iPhone 17 Pro Price Leaked: ಟೆಕ್ ಜಗತ್ತಿನಲ್ಲಿ ಸಂಚಲನ, ಬಿಡುಗಡೆಗೆ ಮುನ್ನವೇ ಐಫೋನ್ 17 ಪ್ರೊ ಬೆಲೆ ಸೋರಿಕೆ, ಎಲ್ಲಾ ಮಾದರಿಯ ಸಂಭಾವ್ಯ ಬೆಲೆ ತಿಳಿಯಿರಿ
ಸಾರಾಂಶ
ಆಪಲ್ನ ಐಫೋನ್ 17 ಸರಣಿಯ ಬೆಲೆಗಳು ಸೋರಿಕೆಯಾಗಿವೆ. ಐಫೋನ್ 17, 17 ಏರ್, 17 ಪ್ರೊ ಮತ್ತು 17 ಪ್ರೊ ಮ್ಯಾಕ್ಸ್ ಮಾದರಿಗಳು ಬಿಡುಗಡೆಯಾಗಲಿವೆ. ಸ್ಯಾಮ್ಸಂಗ್ ಗ್ಯಾಲಕ್ಸಿ S25 ಅಲ್ಟ್ರಾ ಜೊತೆಗೆ ಪೈಪೋಟಿ ನೀಡಲಿದೆ.
ಆಪಲ್ನ ಐಫೋನ್ 17 ಸರಣಿಯ ಬಿಡುಗಡೆಗೂ ಮುನ್ನವೇ ಅದರ ಬೆಲೆಗಳು ಅಂತರ್ಜಾಲದಲ್ಲಿ ಸೋರಿಕೆಯಾಗಿವೆ, ಇದು ಟೆಕ್ ಜಗತ್ತಿನಲ್ಲಿ ಸಂಚಲನ ಮೂಡಿಸಿದೆ! ಈ ಬಾರಿ ಆಪಲ್ ಐಫೋನ್ 17, ಐಫೋನ್ 17 ಏರ್, ಐಫೋನ್ 17 ಪ್ರೊ, ಮತ್ತು ಐಫೋನ್ 17 ಪ್ರೊ ಮ್ಯಾಕ್ಸ್ ಸೇರಿದಂತೆ ನಾಲ್ಕು ಮಾದರಿಗಳನ್ನು ಪರಿಚಯಿಸಲಿದೆ. ವಿಶೇಷವಾಗಿ, ಪ್ಲಸ್ ಮಾದರಿಯ ಬದಲಿಗೆ ಹೊಸ 'ಏರ್' ಮಾದರಿಯನ್ನು ಸೇರಿಸಲಾಗಿದೆ. ಭಾರತದಲ್ಲಿಯೂ ಈ ಫೋನ್ಗಳ ಉತ್ಪಾದನೆ ಆರಂಭವಾಗಿದೆ ಎಂಬ ವರದಿಗಳಿವೆ.
ಸಂಭಾವ್ಯ ಬೆಲೆಗಳು ಕೆಳಗಿನಂತಿವೆ:
- ಐಫೋನ್ 17: ಆರಂಭಿಕ ಬೆಲೆ ₹79,900
- ಐಫೋನ್ 17 ಏರ್: ಸುಮಾರು ₹95,000
- ಐಫೋನ್ 17 ಪ್ರೊ: ₹1,45,000 ರಿಂದ (256GB, 512GB, 1TB ರೂಪಾಂತರಗಳಲ್ಲಿ ಲಭ್ಯ)
- ಐಫೋನ್ 17 ಪ್ರೊ ಮ್ಯಾಕ್ಸ್: ₹1,60,000 ರಿಂದ
ಐಫೋನ್ 17 ಪ್ರೊನ ವಿಶೇಷತೆಗಳು: ಬಣ್ಣಗಳು: ಕಪ್ಪು, ಗಾಢ ನೀಲಿ, ಕಿತ್ತಳೆ, ಬೆಳ್ಳಿ, ನೇರಳೆ ಬಣ್ಣದಲ್ಲಿರಲಿವೆ.
ಕ್ಯಾಮೆರಾ: ಹೊಸ ಟ್ರಿಪಲ್-ಕ್ಯಾಮೆರಾ ಸೆಟಪ್ ಜೊತೆಗೆ ಆಯತಾಕಾರದ ಮಾಡ್ಯೂಲ್(Rectangular module), ಎಲ್ಇಡಿ ಫ್ಲ್ಯಾಷ್, ಲಿಡಾರ್ ಸಂವೇದಕ, ಮತ್ತು ಮೈಕ್ರೊಫೋನ್ ಇರಲಿದೆ.
ವಿನ್ಯಾಸ: ಐಫೋನ್ 11 ಪ್ರೊ ನಂತರ ಮೊದಲ ಬಾರಿಗೆ ಕ್ಯಾಮೆರಾ ವಿನ್ಯಾಸದಲ್ಲಿ ದೊಡ್ಡ ಬದಲಾವಣೆಯಾಗಿದೆ.
ವೈಶಿಷ್ಟ್ಯಗಳು: A19 ಪ್ರೊ ಚಿಪ್ಸೆಟ್, OLED ಡಿಸ್ಪ್ಲೇ, 12GB RAM, ದೊಡ್ಡ ಬ್ಯಾಟರಿ
ಐಫೋನ್ 17 ಏರ್: ಕೇವಲ 5.6mm, ಆಪಲ್ನ ಅತ್ಯಂತ ತೆಳುವಾದ ಫೋನ್, ಭೌತಿಕ ಸಿಮ್ ಸ್ಲಾಟ್ ಮತ್ತು ಚಾರ್ಜಿಂಗ್ ಪೋರ್ಟ್ ಇಲ್ಲ; eSIM ಮತ್ತು ವೈರ್ಲೆಸ್ ಚಾರ್ಜಿಂಗ್ ಬೆಂಬಲ.
ಯಾವಾಗ ಬಿಡುಗಡೆ?
ಸೆಪ್ಟೆಂಬರ್ 8-12, 2025 ರ ನಡುವೆ ನಿರೀಕ್ಷಿತ
ಸ್ಯಾಮ್ಸಂಗ್ ಗ್ಯಾಲಕ್ಸಿ S25 ಅಲ್ಟ್ರಾ ತೀವ್ರ ಪೈಪೋಟಿ:
ಐಫೋನ್ 17 ಸರಣಿಯು ಸ್ಯಾಮ್ಸಂಗ್ ಗ್ಯಾಲಕ್ಸಿ S25 ಅಲ್ಟ್ರಾಕ್ಕೆ ತೀವ್ರ ಪೈಪೋಟಿ ನೀಡಲಿದೆ. S25 ಅಲ್ಟ್ರಾದಲ್ಲಿ 6.9-ಇಂಚಿನ ಕ್ವಾಡ್ HD+ 2x ಡೈನಾಮಿಕ್ AMOLED ಡಿಸ್ಪ್ಲೇ (120Hz), ಕ್ವಾಲ್ಕಾಮ್ ಸ್ನಾಪ್ಡ್ರಾಗನ್ 8 ಎಲೈಟ್ SoC, 200MP ಪ್ರಾಥಮಿಕ ಕ್ಯಾಮೆರಾ, 50MP ಟೆಲಿಫೋಟೋ (5x ಜೂಮ್), 10MP 3x ಟೆಲಿಫೋಟೋ, 50MP ಅಲ್ಟ್ರಾವೈಡ್, ಮತ್ತು 12MP ಸೆಲ್ಫಿ ಕ್ಯಾಮೆರಾ ಇದೆ. ಇದರ 5000mAh ಬ್ಯಾಟರಿ 45W ವೇಗದ ಚಾರ್ಜಿಂಗ್ ಬೆಂಬಲಿಸುತ್ತದೆ. ಆರಂಭಿಕ ಬೆಲೆ: ₹1,12,300. ಬಣ್ಣಗಳು: ಟೈಟಾನಿಯಂ ಗ್ರೇ, ಬ್ಲಾಕ್, ವೈಟ್ ಸಿಲ್ವರ್, ಜೇಡ್ ಗ್ರೀನ್.
ಆಪಲ್ನ ಐಫೋನ್ 17 ಸರಣಿಯು ತನ್ನ ಆಧುನಿಕ ವೈಶಿಷ್ಟ್ಯಗಳು ಮತ್ತು ಪ್ರೀಮಿಯಂ ವಿನ್ಯಾಸದೊಂದಿಗೆ ಸ್ಮಾರ್ಟ್ಫೋನ್ ಮಾರುಕಟ್ಟೆಯಲ್ಲಿ ಮತ್ತೊಮ್ಮೆ ಆಧಿಪತ್ಯ ಸಾಧಿಸಲು ಸಿದ್ಧವಾಗಿದೆ!
ಸ್ಮಾರ್ಟ್ಫೋನ್ಗಳು ಮತ್ತು AI ನಿಂದ ಸೈಬರ್ ಭದ್ರತೆ ಮತ್ತು ವಿಜ್ಞಾನದ ಪ್ರಗತಿಯವರೆಗೆ ಇತ್ತೀಚಿನ ಟೆಕ್ನಾಲಜಿ (Technology News in Kannada) ಬಗ್ಗೆ ನಿರಂತರವಾದ ಅಪ್ಡೇಟ್. ಡಿಜಿಟಲ್ ಟ್ರೆಂಡ್ಗಳ ಕುರಿತು ತಜ್ಞರ ಮಾತುಗಳು, ವಿವರವಾದ ಮಾಹಿತಿ ಮತ್ತು ಬ್ರೇಕಿಂಗ್ ನ್ಯೂಸ್ ಸಿಗುವ ಏಕೈಕ ತಾಣ ಏಷ್ಯಾನೆಟ್ ಸುವರ್ಣ ನ್ಯೂಸ್. ಹೊಸ ಗ್ಯಾಜೆಟ್ ರಿಲೀಸ್ ಆಯ್ತಾ? ಹೊಸ ಸ್ಟಾರ್ಟ್ಅಪ್ಗಳು ಬಂದಿದ್ಯಾ? ಭವಿಷ್ಯವನ್ನು ಬದಲಿಸುವ ಟೆಕ್ ಪಾಲಿಸಿ ಯಾವುದು? ಇವುಗಳ ಇಂಚಿಂಚೂ ಮಾಹಿತಿ ಸಿಗಲಿದೆ. ಟೆಕ್ ಎಕ್ಸ್ಪ್ಲೇನರ್ಸ್ ಹಾಗೂ ಗ್ಯಾಜೆಟ್ ಡೆಮೋ ವಿಡಿಯೋಗಳು ಕೂಡ ನೀವು ಕಾಣಬಹುದು.