ವಾಟ್ಸಪ್ ಮತ್ತು ಇನ್ಸ್ಟಾಗ್ರಾಮ್ಗೆ ಇನ್ಮುಂದೆ ಹೊಸ ಹೆಸರು!
ಸಾರಾಂಶ
ಫೇಸ್ಬುಕ್ ಒಡೆತನದ ವಾಟ್ಸಪ್ ಮತ್ತು ಇನ್ಸ್ಟಾಗ್ರಾಮ್; ಒಂದು ಬಿಲಿಯನ್ಕ್ಕಿಂತಲೂ ಹೆಚ್ಚು ಬಳಕೆದಾರರನ್ನು ಹೊಂದಿರುವ ವಾಟ್ಸಪ್ ಮತ್ತು ಇನ್ಸ್ಟಾಗ್ರಾಮ್; ಫೇಸ್ಬುಕ್ನಿಂದ ಹೊಸ ಹೆಸರು
ಜನಪ್ರಿಯ ಸೋಶಿಯಲ್ ಮೀಡಿಯಾ ತಾಣ ಫೇಸ್ಬುಕ್ ತನ್ನ ಒಡೆತನದಲ್ಲಿರುವ ವಾಟ್ಸಪ್ ಮತ್ತು ಇನ್ಸ್ಟಾಗ್ರಾಮ್ ಹೆಸರುಗಳನ್ನು ಬದಲಾಯಿಸಲು ಹೊರಟಿದೆ.
ರೀ-ಬ್ರ್ಯಾಂಡಿಗ್ ಯೋಜನೆಯನ್ವಯ ಇನ್ಮುಂದೆ ವಾಟ್ಸಪ್ ಮತ್ತು ಇನ್ಸ್ಟಾಗ್ರಾಮ್ ಹೆಸರು "WhatsApp from Facebook" and "Instagram from Facebook" ಎಂದಾಗಿರಲಿದೆ.
ಈ ಬದಲಾವಣೆ ಮೂಲಕ ಆ ಮೂರು ಆ್ಯಪ್ಗಳನ್ನು ಒಂದೇ ಸೂರಿನಡಿ ತರುವ ಯೊಜನೆ ಫೇಸ್ಬುಕ್ ಹೊಂದಿದೆ ಎಂದು ಹೇಳಲಾಗಿದೆ. ವಾಟ್ಸಪ್ ಮತ್ತು ಇನ್ಸ್ಟಾಗ್ರಾಮನ್ನು ಫೇಸ್ಬುಕ್ ಖರೀದಿಸಿದೆಯಾದರೂ, ಅವುಗಳು ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಾ ಬಂದಿವೆ.
ಇದನ್ನೂ ಓದಿ | ಜನಪ್ರಿಯವಾಗುತ್ತಿದೆ ಹತ್ತು ಹಲವು ವಿಶೇಷಗಳುಳ್ಳ ಟೆಲಿಗ್ರಾಂ! ಏನಿದರ ಉಪಯೋಗ?
ಹೊಸ ಹೆಸರುಗಳಿಂದಾಗಿ ಆ ಮೂರು ಆ್ಯಪ್ಗಳು ಪರಸ್ಪರ ಸಂಬಂಧ ಹೊಂದಿವೆ ಎಂಬ ವಿಷಯ ಬಳಕೆದಾರರಿಗೆ ಸ್ಪಷ್ಟವಾಗಲಿದೆ. ಇನ್ಮುಂದೆ ಗೂಗಲ್ ಪ್ಲೇ ಸ್ಟೋರ್ನಲ್ಲಿ ಕೂಡಾ ಈ ಹೊಸ ಹೆಸರುಗಳೇ ಕಾಣಿಸಿಕೊಳ್ಳಲಿವೆ.
ಫೇಸ್ಬುಕ್ ಜಗತ್ತಿನಾದ್ಯಂತ 2.41 ಬಿಲಿಯನ್ ಬಳಕೆದಾರರನ್ನು ಹೊಂದಿದ್ದರೆ, ಇನ್ಸ್ಟಾಗ್ರಾಮ್ 1 ಬಿಲಿಯನ್, ವಾಟ್ಸಪ್ 1.5 ಬಿಲಿಯನ್ ಬಳಕೆದಾರರನ್ನು ಹೊಂದಿದೆ.
ಫೋಟೋ ಶೇರಿಂಗ್ ಆ್ಯಪ್ ಇನ್ಸ್ಟಾಗ್ರಾಮನ್ನು ಫೇಸ್ಬುಕ್ 2012ರಲ್ಲಿ ಖರೀದಿಸಿದರೆ, ಇನ್ಸ್ಟಾಂಟ್ ಮೆಸೇಜಿಂಗ್ ಆ್ಯಪ್ ವಾಟ್ಸಪನ್ನು 2014ರಲ್ಲಿ ತನ್ನ ಬುಟ್ಟಿಗೆ ಹಾಕಿಕೊಂಡಿದೆ.
ಸ್ಮಾರ್ಟ್ಫೋನ್ಗಳು ಮತ್ತು AI ನಿಂದ ಸೈಬರ್ ಭದ್ರತೆ ಮತ್ತು ವಿಜ್ಞಾನದ ಪ್ರಗತಿಯವರೆಗೆ ಇತ್ತೀಚಿನ ಟೆಕ್ನಾಲಜಿ (Technology News in Kannada) ಬಗ್ಗೆ ನಿರಂತರವಾದ ಅಪ್ಡೇಟ್. ಡಿಜಿಟಲ್ ಟ್ರೆಂಡ್ಗಳ ಕುರಿತು ತಜ್ಞರ ಮಾತುಗಳು, ವಿವರವಾದ ಮಾಹಿತಿ ಮತ್ತು ಬ್ರೇಕಿಂಗ್ ನ್ಯೂಸ್ ಸಿಗುವ ಏಕೈಕ ತಾಣ ಏಷ್ಯಾನೆಟ್ ಸುವರ್ಣ ನ್ಯೂಸ್. ಹೊಸ ಗ್ಯಾಜೆಟ್ ರಿಲೀಸ್ ಆಯ್ತಾ? ಹೊಸ ಸ್ಟಾರ್ಟ್ಅಪ್ಗಳು ಬಂದಿದ್ಯಾ? ಭವಿಷ್ಯವನ್ನು ಬದಲಿಸುವ ಟೆಕ್ ಪಾಲಿಸಿ ಯಾವುದು? ಇವುಗಳ ಇಂಚಿಂಚೂ ಮಾಹಿತಿ ಸಿಗಲಿದೆ. ಟೆಕ್ ಎಕ್ಸ್ಪ್ಲೇನರ್ಸ್ ಹಾಗೂ ಗ್ಯಾಜೆಟ್ ಡೆಮೋ ವಿಡಿಯೋಗಳು ಕೂಡ ನೀವು ಕಾಣಬಹುದು.