
ಬೆಂಗಳೂರು: ಜೂನ್ ತಿಂಗಳು ಪೂರ್ತಿ ಎಲ್ಲ ಜಿಯೋ ಗ್ರಾಹಕರಿಗೂ ದುಪ್ಪಟ್ಟು ಡೇಟಾ (ಪ್ರತಿದಿನ 3 ಜಿಬಿ), ಜೊತೆಗೆ ರೂ. 399 ಪ್ಲಾನ್ ಮೇಲೆ ರೂ. 100 ರಿಯಾಯಿತಿ ಸಿಗಲಿದೆ.
ಜಿಯೋ ತನ್ನ ಸೇವೆ ಪ್ರಾರಂಭಿಸುವ ಸಂದರ್ಭದಲ್ಲಿ ನೀಡಿದ 'ಪ್ರತಿದಿನ ಹೆಚ್ಚು ಮೌಲ್ಯ' (ಎವೆರಿಡೇ ಮೋರ್ ವ್ಯಾಲ್ಯೂ, ಇಡಿಎಂವಿ) ವಾಗ್ದಾನವನ್ನು ಮುಂದುವರೆಸಿದೆ. ಎಲ್ಲ ಜಿಯೋ ಗ್ರಾಹಕರೂ ಸದಾಕಾಲ ಅತ್ಯುತ್ತಮ ಟ್ಯಾರಿಫ್ಗಳನ್ನು ಪಡೆಯುತ್ತಾರೆ. ಇತರ ಮೊಬೈಲ್ ಸೇವೆಗಳ ಹೋಲಿಕೆಯಲ್ಲಿ ಜಿಯೋ ಗ್ರಾಹಕರು ಯಾವಾಗಲೂ ಹೆಚ್ಚುವರಿ ಸವಲತ್ತುಗಳನ್ನು ಪಡೆಯುವುದನ್ನು ಇಡಿಎಂವಿ ವಾಗ್ದಾನ ಖಾತರಿಪಡಿಸುತ್ತದೆ, ಎಂದು ಜಿಯೋ ಪ್ರಕಟಣೆ ತಿಳಿಸಿದೆ.
ಯಾವುದೇ ಡೇಲಿ-ರಿಕರಿಂಗ್ ಡೇಟಾ ಪ್ಯಾಕ್ನೊಡನೆ ರೀಚಾರ್ಜ್ ಮಾಡುವ ತನ್ನ ಎಲ್ಲ ಗ್ರಾಹಕರಿಗೂ ಜಿಯೋ ಪ್ರತಿ ದಿನ 1.5 ಜಿಬಿ ಹೆಚ್ಚುವರಿ 4ಜಿ ಡೇಟಾ ನೀಡಲಿದೆ.
1. ಪ್ರತಿದಿನ 1.5 ಜಿಬಿ ಡೇಟಾ ಪ್ಯಾಕ್ ಬಳಕೆದಾರರು - ರೂ. 149, ರೂ. 349, ರೂ. 399 ಹಾಗೂ ರೂ. 449 ಪ್ಲಾನುಗಳಲ್ಲಿ ಇದೀಗ ಪ್ರತಿದಿನ 3 ಜಿಬಿ ಡೇಟಾ ಪಡೆಯಲಿದ್ದಾರೆ.
2. ಪ್ರತಿದಿನ 2 ಜಿಬಿ ಡೇಟಾ ಪ್ಯಾಕ್ ಬಳಕೆದಾರರು - ರೂ. 198, ರೂ. 398, ರೂ. 448 ಹಾಗೂ ರೂ. 498 ಪ್ಲಾನುಗಳಲ್ಲಿ ಇದೀಗ ಪ್ರತಿದಿನ 3.5 ಜಿಬಿ ಡೇಟಾ ಪಡೆಯಲಿದ್ದಾರೆ.
3. ಪ್ರತಿದಿನ 3 ಜಿಬಿ ಡೇಟಾ ಪ್ಯಾಕ್ ಬಳಕೆದಾರರು - ರೂ. 299 ಪ್ಲಾನಿನಲ್ಲಿ ಇದೀಗ ಪ್ರತಿದಿನ 4.5 ಜಿಬಿ ಡೇಟಾ ಪಡೆಯಲಿದ್ದಾರೆ.
4. ಪ್ರತಿದಿನ 4 ಜಿಬಿ ಡೇಟಾ ಪ್ಯಾಕ್ ಬಳಕೆದಾರರು - ರೂ. 509 ಪ್ಲಾನಿನಲ್ಲಿ ಇದೀಗ ಪ್ರತಿದಿನ 5.5 ಜಿಬಿ ಡೇಟಾ ಪಡೆಯಲಿದ್ದಾರೆ.
5. ಪ್ರತಿದಿನ 5 ಜಿಬಿ ಡೇಟಾ ಪ್ಯಾಕ್ ಬಳಕೆದಾರರು - ರೂ. 799 ಪ್ಲಾನಿನಲ್ಲಿ ಇದೀಗ ಪ್ರತಿದಿನ 6.5 ಜಿಬಿ ಡೇಟಾ ಪಡೆಯಲಿದ್ದಾರೆ.
ಇಷ್ಟೇ ಅಲ್ಲದೆ, ಮೈಜಿಯೋ ಆಪ್ಲಿಕೇಶನ್ ಬಳಸಿ ಫೋನ್ಪೇ ಮೂಲಕ ಪಾವತಿಸಲಾದ ರೂ. 300 ಮೇಲ್ಪಟ್ಟ ಎಲ್ಲ ರೀಚಾರ್ಜ್ಗಳಿಗೆ ರೂ. 100 ರಿಯಾಯಿತಿಯನ್ನೂ ರೂ. 300ವರೆಗಿನ ರೀಚಾರ್ಜ್ಗಳಿಗೆ 20% ರಿಯಾಯಿತಿಯನ್ನೂ ಜಿಯೋ ನೀಡುತ್ತಿದೆ.
ಇದರೊಡನೆ, ಜಿಯೋ ಗ್ರಾಹಕರು, 28 ದಿನಗಳವರೆಗೆ ಪ್ರತಿದಿನ 3 ಜಿಬಿ ಡೇಟಾ, ಉಚಿತ ಕರೆಗಳು, ಎಸ್ಸೆಮ್ಮೆಸ್ ಹಾಗೂ ಜಿಯೋ ಆಪ್ಸ್ ನೀಡುವ ರೂ. 149 ಪ್ಯಾಕ್ ಅನ್ನು ರೂ. 120 ವಾಸ್ತವಿಕ ಬೆಲೆಗೆ ಪಡೆಯಲಿದ್ದಾರೆ.
84 ದಿನಗಳವರೆಗೆ ಪ್ರತಿದಿನ 3 ಜಿಬಿ ಡೇಟಾ, ಉಚಿತ ಕರೆಗಳು, ಎಸ್ಸೆಮ್ಮೆಸ್ ಹಾಗೂ ಜಿಯೋ ಆಪ್ಸ್ ನೀಡುವ ರೂ. 399 ಪ್ಯಾಕ್'ನ್ನು ರೂ. 299 ವಾಸ್ತವಿಕ ಬೆಲೆಗೆ ಪಡೆಯಲಿದ್ದಾರೆ.
ಈ ಹೆಚ್ಚುವರಿ ಡೇಟಾ ಕೊಡುಗೆಯು ಜೂನ್ 12ರ ಸಂಜೆ 4 ಗಂಟೆಯ ನಂತರ ಪ್ರಾರಂಭವಾಗಿ ಜೂನ್ 30, 2018ರವರೆಗೆ ಲಭ್ಯವಿರಲಿದೆ.
ಸ್ಮಾರ್ಟ್ಫೋನ್ಗಳು ಮತ್ತು AI ನಿಂದ ಸೈಬರ್ ಭದ್ರತೆ ಮತ್ತು ವಿಜ್ಞಾನದ ಪ್ರಗತಿಯವರೆಗೆ ಇತ್ತೀಚಿನ ಟೆಕ್ನಾಲಜಿ (Technology News in Kannada) ಬಗ್ಗೆ ನಿರಂತರವಾದ ಅಪ್ಡೇಟ್. ಡಿಜಿಟಲ್ ಟ್ರೆಂಡ್ಗಳ ಕುರಿತು ತಜ್ಞರ ಮಾತುಗಳು, ವಿವರವಾದ ಮಾಹಿತಿ ಮತ್ತು ಬ್ರೇಕಿಂಗ್ ನ್ಯೂಸ್ ಸಿಗುವ ಏಕೈಕ ತಾಣ ಏಷ್ಯಾನೆಟ್ ಸುವರ್ಣ ನ್ಯೂಸ್. ಹೊಸ ಗ್ಯಾಜೆಟ್ ರಿಲೀಸ್ ಆಯ್ತಾ? ಹೊಸ ಸ್ಟಾರ್ಟ್ಅಪ್ಗಳು ಬಂದಿದ್ಯಾ? ಭವಿಷ್ಯವನ್ನು ಬದಲಿಸುವ ಟೆಕ್ ಪಾಲಿಸಿ ಯಾವುದು? ಇವುಗಳ ಇಂಚಿಂಚೂ ಮಾಹಿತಿ ಸಿಗಲಿದೆ. ಟೆಕ್ ಎಕ್ಸ್ಪ್ಲೇನರ್ಸ್ ಹಾಗೂ ಗ್ಯಾಜೆಟ್ ಡೆಮೋ ವಿಡಿಯೋಗಳು ಕೂಡ ನೀವು ಕಾಣಬಹುದು.