5Gಗಿಂತಲೂ 10 ಪಟ್ಟು ಡೇಟಾ ಸ್ಪೀಡ್ ಇರುವ ಹೊಸ ತಂತ್ರಜ್ಞಾನ
ಸಾರಾಂಶ
290-450 ಗೀಗಾಹರ್ಟ್ಜ್ ತರಂಗಾಂತರದಲ್ಲಿ ಟೆರಾಹರ್ಟ್ಸ್ ಟ್ರಾನ್ಸ್'ಮಿಟರ್ ಮೂಲಕ ಸಂಶೋಧಕರು ಸೆಕೆಂಡ್'ಗೆ 105 ಜಿಬಿ ಡೇಟಾ ಟ್ರಾನ್ಸ್'ಫರ್ ಮಾಡುವಲ್ಲಿ ಯಶಸ್ವಿಯಾಗಿದ್ದಾರೆ.
ನವದೆಹಲಿ(ಫೆ. 06): 4G ತಂತ್ರಜ್ಞಾನದ ಭರಾಟೆಯಲ್ಲಿರುವ ನಮಗೆ ಈಗ ಬೆಕ್ಕಸ ಬೆರಗಾಗಿಸುವ ಸುದ್ದಿಯೊಂದು ಬಂದಿದೆ. ಪ್ರತೀ ಸೆಕೆಂಡ್'ಗೆ ಬರೋಬ್ಬರಿ 100 ಗೀಗಾಬಿಟ್ಸ್'ನಷ್ಟು ಡೇಟಾ ರವಾನೆ ಮಾಡುವ ತಂತ್ರಜ್ಞಾನವೊಂದನ್ನು ವಿಜ್ಞಾನಿಗಳು ಆವಿಷ್ಕರಿಸಿದ್ದಾರೆ. ಇದು 4G ಬಿಡಿ, ಭವಿಷ್ಯದ 5G ತಂತ್ರಜ್ಞಾನದಕ್ಕಿಂತಲೂ 10 ಪಟ್ಟು ಹೆಚ್ಚು ವೇಗದ ಡೇಟಾ ಸ್ಪೀಡ್ ಆಗಿದೆ. ಈ ವೈರ್'ಲೆಸ್ ಟೆರಾಹರ್ಟ್ಸ್ ಟ್ರಾನ್ಸ್'ಮಿಟರ್'ನಿಂದ ಒಂದು ಡಿವಿಡಿಯಲ್ಲಿರುವ ಸಂಪೂರ್ಣ ಡೇಟಾವನ್ನು ಒಂದೇ ಸೆಕೆಂಡ್'ನಲ್ಲಿ ಟ್ರಾನ್ಸ್'ಫರ್ ಮಾಡಬಹುದು.
ಲ್ಯಾಬ್'ವೊಂದರಲ್ಲಿ ಇಂಥದ್ದೊಂದು ಪ್ರಯೋಗ ನಡೆದಿದೆ. 290-450 ಗೀಗಾಹರ್ಟ್ಜ್ ತರಂಗಾಂತರದಲ್ಲಿ ಟೆರಾಹರ್ಟ್ಸ್ ಟ್ರಾನ್ಸ್'ಮಿಟರ್ ಮೂಲಕ ಸಂಶೋಧಕರು ಸೆಕೆಂಡ್'ಗೆ 105 ಜಿಬಿ ಡೇಟಾ ಟ್ರಾನ್ಸ್'ಫರ್ ಮಾಡುವಲ್ಲಿ ಯಶಸ್ವಿಯಾಗಿದ್ದಾರೆ.
ಅಮೆರಿಕದ ಸ್ಯಾನ್ ಫ್ರಾನ್ಸಿಸ್ಕೋದಲ್ಲಿ ಫೆಬ್ರವರಿ 5-9ರಂದು ನಡೆಯಲಿರುವ ಇಂಟರ್ನ್ಯಾಷನಲ್ ಸಾಲಿಟ್-ಸ್ಟೇಟ್ ಸರ್ಕ್ಯೂಟ್ಸ್ ಕಾನ್ಫೆರೆನ್ಸ್ (ಐಎಸ್'ಎಸ್'ಸಿಸಿ) 2017 ಎಂಬ ಸಮ್ಮೇಳನದಲ್ಲಿ ಟೆರಾಹರ್ಟ್ಜ್ ಟ್ರಾನ್ಸ್'ಮಿಟರ್ ಕುರಿತ ಸಂಶೋಧನೆಯನ್ನು ಪ್ರಸ್ತುತಪಡಿಸುವ ಸಾಧ್ಯತೆ ಇದೆ.
ಸ್ಮಾರ್ಟ್ಫೋನ್ಗಳು ಮತ್ತು AI ನಿಂದ ಸೈಬರ್ ಭದ್ರತೆ ಮತ್ತು ವಿಜ್ಞಾನದ ಪ್ರಗತಿಯವರೆಗೆ ಇತ್ತೀಚಿನ ಟೆಕ್ನಾಲಜಿ (Technology News in Kannada) ಬಗ್ಗೆ ನಿರಂತರವಾದ ಅಪ್ಡೇಟ್. ಡಿಜಿಟಲ್ ಟ್ರೆಂಡ್ಗಳ ಕುರಿತು ತಜ್ಞರ ಮಾತುಗಳು, ವಿವರವಾದ ಮಾಹಿತಿ ಮತ್ತು ಬ್ರೇಕಿಂಗ್ ನ್ಯೂಸ್ ಸಿಗುವ ಏಕೈಕ ತಾಣ ಏಷ್ಯಾನೆಟ್ ಸುವರ್ಣ ನ್ಯೂಸ್. ಹೊಸ ಗ್ಯಾಜೆಟ್ ರಿಲೀಸ್ ಆಯ್ತಾ? ಹೊಸ ಸ್ಟಾರ್ಟ್ಅಪ್ಗಳು ಬಂದಿದ್ಯಾ? ಭವಿಷ್ಯವನ್ನು ಬದಲಿಸುವ ಟೆಕ್ ಪಾಲಿಸಿ ಯಾವುದು? ಇವುಗಳ ಇಂಚಿಂಚೂ ಮಾಹಿತಿ ಸಿಗಲಿದೆ. ಟೆಕ್ ಎಕ್ಸ್ಪ್ಲೇನರ್ಸ್ ಹಾಗೂ ಗ್ಯಾಜೆಟ್ ಡೆಮೋ ವಿಡಿಯೋಗಳು ಕೂಡ ನೀವು ಕಾಣಬಹುದು.