಗಳೂರಿನಲ್ಲಿ. ಸೀರಿಯಲ್​ಗೆ ಪದಾರ್ಪಣೆ ಮಾಡಲು ಅಪ್ಪ-ಅಮ್ಮನೇ ಕಾರಣ ಎಂದಿರುವ ಅಕ್ಷರಾ ಅವರು, ತಮಗೆ ಅವರೇ ಸಪೋರ್ಟ್​ ಮಾಡುತ್ತಾರೆ ಎಂದಿದ್ದಾರೆ. ಇನ್ನು ಈ ಸೀರಿಯಲ್​ನಲ್ಲಿ ಉಮಾಶ್ರೀಯಂಥ ಹಿರಿಯ ನಟಿಯ ಜೊತೆ ನಟಿಸುವ ಭಾಗ್ಯ ತಮಗೆ ಲಭಿಸಿದ್ದು, ಪುಣ್ಯ ಎನ್ನುವ ಅಕ್ಷರಾ ಅವರ,  ಯಾವುದೇ ತಪ್ಪುಗಳು ಸಂಭವಿಸಿದರೂ ಅಲ್ಲಿ ಅದನ್ನು ಸರಿಪಡಿಸಿ ಉತ್ತಮವಾಗಿ ನಟಿಸಲು ಸಲಹೆಗಳನ್ನು ನೀಡುತ್ತಾರೆ ಎನ್ನುತ್ತಾರೆ.