ಏಷ್ಯಾಕಪ್ ಹಾಕಿ ಗೆದ್ದರೂ ಕೋಚ್'ಗೆ ಸಮಾಧಾನವಾಗಿಲ್ಲವಂತೆ..!
ಸಾರಾಂಶ
ಸುಮಾರು ಒಂದು ದಶಕದ ಬಳಿಕ ಬಾಂಗ್ಲಾದೇಶದಲ್ಲಿ ನಡೆದ ಏಷ್ಯಾಕಪ್ ಹಾಕಿ ಟೂರ್ನಿಯಲ್ಲಿ ಭಾರತ ಚಾಂಪಿಯನ್ ಆಗಿ ಹೊರಹೊಮ್ಮಿದೆ.
ನವದೆಹಲಿ(ಅ.24): ನಮ್ಮ ಹಾಕಿ ತಂಡದಲ್ಲಿ ಇನ್ನೂ ಸ್ಥಿರತೆಯ ಕೊರತೆ ಕಾಡುತ್ತಿದೆ ಎಂದು ಭಾರತ ಹಾಕಿ ತಂಡ ಏಷ್ಯಾಕಪ್ ಜಯಿಸಿದ ಬೆನ್ನಲ್ಲೇ ತಂಡದ ಕೋಚ್ ಸೋರ್ಡ್ ಮರಿನೆ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
‘ಕೋಚ್ ಆದ ಮೊದಲ ಪಂದ್ಯಾವಳಿಯಲ್ಲೇ ಪ್ರಶಸ್ತಿ ಜಯಿಸಿದ್ದು ಖುಷಿಯನ್ನುಂಟು ಮಾಡಿದೆ. ನಿಜವಾಗಿಯೂ ನಾವು ಉತ್ತಮ ಆಟ ಆಡಿದೆವು. ಆಟಗಾರರ ಪ್ರದರ್ಶನ ಸಂತಸ ತಂದಿದೆ. ಆದರೆ, ಮಲೇಷ್ಯಾ ವಿರುದ್ಧದ ಫೈನಲ್ ಪಂದ್ಯದಲ್ಲಿ
ಸ್ಥಿರತೆಯ ಕೊರತೆ ನಮ್ಮನ್ನು ಕಾಡಿತು. ಇದೇ ಕಾರಣದಿಂದಲೇ ಮತ್ತಷ್ಟು ಗೋಲು ಗಳಿಸುವ ಅವಕಾಶ ಕೈತಪ್ಪಿತು’ ಎಂದು ಮರಿನೆ ಹೇಳಿದ್ದಾರೆ.
ರೋಲೆಂಟ್ಸ್ ಓಲ್ಟ್ಸ್'ಮನ್ ಭಾರತ ಹಾಕಿ ತಂಡದ ಕೋಚ್ ಹುದ್ದೆಯಿಂದ ಕೆಳಗಿಳಿದ ಬಳಿಕ, ಮಹಿಳಾ ತಂಡದ ಕೋಚ್ ಆಗಿ ಕಾರ್ಯ ನಿರ್ವಹಿಸುತ್ತಿದ್ದ ಸೋರ್ಡ್ ಮರಿನೆ ಪುರುಷರ ತಂಡದ ಕೋಚ್ ಆಗಿ ನೇಮಕವಾಗಿದ್ದರು.
ಸುಮಾರು ಒಂದು ದಶಕದ ಬಳಿಕ ಬಾಂಗ್ಲಾದೇಶದಲ್ಲಿ ನಡೆದ ಏಷ್ಯಾಕಪ್ ಹಾಕಿ ಟೂರ್ನಿಯಲ್ಲಿ ಭಾರತ ಚಾಂಪಿಯನ್ ಆಗಿ ಹೊರಹೊಮ್ಮಿದೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.