ಇಂಗ್ಲೆಂಡ್‌ ಕೌಂಟಿ ಆಡ​ಲು ರೆಡಿಯಾದ ಮುರಳಿ ವಿಜಯ್

ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್ ಸರಣಿಯಲ್ಲಿ ನೀರಸ ಪ್ರದರ್ಶನ ತೋರುವ ಮೂಲಕ ಭಾರತ ಟೆಸ್ಟ್ ತಂಡದಿಂದ ಹೊರಬಿದ್ದಿರುವ ಮುರಳಿ ವಿಜಯ್ ಇದೀಗ ಇಂಗ್ಲೆಂಡ್‌ನಲ್ಲಿ ಅದೃಷ್ಠ ಪರೀಕ್ಷೆಗೆ ಮುಂದಾಗಿದ್ದಾರೆ. ಈ ಕುರಿತಾದ ವರದಿ ಇಲ್ಲಿದೆ ನೋಡಿ...

ಚೆನ್ನೈ[ಆ.27]: ಭಾರತ ತಂಡದಿಂದ ಹೊರ​ಬಿ​ದ್ದಿ​ರುವ ಆರಂಭಿಕ ಬ್ಯಾಟ್ಸ್‌ಮನ್‌ ಮುರಳಿ ವಿಜಯ್‌, ಇಂಗ್ಲೆಂಡ್‌ ಕೌಂಟಿ ಕ್ರಿಕೆಟ್‌ನಲ್ಲಿ ಸೋಮರ್‌ಸೆಟ್‌ ತಂಡದ ಪರ ಆಡ​ಲಿ​ದ್ದಾರೆ. 

ಈ ಋುತು​ವಿ​ನಲ್ಲಿ ಇನ್ನು 3 ಪಂದ್ಯ ಬಾಕಿ ಇದ್ದು, ಅದ​ರಲ್ಲಿ ಮುರಳಿ ವಿಜಯ್‌ ಆಡುವು​ದಾಗಿ ತಿಳಿ​ಸಿ​ದ್ದಾರೆ. ಪಾಕಿ​ಸ್ತಾ​ನದ ಅಜರ್‌ ಅಲಿ ಬದ​ಲಿಗೆ ಅವ​ರಿಗೆ ತಂಡ​ದಲ್ಲಿ ಸ್ಥಾನ ನೀಡ​ಲಾ​ಗಿದೆ. ಕಳೆದ ವರ್ಷ ಡಿಸೆಂಬರ್‌ನಲ್ಲಿ ಆಸ್ಪ್ರೇ​ಲಿಯಾ ವಿರುದ್ಧ ಪರ್ತ್’ನಲ್ಲಿ ವಿಜಯ್‌ ಭಾರತ ಪರ ಕೊನೆ ಬಾರಿ ಆಡಿ​ದ್ದರು.

35 ವರ್ಷದ ವಿಜಯ್ ಭಾರತ ಪರ 61 ಟೆಸ್ಟ್ ಪಂದ್ಯಗಳನ್ನಾಡಿ 38.28ರ ಸರಾಸರಿಯಲ್ಲಿ 3,982 ರನ್ ಬಾರಿಸಿದ್ದಾರೆ. 131 ಪ್ರಥಮ ದರ್ಜೆಯ ಪಂದ್ಯಾಗಳನ್ನಾಡಿ 42.79ರ ಸರಾಸರಿಯಲ್ಲಿ 9,116 ರನ್ ಬಾರಿಸಿದ್ದಾರೆ. ಕಳೆದ ಋತುವಿನಲ್ಲಿ ಎಸೆಕ್ಸ್ ಪರ ಕಣಕ್ಕಿಳಿದಿದ್ದ ಮುರಳಿ ವಿಜಯ್ 64.60 ಸರಾಸರಿಯಲ್ಲಿ 3 ಅರ್ಧಶತಕ ಹಾಗೂ 1 ಶತಕ ಸಿಡಿಸಿ ಮಿಂಚಿದ್ದರು.