ಅಕ್ಟೋಬರ್ 24 ರಿಂದ, ವಾಟ್ಸಾಪ್ ಕೆಲವು ಐಫೋನ್ ಮಾದರಿಗಳಲ್ಲಿ ಕಾರ್ಯನಿರ್ವಹಿಸುವುದಿಲ್ಲ ಎಂದು ವರದಿಗಳು ತಿಳಿಸಿವೆ.
WhatsApp Latest News: ಅಕ್ಟೋಬರ್ 24 ರಿಂದ, ವಾಟ್ಸಾಪ್ ಕೆಲವು ಐಫೋನ್ ಮಾದರಿಗಳಲ್ಲಿ ಕಾರ್ಯನಿರ್ವಹಿಸುವುದಿಲ್ಲ ಎಂದು ವರದಿಗಳು ತಿಳಿಸಿವೆ. ಮೆಟಾ ಒಡೆತನದ ಮೇಸೆಜಿಂಗ್‌ ಅಪ್ಲೀಕೆಶನ್ ಕಂಪನಿಯು ಇನ್ನೂ ವರದಿಯನ್ನು ದೃಢೀಕರಿಸಿಲ್ಲ, ಆದರೆ ಸೇವೆ ಸ್ಥಗಿತಗೊಳಿಸುವ ದಿನಾಂಕ ಸಮೀಪಿಸುತ್ತಿದ್ದಂತೆ ವಾಟ್ಸಾಪ್ ಈ ಮಾಹಿತಿಯನ್ನು ಅಧಿಕೃತಗೊಳಿಸಲಿದೆ. WABetaInfoನ ಹೊಸ ವರದಿಯ ಪ್ರಕಾರ, ವಾಟ್ಸಾಪ್ ಬೆಂಬಲವು ಕೊನೆಗೊಳ್ಳುತ್ತಿದೆ ಎಂದು ಆಪಲ್ ಕೆಲವು ಐಫೋನ್ ಗ್ರಾಹಕರಿಗೆ ತಿಳಿಸುತ್ತಿದೆ. iOS 10 ಮತ್ತು iOS 11 ಚಾಲನೆಯಲ್ಲಿರುವ ಐಫೋನ್‌ಗಳು ಪಠ್ಯ ಸಂದೇಶ ಸೇವೆಯನ್ನು ಬಳಸಲು ಸಾಧ್ಯವಾಗುವುದಿಲ್ಲ. ಆದ್ದರಿಂದ ಐಫೋನ್ ಹಳೆಯ ಸಾಫ್ಟ್‌ವೇರ್‌ನಲ್ಲಿ ಕಾರ್ಯನಿರ್ವಹಿಸುತ್ತಿದ್ದರೆ, ಅದನ್ನು ತಕ್ಷಣವೇ ಅಪ್‌ಗ್ರೇಡ್ ಮಾಡುವ ಅಗತ್ಯವಿದೆ.
ಇದು ಆತಂಕಕಾರಿ ಸುದ್ದಿಯಾಗಿ ಕಂಡುಬಂದರೂ, ಐಫೋನ್ ಬಳಕೆದಾರರು ಚಿಂತಿಸಬೇಕಾಗಿಲ್ಲ. ಐಒಎಸ್ 10 ಮತ್ತು ಐಒಎಸ್ 11 ಹಳತಾದ ಸಾಫ್ಟ್‌ವೇರ್ ಆಗಿರುವುದರಿಂದ, ಇತ್ತೀಚಿನ ಐಫೋನ್ ಸಾಧನಗಳು ಹೊಸ ಸಾಫ್ಟ್‌ವೇರ್‌ಗೆ ನವೀಕರಣವನ್ನು ಸ್ವೀಕರಿಸುತ್ತವೆ. ವಾಟ್ಸಾಪ್ ಹೊಸ ಅಪ್ಡೇಟ್‌ನಿಂದ ಐಫೋನ್ 5 ಹಾಗೂ ಐಫೋನ್ 5 ಸಿ ಮೇಲರ ಮಾತ್ರ ಪರಿಣಾಮ ಬೀರಲಿದೆ.
ಇದನ್ನೂ ಓದಿ: ವಾಟ್ಸಾಪ್ ಖಾತೆ ಸುರಕ್ಷಿತವಾಗಿಡಲು ಈ 7 ಭದ್ರತಾ ಸಲಹೆಗಳನ್ನು ನೀವು ತಿಳಿದಿರಲೇಬೇಕು
ನೀವು ಐಫೋನ್ ಹೊಂದಿದ್ದರೆ, ನಿಮ್ಮ ಫೋನ್‌ನಲ್ಲಿರುವ ಸಾಫ್ಟ್‌ವೇರ್ ನವೀಕೃತವಾಗಿದೆಯೇ ಎಂದು ಮೊದಲು ಖಚಿತಪಡಿಸಿಕೊಳ್ಳಿ. ನಿಮ್ಮ ಐಫೋನ್ ಇತ್ತೀಚಿನ ಸಾಫ್ಟ್‌ವೇರ್ ಚಾಲನೆ ಮಾಡುತ್ತಿದೆಯೇ ಎಂದು ನೋಡಲು Settings menu > About > Software update ಹೋಗಿ ಚೆಕ್‌ ಮಾಡಬಹುದು.
ಶೀಘ್ರದಲ್ಲೇ iOS 15 ಬಿಡುಗಡೆ: iOS 15 ಸಾಫ್ಟ್‌ವೇರ್ ಹೆಚ್ಚಿನ ಹೊಸ ಐಫೋನ್‌ಗಳಲ್ಲಿ ರನ್ ಆಗಬೇಕು. ಕ್ಯುಪರ್ಟಿನೊ ಮೂಲದ ಟೆಕ್ ಕಂಪನಿಯು ಐಒಎಸ್ ಅಪ್‌ಗ್ರೇಡ್ ಪರಿಚಯಿಸುವ ನಿರೀಕ್ಷೆಯಿದೆ, ಇದು ಮುಂದಿನ ತಿಂಗಳು ಅದರ ಡಬ್ಲ್ಯುಡಬ್ಲ್ಯುಡಿಸಿ 2022 ಈವೆಂಟ್‌ನಲ್ಲಿ ಐಫೋನ್ 14 ಸರಣಿಯ ಮುಂದಿನ ಪೀಳಿಗೆಯ ಐಫೋನ್ ರನ್ ಮಾಡುತ್ತದೆ.
ಆಯ್ದ ಐಫೋನ್ ಮಾದರಿಗಳಿಗೆ ಬೆಂಬಲವನ್ನು ನಿಲ್ಲಿಸಲು ವಾಟ್ಸಾಪ್ ಯೋಜಿಸಿದೆಯಾದರೂ, ಇದು ಅನೇಕ ಬಳಕೆದಾರರ ಮೇಲೆ ಪರಿಣಾಮ ಬೀರುವ ಸಾಧ್ಯತೆಯಿಲ್ಲ. ಏಕೆಂದರೆ ಈ ಸಮಯದಲ್ಲಿ ಕಡಿಮೆ ಸಂಖ್ಯೆಯ ಬಳಕೆದಾರರು ಬಳಸುವ ಸಾಧ್ಯತೆಯಿರುವ ಅತ್ಯಂತ ಹಳೆಯ ಐಫೋನ್ ಮಾದರಿಗಳಿಗೆ ಬೆಂಬಲವನ್ನು ಸ್ಥಗಿತಗೊಳಿಸಲಾಗುತ್ತಿದೆ.
ಇದನ್ನೂ ಓದಿ: ವಾಟ್ಸಾಪ್‌ನಲ್ಲಿ ಪ್ಯಾನ್ ಕಾರ್ಡ್, ಡ್ರೈವಿಂಗ್ ಲೈಸೆನ್ಸ್ ಡೌನ್‌ಲೋಡ್ ಮಾಡೋದು ಹೇಗೆ?
ಅಡೆತಡೆಯಿಲ್ಲದೆ ವಾಟ್ಸಾಪ್ ಬಳಸುವುದನ್ನು ಮುಂದುವರಿಸಲು ಮತ್ತು ಇತ್ತೀಚಿನ ಭದ್ರತಾ ಪ್ಯಾಚ್ ಮತ್ತು ವೈಶಿಷ್ಟ್ಯಗಳನ್ನು ಸ್ವೀಕರಿಸಲು ನಿಮ್ಮ ಐಫೋನನ್ನು ಇತ್ತೀಚಿನ ಸಾಫ್ಟ್‌ವೇರ್ ಆವೃತ್ತಿಗೆ ನವೀಕರಿಸುವುದು ಒಳ್ಳೆಯದು. ನಿಮ್ಮ ಐಫೋನನ್ನು ನವೀಕರಿಸುವ ಮೊದಲು, ಅದು ವೈಫೈ ನೆಟ್‌ವರ್ಕ್‌ಗೆ ಸಂಪರ್ಕಗೊಂಡಿದೆಯೇ ಮತ್ತು ನಿಮ್ಮ ಎಲ್ಲಾ ವೈಯಕ್ತಿಕ ಮತ್ತು ವೃತ್ತಿಪರ ಮಾಹಿತಿಯನ್ನು ಬ್ಯಾಕಪ್ ಮಾಡಲಾಗಿದೆಯೇ ಎಂದು ಖಚಿತಪಡಿಸಿಕೊಳ್ಳಿ.