Google ಬದಲಾಗಿ ಬರುತ್ತಾ ಮತ್ತೊಂದು ಸರ್ಚ್ ಇಂಜಿನ್ : ಇನ್ಮುಂದೆ ಇಲ್ಲೆಲ್ಲಾ ಅದನ್ನೇ ಬಳಸ್ಬೇಕಾಗುತ್ತೆ!
ಸಾರಾಂಶ
ಸರ್ವಾಂತರ್ಯಾಮಿ ಆಗಿರುವ ಗೂಗಲ್ ಬದಲಾಗಿ ಮತ್ತೊಂದು ಸರ್ಚ್ ಇಂಜಿನ್ ಬರುತ್ತಾ. ಇಲ್ಲೆಲ್ಲಾ ಅದನ್ನೇ ಬಳಸಬೇಕಾಗುತ್ತಾ?
ನವದೆಹಲಿ (ಅ.30): ಗೂಗಲ್ ಕಂಪನಿಗೆ ಸಡ್ಡು ಹೊಡೆಯಲು ತನ್ನದೇ ಆದ ಸರ್ಚ್ ಎಂಜಿನ್ ಅಭಿವೃದ್ಧಿಪಡಿಸಲು ಆ್ಯಪಲ್ ಕಂಪನಿ ನಿರ್ಧರಿಸಿದ್ದು, ಇನ್ನುಮುಂದೆ ಆ್ಯಪಲ್ನ ಎಲ್ಲಾ ಉತ್ಪನ್ನಗಳಲ್ಲಿ ಗೂಗಲ್ ಬದಲು ಆ್ಯಪಲ್ ಸರ್ಚ್ ಎಂಜಿನ್ನನ್ನೇ ಬಳಕೆ ಮಾಡಬೇಕಾಗಿ ಬರುವ ಸಾಧ್ಯತೆಯಿದೆ.
ಸದ್ಯ ಗೂಗಲ್ ಕಂಪನಿಯು ತನ್ನ ಸರ್ಚ್ ಎಂಜಿನ್ನೇ ಆ್ಯಪಲ್ ಕಂಪ್ಯೂಟರ್, ಲ್ಯಾಪ್ಟಾಪ್, ಮೊಬೈಲ್ ಫೋನ್ ಹಾಗೂ ಟ್ಯಾಬ್ಗಳಲ್ಲಿ ಬಳಕೆಯಾಗಲಿ ಎಂದು ಪ್ರತಿ ವರ್ಷ ಆ್ಯಪಲ್ ಕಂಪನಿಗೆ 10 ಬಿಲಿಯನ್ ಡಾಲರ್ (ಸುಮಾರು 75 ಸಾವಿರ ಕೋಟಿ ರು.) ನೀಡುತ್ತದೆ. ಈ ಒಪ್ಪಂದ ಮುಕ್ತಾಯವಾಗುವ ಸಮಯ ಸಮೀಪಿಸಿದೆ. ಜೊತೆಗೆ, ಅಮೆರಿಕ ಸರ್ಕಾರವು ಈ ಒಪ್ಪಂದ ಕಾನೂನುಬಾಹಿರವಾಗಿರುವ ಬಗ್ಗೆ ತನಿಖೆ ನಡೆಸುತ್ತಿದೆ. ಹೀಗಾಗಿ ತನ್ನದೇ ಸರ್ಚ್ ಎಂಜಿನ್ ರೂಪಿಸಿ ಬಿಡುಗಡೆ ಮಾಡಲು ಆ್ಯಪಲ್ ಕಂಪನಿ ನಿರ್ಧರಿಸಿದೆ ಎಂದು ಹೇಳಲಾಗಿದೆ.
ಕೇವಲ 1,999 ರೂಪಾಯಿಗೆ ಬೋಟ್ ಸ್ಟಾರ್ಮ್ ಸ್ಮಾರ್ಟ್ ವಾಚ್! ...
ಈಗಾಗಲೇ ಆ್ಯಪಲ್ ಬಳಿ ಸ್ವಂತ ಸರ್ಚ್ ಎಂಜಿನ್ ಇದೆ. ಆದರೆ ಅದನ್ನು ವ್ಯಾಪಕವಾಗಿ ಬಳಸುವಂತೆ ಮಾಡಲು ಆ್ಯಪಲ್ ಕಂಪನಿಯೇ ಪ್ರಯತ್ನಿಸುತ್ತಿಲ್ಲ. ಇನ್ನು, ಜಾಹೀರಾತಿನಿಂದ ಹಣ ಗಳಿಸುವ ಗೂಗಲ್ನ ನೀತಿ ಆ್ಯಪಲ್ ಕಂಪನಿಯ ನೀತಿಗೆ ವಿರುದ್ಧವಾಗಿದೆ. ಆದರೆ, ಈಗ ತನ್ನದೇ ಸರ್ಚ್ ಎಂಜಿನ್ ರೂಪಿಸಿದರೆ ಗೂಗಲ್ನಿಂದ ಬರುತ್ತಿದ್ದ ದೊಡ್ಡ ಮೊತ್ತದ ಆದಾಯಕ್ಕೆ ಪ್ರತಿಯಾಗಿ ಆ್ಯಪಲ್ ಕಂಪನಿ ಕೂಡ ಜಾಹೀರಾತಿನಿಂದ ಹಣ ಗಳಿಸಲು ಆರಂಭಿಸುತ್ತದೆಯೇ ಎಂಬ ಪ್ರಶ್ನೆ ಕುತೂಹಲ ಮೂಡಿಸಿದೆ.
ಸ್ಮಾರ್ಟ್ಫೋನ್ಗಳು ಮತ್ತು AI ನಿಂದ ಸೈಬರ್ ಭದ್ರತೆ ಮತ್ತು ವಿಜ್ಞಾನದ ಪ್ರಗತಿಯವರೆಗೆ ಇತ್ತೀಚಿನ ಟೆಕ್ನಾಲಜಿ (Technology News in Kannada) ಬಗ್ಗೆ ನಿರಂತರವಾದ ಅಪ್ಡೇಟ್. ಡಿಜಿಟಲ್ ಟ್ರೆಂಡ್ಗಳ ಕುರಿತು ತಜ್ಞರ ಮಾತುಗಳು, ವಿವರವಾದ ಮಾಹಿತಿ ಮತ್ತು ಬ್ರೇಕಿಂಗ್ ನ್ಯೂಸ್ ಸಿಗುವ ಏಕೈಕ ತಾಣ ಏಷ್ಯಾನೆಟ್ ಸುವರ್ಣ ನ್ಯೂಸ್. ಹೊಸ ಗ್ಯಾಜೆಟ್ ರಿಲೀಸ್ ಆಯ್ತಾ? ಹೊಸ ಸ್ಟಾರ್ಟ್ಅಪ್ಗಳು ಬಂದಿದ್ಯಾ? ಭವಿಷ್ಯವನ್ನು ಬದಲಿಸುವ ಟೆಕ್ ಪಾಲಿಸಿ ಯಾವುದು? ಇವುಗಳ ಇಂಚಿಂಚೂ ಮಾಹಿತಿ ಸಿಗಲಿದೆ. ಟೆಕ್ ಎಕ್ಸ್ಪ್ಲೇನರ್ಸ್ ಹಾಗೂ ಗ್ಯಾಜೆಟ್ ಡೆಮೋ ವಿಡಿಯೋಗಳು ಕೂಡ ನೀವು ಕಾಣಬಹುದು.