ಲಾಂಚ್ಗೂ ಮುನ್ನ Samsung Galaxy M40 ಬೆಲೆ ಔಟ್! ಇಲ್ಲಿದೆ ದರ & ಫೀಚರ್ಸ್
ಸಾರಾಂಶ
ಮೊಬೈಲ್ ಪ್ರಿಯರಲ್ಲಿ ಕುತೂಹಲ ಕೆರಳಿಸಿರುವ Samsung Galaxy M40 ಬಿಡುಗಡೆ | ಸ್ಕ್ರೀನ್ ಸೌಂಡ್ ತಂತ್ರಜ್ಞಾನ ಹೊಂದಿರುವ Samsungನ ಮೊದಲ ಮೊಬೈಲ್ | ಜೂನ್ 11ಕ್ಕೆ ಭಾರತೀಯ ಮೊಬೈಲ್ ಮಾರುಕಟ್ಟೆಗೆ
ಇತ್ತೀಚೆಗೆ ಕೈಗೆಟಕುವ ದರದ M ಸೀರಿಸ್ ಫೋನ್ಗಳನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಿ ಮೊಬೈಲ್ ಬಳಕೆದಾರರ ಪ್ರಶಂಸೆಗೆ ಪಾತ್ರವಾಗಿದ್ದ ದಕ್ಷಿಣ ಕೊರಿಯನ್ ಕಂಪನಿ Samsung ಈಗ ಹೊಸ ಫೋನ್ ಲಾಂಚ್ ಮಾಡಲು ಸಿದ್ಧವಾಗಿದೆ.
ಭಾರತದ ಮೊಬೈಲ್ ಮಾರುಕಟ್ಟೆಗೆ ಪದಾರ್ಪಣೆ ಮಾಡಲು, M ಸೀರಿಸ್ನ ಮುಂದುವರಿದ ಆವೃತ್ತಿ Samsung Galaxy M40 ರೆಡಿಯಾಗಿದೆ. ಜೂನ್ 11ಕ್ಕೆ ಬಹುನಿರೀಕ್ಷಿತ Galaxy M40 ಮಾರುಕಟ್ಟೆಗೆ ಬಿಡುಗಡೆಯಾಗಲಿದೆ.
ಒಂದು ಅಂದಾಜಿನ ಪ್ರಕಾರ ಕಳೆದ ಜನವರಿಯಿಂದ ಸುಮಾರು 2 ಮಿಲಿಯನ್ M ಸೀರಿಸ್ ಹ್ಯಾಂಡ್ಸೆಟ್ ಗಳು ಮಾರಾಟವಾಗಿವೆ.
ಇದನ್ನೂ ಓದಿ | ಅನಗತ್ಯ ಕರೆಗಳ ಕಿರಿಕಿರಿ: ತಪ್ಪಿಸಲು ಬಂದಿದೆ ಹೊಸ ಐಡಿಯಾ!
ಹೋಲ್ ಪಂಚ್ ಕ್ಯಾಮೆರಾ ಡಿಸೈನ್ ಇರುವ Infinity-O ಡಿಸ್ಪ್ಲೇ ಪ್ಯಾನೆಲ್, Octa-core Snapdragon 675 ಚಿಪ್ ಸೆಟ್, 32 ಮೆಗಾಪಿಕ್ಸೆಲ್ ಪ್ರೈಮರಿ ಕ್ಯಾಮೆರಾ ಜೊತೆ ಟ್ರಿಪಲ್ ಕ್ಯಾಮೆರಾ ಸೆಟ್-ಅಪ್ ಹೊಂದಿದೆ.
Android 9 Pie ಆಪರೇಟಿಂಗ್ ಸಿಸ್ಟಮ್ ಹೊಂದಿರುವ ಈ ಫೋನ್, 6GB RAM ಹಾಗೂ 5000mAh ಬ್ಯಾಟರಿಯನ್ನೊಳಗೊಂಡಿದೆ.
ಸ್ಕ್ರೀನ್ ಸೌಂಡ್ ತಂತ್ರಜ್ಞಾನ ಹೊಂದಿರುವ Samsungನ ಮೊದಲ ಮೊಬೈಲ್ ಇದಾಗಿದೆ. ಅಂದರೆ, ಪರದೆಯಿಂದಲೇ ನೇರವಾಗಿ ಆಡಿಯೋ ವೈಬ್ರೇಷನ್ ಗಳು ಬರುತ್ತವೆ. ಇದೊಂದು ಹೊಸ ಮತ್ತು ವಿಶಿಷ್ಟ ಅನುಭವ ಎಂಬುವುದು ಕಂಪನಿಯ ಅಂಬೋಣ.
Amazon ಮತ್ತು Samsung ಆನ್ಲೈನ್ ಸ್ಟೋರ್ಗಳಲ್ಲಿ ಫೋನ್ ಮಾರಾಟ ಜೂನ್ ತಿಂಗಳಿನಲ್ಲಿ ಆರಂಭವಾಗಲಿದೆ. ಅಂದಹಾಗೆ, ಕಂಪನಿಯ ಪ್ರಕಾರ ಈ ಹೊಸ ಫೋನ್ ಬೆಲೆ ₹20,000 ರಿಂದ ಆರಂಭವಾಗಲಿದೆ.
ಇದನ್ನೂ ಓದಿ | ನಿಮಗಿಷ್ಟವಾಗುತ್ತೋ ಇಲ್ವೋ... WhatsAppನಲ್ಲಿ ಹೊಸ ಫೀಚರ್ ಬರೋದು ಪಕ್ಕಾ!
ಸ್ಮಾರ್ಟ್ಫೋನ್ಗಳು ಮತ್ತು AI ನಿಂದ ಸೈಬರ್ ಭದ್ರತೆ ಮತ್ತು ವಿಜ್ಞಾನದ ಪ್ರಗತಿಯವರೆಗೆ ಇತ್ತೀಚಿನ ಟೆಕ್ನಾಲಜಿ (Technology News in Kannada) ಬಗ್ಗೆ ನಿರಂತರವಾದ ಅಪ್ಡೇಟ್. ಡಿಜಿಟಲ್ ಟ್ರೆಂಡ್ಗಳ ಕುರಿತು ತಜ್ಞರ ಮಾತುಗಳು, ವಿವರವಾದ ಮಾಹಿತಿ ಮತ್ತು ಬ್ರೇಕಿಂಗ್ ನ್ಯೂಸ್ ಸಿಗುವ ಏಕೈಕ ತಾಣ ಏಷ್ಯಾನೆಟ್ ಸುವರ್ಣ ನ್ಯೂಸ್. ಹೊಸ ಗ್ಯಾಜೆಟ್ ರಿಲೀಸ್ ಆಯ್ತಾ? ಹೊಸ ಸ್ಟಾರ್ಟ್ಅಪ್ಗಳು ಬಂದಿದ್ಯಾ? ಭವಿಷ್ಯವನ್ನು ಬದಲಿಸುವ ಟೆಕ್ ಪಾಲಿಸಿ ಯಾವುದು? ಇವುಗಳ ಇಂಚಿಂಚೂ ಮಾಹಿತಿ ಸಿಗಲಿದೆ. ಟೆಕ್ ಎಕ್ಸ್ಪ್ಲೇನರ್ಸ್ ಹಾಗೂ ಗ್ಯಾಜೆಟ್ ಡೆಮೋ ವಿಡಿಯೋಗಳು ಕೂಡ ನೀವು ಕಾಣಬಹುದು.