ಟ್ವಿಟರ್'ನಲ್ಲಿ ದಾಖಲೆ ಬರೆದ ವೀರೂ..!
ಸಾರಾಂಶ
2009ರ ನವೆಂಬರ್'ನಲ್ಲೇ ಟ್ವೀಟರ್ ಖಾತೆ ತೆರೆದಿದ್ದ ಸೆಹ್ವಾಗ್ ಆರಂಭದಲ್ಲಿ ಅಷ್ಟೇನು ಸಂಖ್ಯೆಯ ಹಿಂಬಾಲಕರನ್ನು ಹೊಂದಿರಲಿಲ್ಲ.
ನವದೆಹಲಿ(ಮೇ.24): ಕ್ರಿಕೆಟ್'ನಿಂದ ನಿವೃತ್ತಿಯಾದರೂ ಸದಾ ಒಂದಿಲ್ಲೊಂದು ಟ್ವೀಟ್ ಮೂಲಕ ಸುದ್ದಿ ಮಾಡುತ್ತಿದ್ದ ಟೀಂ ಇಂಡಿಯಾ ಮಾಜಿ ಕ್ರಿಕೆಟಿಗ ವಿರೇಂದ್ರ ಸೆಹ್ವಾಗ್ ಮತ್ತೊಂದು ದಾಖಲೆ ಬರೆದಿದ್ದಾರೆ.
2009ರ ನವೆಂಬರ್'ನಲ್ಲೇ ಟ್ವೀಟರ್ ಖಾತೆ ತೆರೆದಿದ್ದ ಸೆಹ್ವಾಗ್ ಆರಂಭದಲ್ಲಿ ಅಷ್ಟೇನು ಸಂಖ್ಯೆಯ ಹಿಂಬಾಲಕರನ್ನು ಹೊಂದಿರಲಿಲ್ಲ. ಆದರೆ ಅಂತಾರಾಷ್ಟ್ರೀಯ ಕ್ರಿಕೆಟ್'ಗೆ ವಿದಾಯ ಹೇಳಿದ ಬಳಿಕ ಟ್ವೀಟರ್'ನಲ್ಲಿ ಸಾಕಷ್ಟು ಸಕ್ರಿಯರಾಗಿರುವ ಸೆಹ್ವಾಗ್, ಪ್ರಚಲಿತ ಘಟನೆಗಳು, ಕ್ರಿಕೆಟ್ ತಾರೆಯರ ಹುಟ್ಟುಹಬ್ಬಗಳಿಗೆ ವಿನೂತನವಾಗಿ ಟ್ವೀಟ್ ಮಾಡುವ ಮೂಲಕ ಸಾಕಷ್ಟು ಹಿಂಬಾಲಕರನ್ನು ಪಡೆಯುವಲ್ಲಿ ಸಫಲರಾಗಿದ್ದಾರೆ.
10 ಮಿಲಿಯನ್ ಹಿಂಬಾಲಕರನ್ನು ಹೊಂದಿರುವುದು ಸಂತಸ ತಂದಿದೆ. ನಿಜಕ್ಕೂ ಅಭಿಮಾನಿಗಳ ಪ್ರತಿಕ್ರಿಯೆ ಅದ್ಭುತ ಎನಿಸಿದೆ ಎಂದು ಸೆಹ್ವಾಗ್ ತಮ್ಮ ಎರಡೂ ಕೈಗಳನ್ನು ಮೇಲಕ್ಕೆತ್ತಿ 10 ಬೆರಳುಗಳನ್ನು ತೋರಿಸುವ ದೃಶ್ಯವನ್ನು ಟ್ವೀಟರ್'ನಲ್ಲಿ ಅಪ್'ಲೋಡ್ ಮಾಡಿದ್ದಾರೆ.
ಹಿಂಬಾಲಕರನ್ನು ಪಡೆದಿರುವ ಕ್ರಿಕೆಟಿಗರ ಪಟ್ಟಿಯಲ್ಲಿ ಸೆಹ್ವಾಗ್ 2ನೇ ಸ್ಥಾನ ಪಡೆದಿದ್ದಾರೆ. ಮಾಜಿ ಕ್ರಿಕೆಟಿಗ ಸಚಿನ್ ತೆಂಡುಲ್ಕರ್ 1.6 ಕೋಟಿ ಹಿಂಬಾಲಕರನ್ನು ಪಡೆದು ಮೊದಲ ಸ್ಥಾನದಲ್ಲಿದ್ದಾರೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.