ಸಿಕ್ತೊಂದು ಸೂಪರ್ ಅರ್ಥ್: ಸಾಧ್ಯವೇ ಜೀವಿಗಳ ಬರ್ತ್?
ಸಾರಾಂಶ
ಭೂಮಿಯ ಅತ್ಯಂತ ಸಮೀಪದಲ್ಲೇ ಇದೆ ಭುಮಿಯನ್ನು ಹೋಲು ಗ್ರಹ| ಭೂಮಿಯಿಂದ ಕೇವಲ 31 ಜ್ಯೋತಿವರ್ಷ ದೂರದಲ್ಲಿದೆ GJ 357 d ಗ್ರಹ| ಗಾತ್ರದಲ್ಲಿ GJ 357 d ಗ್ರಹ ಭೂಮಿಗಿಂತ 6 ಪಟ್ಟು ದೊಡ್ಡದು| ಹೈಡ್ರಾ ನಕ್ಷತ್ರಪುಂಜದಲ್ಲಿರುವ ಕುಬ್ಜ ನಕ್ಷತ್ರವೊಂದನ್ನು ಸುತ್ತುತ್ತಿರುವ GJ 357 d ಗ್ರಹ| ನಕ್ಷತ್ರದಿಂದ ಇರುವ ದೂರದ ಪರಿಣಾಮವಾಗಿ ವಾಸಯೋಗ್ಯ ಪ್ರದೇಶ| GJ 357 d ಗ್ರಹದಲ್ಲಿ ನೀರು ಇರುವ ಸಾಧ್ಯತೆ|
ವಾಷಿಂಗ್ಟನ್(ಆ.03): ಸೌರಮಂಡಲದಾಚೆಗಿನ ಗ್ರಹಗಳನ್ನು ಪತ್ತೆ ಹಚ್ಚುವಲ್ಲಿ ನಿರತವಾಗಿರುವ ನಾಸಾದ TESS ಟೆಲಿಸ್ಕೋಪ್, ಭೂಮಿಯನ್ನು ಹೋಲುವ ಆದರೆ ಭೂಮಿಗಿಂತ 6 ಪಟ್ಟು ದೊಡ್ಡದಾದ ಗ್ರಹವೊಂದನ್ನು ಪತ್ತೆ ಹಚ್ಚಿದೆ.
ಭೂಮಿಯಿಂದ ಕೇವಲ 31 ಜ್ಯೋತಿವರ್ಷ ದೂರದಲ್ಲಿರುವ GJ 357 d ಗ್ರಹ, ಗಾತ್ರದಲ್ಲಿ ಭೂಮಿಗಿಂತ 6 ಪಟ್ಟು ದೊಡ್ಡದಿದೆ ಎಂದು ನಾಸಾ ತಿಳಿಸಿದೆ. ಹೈಡ್ರಾ ನಕ್ಷತ್ರಪುಂಜದಲ್ಲಿರುವ ಕುಬ್ಜ ನಕ್ಷತ್ರವೊಂದನ್ನು ಸುತ್ತುತ್ತಿರುವ GJ 357 d ಗ್ರಹ, ತನ್ನ ಮಾತೃ ನಕ್ಷತ್ರದಿಂದ ಇರುವ ದೂರದ ಪರಿಣಾಮವಾಗಿ ವಾಸಯೋಗ್ಯ ಪ್ರದೇಶವಾಗಿದೆ ಎಂದು ವಿಜ್ಞಾನಿಗಳು ತಿಳಿಸಿದ್ದಾರೆ.
GJ 357 d ಗ್ರಹದಲ್ಲಿ ನೀರು ಇರುವ ಸಾಧ್ಯತೆ ದಟ್ಟವಾಗಿದ್ದು, ಭೂಮಿಗೆ ಇಷ್ಟು ಹತ್ತಿರದಲ್ಲಿ ಭೂಮಿಯನ್ನೇ ಹೋಲುವ ಮತ್ತೊಂದು ಗ್ರಹ ಇರುವುದು ನಿಜಕ್ಕೂ ಆಶ್ವರ್ಯವನ್ನುಂಟು ಮಾಡಿದೆ ಎಂದು ಕಾರ್ಲ್ ಸೆಗಾನ್ ಇನ್ಸಿಟ್ಯೂಟ್’ನ ಲಿಸಾ ಕಲ್ಟೆನೆಗ್ಗರ್ ಹೇಳಿದ್ದಾರೆ.
GJ 357 d ಗ್ರಹ -53 ಡಿಗ್ರಿ ಸೆಲ್ಸಿಯಸ್ ನಷ್ಟು ಮೇಲ್ಮೈ ವಾತಾವರಣ ಹೊಂದಿದ್ದು, ಮೇಲ್ಮೈ ಭೂಪ್ರದೇಶದಲ್ಲಿ ನೀರು ದ್ರವರೂಪದಲ್ಲೇ ಇರುವ ಸಾಧ್ಯತೆ ಹೆಚ್ಚು ಎಂದು ವಿಜ್ಞಾನಿಗಳು ಅಂದಾಜಿಸಿದ್ದಾರೆ.
ಸ್ಮಾರ್ಟ್ಫೋನ್ಗಳು ಮತ್ತು AI ನಿಂದ ಸೈಬರ್ ಭದ್ರತೆ ಮತ್ತು ವಿಜ್ಞಾನದ ಪ್ರಗತಿಯವರೆಗೆ ಇತ್ತೀಚಿನ ಟೆಕ್ನಾಲಜಿ (Technology News in Kannada) ಬಗ್ಗೆ ನಿರಂತರವಾದ ಅಪ್ಡೇಟ್. ಡಿಜಿಟಲ್ ಟ್ರೆಂಡ್ಗಳ ಕುರಿತು ತಜ್ಞರ ಮಾತುಗಳು, ವಿವರವಾದ ಮಾಹಿತಿ ಮತ್ತು ಬ್ರೇಕಿಂಗ್ ನ್ಯೂಸ್ ಸಿಗುವ ಏಕೈಕ ತಾಣ ಏಷ್ಯಾನೆಟ್ ಸುವರ್ಣ ನ್ಯೂಸ್. ಹೊಸ ಗ್ಯಾಜೆಟ್ ರಿಲೀಸ್ ಆಯ್ತಾ? ಹೊಸ ಸ್ಟಾರ್ಟ್ಅಪ್ಗಳು ಬಂದಿದ್ಯಾ? ಭವಿಷ್ಯವನ್ನು ಬದಲಿಸುವ ಟೆಕ್ ಪಾಲಿಸಿ ಯಾವುದು? ಇವುಗಳ ಇಂಚಿಂಚೂ ಮಾಹಿತಿ ಸಿಗಲಿದೆ. ಟೆಕ್ ಎಕ್ಸ್ಪ್ಲೇನರ್ಸ್ ಹಾಗೂ ಗ್ಯಾಜೆಟ್ ಡೆಮೋ ವಿಡಿಯೋಗಳು ಕೂಡ ನೀವು ಕಾಣಬಹುದು.