ಕ್ವಾರ್ಟರ್'ಫೈನಲ್'ಗೆ ಲಗ್ಗೆಯಿಟ್ಟ ಯೂಕಿ ಭಾಂಬ್ರಿ
ಸಾರಾಂಶ
ಎಟಿಪಿ ವಿಶ್ವ ಟೂರ್'ನಲ್ಲಿ ಭಾಂಬ್ರಿ ಇದೇ ಮೊದಲ ಬಾರಿಗೆ ಪ್ರಮುಖ ಟೂರ್ನಿಯಲ್ಲಿ 3 ಪಂದ್ಯಗಳನ್ನು ಗೆದ್ದಿದ್ದಾರೆ. ಎಟಿಪಿ ಟೆನಿಸ್ ಟೂರ್ನಿಯಲ್ಲಿ ಭಾಂಬ್ರಿ 2ನೇ ಬಾರಿ ಕ್ವಾರ್ಟರ್'ಫೈನಲ್'ಗೆ ಲಗ್ಗೆ ಇಟ್ಟಿದ್ದಾರೆ.
ನವದೆಹಲಿ(ಆ.04): ಭಾರತದ ಸ್ಟಾರ್ ಟೆನಿಸ್ ಆಟಗಾರ ಯೂಕಿ ಭಾಂಬ್ರಿ, ಎಟಿಪಿ ಸಿಟಿ ಓಪನ್ ಟೆನಿಸ್ ಟೂರ್ನಿಯ ಪುರುಷರ ಸಿಂಗಲ್ಸ್ ವಿಭಾಗದಲ್ಲಿ ಕ್ವಾರ್ಟರ್'ಫೈನಲ್ ಹಂತ ಪ್ರವೇಶಿಸಿದ್ದಾರೆ.
ಇಂದು ನಡೆದ ಸಿಂಗಲ್ಸ್ ವಿಭಾಗದ ಪ್ರೀ ಕ್ವಾರ್ಟರ್'ಫೈನಲ್ ಪಂದ್ಯದಲ್ಲಿ ಯೂಕಿ ಭಾಂಬ್ರಿ 6-7(5), 6-3, 6-1 ಸೆಟ್'ಗಳಿಂದ ಅರ್ಜೇಂಟೀನಾದ ಗಿಡೊ ಪೆಲ್ಲಾ ಎದುರು ಗೆಲುವು ಪಡೆದರು. ಎಟಿಪಿ ಸಿಂಗಲ್ಸ್'ನ 200ನೇ ಶ್ರೇಯಾಂಕಿತ ಭಾಂಬ್ರಿ, 100ನೇ ಶ್ರೇಯಾಂಕದ ಆಟಗಾರನ ಎದುರು ಜಯ ದಾಖಲಿಸಿದರು.
ಎಟಿಪಿ ವಿಶ್ವ ಟೂರ್'ನಲ್ಲಿ ಭಾಂಬ್ರಿ ಇದೇ ಮೊದಲ ಬಾರಿಗೆ ಪ್ರಮುಖ ಟೂರ್ನಿಯಲ್ಲಿ 3 ಪಂದ್ಯಗಳನ್ನು ಗೆದ್ದಿದ್ದಾರೆ. ಎಟಿಪಿ ಟೆನಿಸ್ ಟೂರ್ನಿಯಲ್ಲಿ ಭಾಂಬ್ರಿ 2ನೇ ಬಾರಿ ಕ್ವಾರ್ಟರ್'ಫೈನಲ್'ಗೆ ಲಗ್ಗೆ ಇಟ್ಟಿದ್ದಾರೆ.
2014ರಲ್ಲಿ ಚೆನ್ನೈ ಓಪನ್'ನಲ್ಲಿ ಭಾಂಬ್ರಿ ಎಂಟರ ಘಟ್ಟಕ್ಕೇರಿದ್ದರು.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.