ಇಂದಿನ (ಭಾನುವಾರ) ಕರ್ನಾಟಕದ ಕೊರೋನಾ ಅಂಕಿ-ಅಂಶ ಇಲ್ಲಿದೆ

ಕಳೆದ ತಿಂಗಳಿನಿಂದ ಪ್ರತಿನಿತ್ಯ ಕನಿಷ್ಠ 7 ಸಾವಿರ ದಾಟುತ್ತಿದ್ದ ಕೊರೋನಾ ಕೇಸ್‌ಗಳು ಇಂದು (ಬಾನುವಾರ) ಕೊಂಚ ಕಡಿಮೆಯಾಗಿದೆ.

ಬೆಂಗಳೂರು, (ಆ.23): ರಾಜ್ಯದಲ್ಲಿ ಇಂದು (ಭಾನುವಾರ) 5,938 ಜನರಿಗೆ ಕೊರೋನಾ ಸೋಂಕು ದೃಢಪಟ್ಟಿದೆ. ಮೂಲಕ ಒಟ್ಟು ಸೋಂಕಿತರ ಸಂಖ್ಯೆ 2,77,814ಕ್ಕೆ ಏರಿಕೆಯಾಗಿದೆ.

ರಾಜ್ಯ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಕೊರೋನಾ ಹೆಲ್ತ್ ಬುಲೆಟಿನ್ ಬಿಡುಗಡೆ ಮಾಡಿದ್ದು, ಕಳೆದ 24 ಗಂಟೆಗಳಲ್ಲಿ 68 ಜನರು ಕೊರೋನಾಗೆ ಬಲಿಯಾಗಿದ್ದಾರೆ. ಇದರೊಂದಿಗೆ ಸಾವನ್ನಪ್ಪಿದವರ ಸಂಖ್ಯೆ 4,683ಕ್ಕೇರಿದೆ.

ಭಾನುವಾರ 4,996 ಜನರು ಸೋಂಕಿನಿಂದ ಗುಣಮುಖರಾಗಿ ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆಗಿದ್ದು, ಈ ವರೆಗೆ ಒಟ್ಟು 1,89,564 ಜನರು ಗುಣಮುಖರಾದಂತಾಗಿದೆ. ಇನ್ನು  ಸದ್ಯ ರಾಜ್ಯದಲ್ಲಿ 83, 551 ಸಕ್ರಿಯಾ ಕೇಸ್‌ಗಳಿದ್ದು, ಅವರಿಗೆ ಚಿಕಿತ್ಸೆ ಮುಂದುವರಿದಿದೆ.

ಬೆಂಗಳೂರು ಅಂಕಿ-ಅಂಶ
 ಬೆಂಗಳೂರಿನಲ್ಲಿ ಕಳೆದ 24 ಗಂಟೆಗಳಲ್ಲಿ 2,126 ಜನರಿಗೆ ಕೊರೋನಾ ಪಾಸಿಟಿವ್ ಕೇಸ್ ಪತ್ತೆಯಾಗಿವೆ. ಈ ಮೂಲಕ ಸೋಂಕಿತರ ಸಂಖ್ಯೆ 1,07,875ಕ್ಕೆ ಏರಿಕೆಯಾಗಿದೆ.