ಇಂದು ಹುಬ್ಬಳ್ಳಿಯಲ್ಲಿ ಕೆಪಿಎಲ್ ಫೈನಲ್: ಟೈಗರ್ಸ್'ಗೆ ಟಸ್ಕರ್ಸ್ ಸವಾಲು

ಹುಬ್ಬಳ್ಳಿ(ಸೆ.02): ಹುಬ್ಬಳ್ಳಿಯಲ್ಲಿ ನಡೆಯುತ್ತಿರುವ ಕೆಪಿಎಲ್​​​​​​​ಗೆ ಇಂದು ತೆರೆ ಬೀಳುತ್ತಿದೆ. ಇಂದು ಕೆಎಸ್​ಸಿಎ ರಾಜನಗರ್​ ಸ್ಟೇಡಿಯಂನಲ್ಲಿ ಫೈನಲ್ ಪಂದ್ಯ ನಡೀತಾ ಇದೆ.

ಇಂದು ಹುಬ್ಬಳ್ಳಿ ಸ್ಟೇಡಿಯಂ ಭರ್ತಿಯಾಗಲಿದೆ. ಆತಿಥೇಯ ಹುಬ್ಬಳ್ಳಿ ಟೈಗರ್ಸ್ ಮತ್ತು ಬಳ್ಳಾರಿ ಟಸ್ಕರ್ಸ್ ತಂಡಗಳು ಪ್ರಶಸ್ತಿಗಾಗಿ ಕಾದಾಡುತ್ತಿವೆ. ಎರಡು ಟೀಮ್​ನಲ್ಲೂ ಹೇಳಿಕೊಳ್ಳುವಂತಹ ಸ್ಟಾರ್ ಆಟಗಾರರು ಇಲ್ಲ. ಆದ್ರೂ ಬಲಿಷ್ಠವಾಗಿವೆ.   ಲೀಗ್​​ನಲ್ಲಿ ಬಳ್ಳಾರಿ ವಿರುದ್ಧ ಹುಬ್ಬಳ್ಳಿ ಟೈಗರ್ಸ್ ಜಯ ಸಾಧಿಸಿತ್ತು. ಇದರಿಂದ ಇಂದು ಟೈಗರ್ಸ್ ಫೇವರಿಟ್ ಆಗಿದೆ.

ಸೆಕೆಂಡ್ ಸೆಮಿಫೈನಲ್​ನಲ್ಲಿ ಬೆಳಗಾವಿ ಪ್ಯಾಂಥರ್ಸ್ ತಂಡವನ್ನ 4 ವಿಕೆಟ್​ಗಳಿಂದ ಸೋಲಿಸಿದ ಟೈಗರ್ಸ್​ ಫೈನಲ್​ಗೇರಿತು. ಮೊದಲು ಬ್ಯಾಟಿಂಗ್ ಮಾಡಿದ ಬೆಳಗಾವಿ 20 ಓವರ್​ನಲ್ಲಿ 8 ವಿಕೆಟ್ ಕಳೆದುಕೊಂಡು 153 ರನ್ ಬಾರಿಸ್ತು. ಹುಬ್ಬಳ್ಳಿ ತಂಡ ಇನ್ನು 8 ಬಾಲ್ ಬಾಕಿ ಇರುವಾಗ್ಲೇ 6 ವಿಕೆಟ್ ಕಳೆದುಕೊಂಡು ಗುರಿ ಮುಟ್ಟಿತು.

ಮೊದಲ ಸೆಮಿಫೈನಲ್​ನಲ್ಲಿ ಗೆದ್ದ ಬಳ್ಳಾರಿ ಟಸ್ಕರ್ಸ್ ತಂಡ ಫೈನಲ್ ಪ್ರವೇಶಿಸಿದೆ. ಮನೀಶ್ ಪಾಂಡೆ ನಾಯಕತ್ವದ ಮೈಸೂರು ವಾರಿಯರ್ಸ್ ವಿರುದ್ಧ ಟಸ್ಕರ್ಸ್ ತಂಡ 10 ರನ್​ಗಳಿಂದ ಜಯ ಸಾಧಿಸ್ತು. ಮೊದಲು ಬ್ಯಾಟಿಂಗ್ ಮಾಡಿದ ಬೆಳ್ಳಾರಿ ಟಸ್ಕರ್ಸ್ ತಂಡ 20 ಓವರ್​ನಲ್ಲಿ 5 ವಿಕೆಟ್ ಕಳೆದುಕೊಂಡು 157 ರನ್ ಬಾರಿಸ್ತು. ಕೆಬಿ ಪವನ್ ಅರ್ಧಶತಕ ಬಾರಿಸಿದ್ರು. ಬಳಿಕ ಮೈಸೂರು ವಾರಿಯರ್ಸ್ 20 ಓವರ್​ನಲ್ಲಿ 6 ವಿಕೆಟ್ ಕಳೆದುಕೊಂಡು 147 ರನ್ ಗಳಿಸಿ ಸೋಲು ಅನುಭವಿಸ್ತು. ಮನೀಶ್ ಪಾಂಡೆ ವಿಫಲವಾಗಿದ್ದು ಮೈಸೂರು ಸೋಲಿಗೆ ಕಾರಣವಾಯ್ತು.