ಗುಡ್ ನ್ಯೂಸ್: ವಾಟ್ಸಪ್ನಂತೆ ಫೇಸ್ಬುಕ್ನಲ್ಲೂ ಬರಲಿದೆ ಈ ಆಪ್ಶನ್!
ಸಾರಾಂಶ
ವಾಟ್ಸಪ್ನಂತೆ ಇನ್ಮುಂದೆ ಫೇಸ್ ಬುಕ್ ಮೆಸೆಂಜರ್ನಲ್ಲಿ ಗ್ರಾಹಕರು ತಾವು ಕಳುಹಿಸಿದ ಮೆಸೇಜ್ಗಳನ್ನು ಡಿಲೀಟ್ ಮಾಡಬಹುದಾಗಿದೆ. ಈ ಫೀಚರ್ ಮುಂಬರುವ ವರ್ಶನ್ನಲ್ಲಿ ಸಿಗಲಿದೆ ಎಂದು ಇತ್ತೀಚೆಗಷ್ಟೇ ಫೇಸ್ಬುಕ್ ಮಾಹಿತಿ ನೀಡಿದೆ.
ವಾಟ್ಸಪ್ನಂತೆ ಇನ್ಮುಂದೆ ಫೇಸ್ಬುಕ್ ಮೆಸೆಂಜರ್ನಲ್ಲಿ ಗ್ರಾಹಕರು ತಾವು ಕಳುಹಿಸಿದ ಮೆಸೇಜ್ಗಳನ್ನು ಡಿಲೀಟ್ ಮಾಡಬಹುದಾಗಿದೆ. ಈ ಫೀಚರ್ ಮುಂಬರುವ ವರ್ಶನ್ನಲ್ಲಿ ಸಿಗಲಿದೆ ಎಂದು ಇತ್ತೀಚೆಗಷ್ಟೇ ಫೇಸ್ಬುಕ್ ಮಾಹಿತಿ ನೀಡಿದೆ. ಅಷ್ಟಕ್ಕೂ ಮೆಸೇಜ್ ಡಿಲೀಟ್ ಮಾಡಬೇಕಾದ ಅವಧಿ ಏನು? ಯಾವಾಗ ಈ ಫೀಚರ್ ಸಿಗುತ್ತದೆ? ಎಂಬ ಪ್ರಶ್ನೆಗಳಿಗೆ ಇಲ್ಲಿದೆ ಉತ್ತರ.
ಫೇಸ್ಬುಕ್ನ ರಿಲೀಸ್ ನೋಟ್ನಲ್ಲಿ ಈ ಕುರಿತಾದ ಮಾಹಿತಿ ನೀಡಲಾಗಿದ್ದು, ಈ ನೂತನ ಅಪ್ಡೇಟ್ನಿಂದ iOS ಬಳಕೆದಾರರು ತಾವು ಕಳುಹಿಸಿದ ಯಾವುದೇ ಮೆಸೇಜ್ 10 ನಿಮಿಷದೊಳಗೆ ಡಿಲೀಟ್ ಮಾಡಬಹುದು ಎಂದರೆ ಮೆಸೇಜ್ ಕಳುಹಿಸಿದ ವ್ಯಕ್ತಿ ಕಣ್ತಪ್ಪಿನಿಂದಾಗಿ ಬೇರೆ ಯಾರಿಗೋ ಸಂದೇಶ, ಫೋಟೋ ಅಥವಾ ವಿಡಿಯೋವನ್ನು ಕಳುಹಿಸಿದ್ದರೆ 10 ನಿಮಿಷಗಳೊಳಗಾಗಿ ಹಿಂಪಡೆಯಬಹುದಾಗಿದೆ.
ಈ ನೂತನ ಫೀಚರ್ನ ಐಡಿಯಾ ಇದೇ ವರ್ಷದ ಎಪ್ರಿಲ್ನಲ್ಲಿ ಆರಂಭವಾಗಿದ್ದು, ಅಕ್ಟೋಬರ್ನಲ್ಲಿ ಇದರ ಟೆಸ್ಟಿಂಗ್ ಆರಂಭವಾಗಿತ್ತು. ಲಭ್ಯವಾದ ಮಾಹಿತಿ ಅನ್ವಯ ಫೇಸ್ಬುಕ್ ಮೆಸೆಂಜರ್ ಬಳಕೆದಾರರು ತಮ್ಮ ಹಾಗೂ ತಾವು ಕಳುಹಿಸಿದ ವ್ಯಕ್ತಿ ಇಬ್ಬರ ಇನ್ಬಾಕ್ಸ್ನಿಂದಲೂ ಮೆಸೇಜ್ ಡಿಲೀಟ್ ಮಾಡಬಹುದು.
ಇನ್ಸ್ಟಂಟ್ ಮೆಸೇಜಿಂಗ್ ಸರ್ವಿಸ್ ವಾಟ್ಸಪ್ ಹಾಗೂ ಫೋಟೋ ಶೇರಿಂಗ್ ಆ್ಯಪ್ ಇನ್ಸ್ಟಾಗ್ರಾಂನಲ್ಲಿ ಕಳುಹಿಸಿದ ಮೆಸೇಜ್ ಡಿಲೀಟ್ ಮಾಡುವ ಆಯ್ಕೆ ಈ ಮೊದಲಿನಿಂದಲೂ ಇದೆ. ಆದರೆ ಇತ್ತೀಚೆಗಷ್ಟೇ ವಾಟ್ಸಪ್ನ ಈ ಫೀಚರ್ನ ರಿಸೀಪಿಯೆಂಟ್ ಲಿಮಿಟ್ನಲ್ಲಿ ಬದಲಾವಣೆಯಾಗುವ ವಿಚಾರ ಸದ್ದು ಮಾಡಿತ್ತು.
ಸ್ಮಾರ್ಟ್ಫೋನ್ಗಳು ಮತ್ತು AI ನಿಂದ ಸೈಬರ್ ಭದ್ರತೆ ಮತ್ತು ವಿಜ್ಞಾನದ ಪ್ರಗತಿಯವರೆಗೆ ಇತ್ತೀಚಿನ ಟೆಕ್ನಾಲಜಿ (Technology News in Kannada) ಬಗ್ಗೆ ನಿರಂತರವಾದ ಅಪ್ಡೇಟ್. ಡಿಜಿಟಲ್ ಟ್ರೆಂಡ್ಗಳ ಕುರಿತು ತಜ್ಞರ ಮಾತುಗಳು, ವಿವರವಾದ ಮಾಹಿತಿ ಮತ್ತು ಬ್ರೇಕಿಂಗ್ ನ್ಯೂಸ್ ಸಿಗುವ ಏಕೈಕ ತಾಣ ಏಷ್ಯಾನೆಟ್ ಸುವರ್ಣ ನ್ಯೂಸ್. ಹೊಸ ಗ್ಯಾಜೆಟ್ ರಿಲೀಸ್ ಆಯ್ತಾ? ಹೊಸ ಸ್ಟಾರ್ಟ್ಅಪ್ಗಳು ಬಂದಿದ್ಯಾ? ಭವಿಷ್ಯವನ್ನು ಬದಲಿಸುವ ಟೆಕ್ ಪಾಲಿಸಿ ಯಾವುದು? ಇವುಗಳ ಇಂಚಿಂಚೂ ಮಾಹಿತಿ ಸಿಗಲಿದೆ. ಟೆಕ್ ಎಕ್ಸ್ಪ್ಲೇನರ್ಸ್ ಹಾಗೂ ಗ್ಯಾಜೆಟ್ ಡೆಮೋ ವಿಡಿಯೋಗಳು ಕೂಡ ನೀವು ಕಾಣಬಹುದು.