ಆ್ಯಂಡ್ರಾಯಿಡ್ ಮೊಬೈಲ್ ಫೋನ್ವುಳ್ಳವರಿಗೆ ಕೆಟ್ಟ ಸುದ್ದಿ!
ಸಾರಾಂಶ
ಆ್ಯಂಡ್ರಾಯಿಡ್ ಫೋನ್ಗಳಲ್ಲಿರುವ ಗೂಗಲ್ನ ಕ್ರೋಮ್ ಬ್ರೌಸರ್ ಬರೇ ಬ್ರೌಸರ್ ಮಾತ್ರವಲ್ಲ! ನೀವಿರುವ ಸ್ಥಳದ ಬಗ್ಗೆ ಮಾಹಿತಿಯನ್ನು ಗೂಗಲ್ಗೆ ನಿರಂತರವಾಗಿ ರವಾನಿಸುತ್ತದೆ!
ಲೊಕೇಶನ್ ಟ್ರ್ಯಾಕಿಂಗ್ ಗೆ ಸಂಬಂಧಿಸಿದಂತೆ ಗೂಗಲ್ ಈ ಹಿಂದೆ ಬಳಕೆದಾರರ ಆಕ್ರೋಶಕ್ಕೆ ಗುರಿಯಾಗಿತ್ತು. ಇದೀಗ ಆ ಆರೋಪವನ್ನು ಇನ್ನೂ ಪುಷ್ಠೀಕರಿಸುವಂತಹ ಸಂಶೋಧನೆಯೊಂದು ವರದಿಯಾಗಿದೆ. ಕ್ರೋಮ್ ಇರುವ ಆ್ಯಂಡ್ರಾಯಿಡ್ ಪೋನ್ ಚಲನೆಯಲ್ಲಿಲ್ಲದಿದ್ದರೂ , ಐಫೋನ್ ಸಫಾರಿಗಿಂತ 50 ಪಟ್ಟು ಹೆಚ್ಚು ಮಾಹಿತಿಯನ್ನು ರವಾನಿಸುತ್ತದೆ ಎಂದು ಹೇಳಲಾಗಿದೆ.
ವಾಂಡರ್ಬಿಲ್ಟ್ ವಿವಿಯ ಪ್ರೊಫೆಸರ್ ಒಬ್ಬರು ಮಂಡಿಸಿರುವ ಸಂಶೋಧನಾ ಪ್ರಬಂಧದಲ್ಲಿ ಈ ವಿಚಾರ ಇದೀಗ ಬಹಿರಂಗವಾಗಿದೆ. ಅವರ ಪ್ರಕಾರ, ಫೋನ್ ನಲ್ಲಿ ಕ್ರೋಮ್ ಇದ್ದರೆ, ಅದು ದಿನಕ್ಕೆ 340 ಬಾರಿ [ಗಂಟೆಗೆ 14 ಬಾರಿ] ಲೊಕೇಶನ್ ಮಾಹಿತಿಯನ್ನು ಗೂಗಲ್ ಗೆ ರವಾನಿಸುತ್ತದೆ.
ಪ್ರೈವೆಸಿ ಸೆಟ್ಟಿಂಗನ್ನು ಬದಲಾವಣೆ ಮಾಡಿಕೊಂಡ ಬಳಿಕವೂ ಗೂಗಲ್ ಮತ್ತು ಐಫೋನ್ ಗಳು ಲೊಕೇಶನ್ ಮಾಹಿತಿಗಳನ್ನು ಸಂಗ್ರಹಿಸಿಡುತ್ತವೆ ಎಂದು ಅಸೋಸಿಯೇಟೆಡ್ ಪ್ರೆಸ್ ನ ತನಿಖೆ ಯಿಂದ ಈ ಹಿಂದೆ ತಿಳಿದುಬಂದಿತ್ತು.
ಆ ಬಳಿಕ ಕಂಪ್ಯೂಟರ್ ವಿಜ್ಞಾನಿಗಳು ಕೂಡಾ ಆ ಮಾತನ್ನು ಖಚಿತಪಡಿಸಿದ್ದರು. ಅದಾದ ಬಳಿಕ ನ್ಯಾಯಾಲಯದಲ್ಲಿ ಆ ಬಗ್ಗೆ ದೂರನ್ನು ಕೂಡಾ ದಾಖಲಿಸಲಾಗಿತ್ತು.
ಬಳಕೆದಾರರು ಲೊಕೇಶನ್ ಸೇವೆಗಳನ್ನು ಆಫ್ ಮಾಡಿದ ಬಳಿಕ ಅದನ್ನು ಸಂಗ್ರಹಿಸಲಾಗುವುದಿಲ್ಲವೆಂದು ಗೂಗಲ್ ಹೇಳುತ್ತದೆಯಾದರೂ, ಗೂಗಲ್ ಬಳಕೆದಾರರ ಲೊಕೇಶನ್ ಹಿಸ್ಟರಿಯನ್ನು ಸಂಗ್ರಹಿಸಿಡುತ್ತದೆಯೆಂದು ಸ್ಯಾನ್ ಫ್ರಾನ್ಸಿಸ್ಕೋ ಫೆಡರಲ್ ಕೋರ್ಟಿನಲ್ಲಿ ಸಲ್ಲಿಸಲಾದ ಆ ದೂರಿಯಲ್ಲಿ ಹೇಳಲಾಗಿದೆ.
ಸ್ಮಾರ್ಟ್ಫೋನ್ಗಳು ಮತ್ತು AI ನಿಂದ ಸೈಬರ್ ಭದ್ರತೆ ಮತ್ತು ವಿಜ್ಞಾನದ ಪ್ರಗತಿಯವರೆಗೆ ಇತ್ತೀಚಿನ ಟೆಕ್ನಾಲಜಿ (Technology News in Kannada) ಬಗ್ಗೆ ನಿರಂತರವಾದ ಅಪ್ಡೇಟ್. ಡಿಜಿಟಲ್ ಟ್ರೆಂಡ್ಗಳ ಕುರಿತು ತಜ್ಞರ ಮಾತುಗಳು, ವಿವರವಾದ ಮಾಹಿತಿ ಮತ್ತು ಬ್ರೇಕಿಂಗ್ ನ್ಯೂಸ್ ಸಿಗುವ ಏಕೈಕ ತಾಣ ಏಷ್ಯಾನೆಟ್ ಸುವರ್ಣ ನ್ಯೂಸ್. ಹೊಸ ಗ್ಯಾಜೆಟ್ ರಿಲೀಸ್ ಆಯ್ತಾ? ಹೊಸ ಸ್ಟಾರ್ಟ್ಅಪ್ಗಳು ಬಂದಿದ್ಯಾ? ಭವಿಷ್ಯವನ್ನು ಬದಲಿಸುವ ಟೆಕ್ ಪಾಲಿಸಿ ಯಾವುದು? ಇವುಗಳ ಇಂಚಿಂಚೂ ಮಾಹಿತಿ ಸಿಗಲಿದೆ. ಟೆಕ್ ಎಕ್ಸ್ಪ್ಲೇನರ್ಸ್ ಹಾಗೂ ಗ್ಯಾಜೆಟ್ ಡೆಮೋ ವಿಡಿಯೋಗಳು ಕೂಡ ನೀವು ಕಾಣಬಹುದು.