ಕುಡಿದು ಅನುಚಿತ ವರ್ತನೆ ಮಾಡಿದ ಸ್ಟೀವ್ ಒ’ಕೀಫೆಗೆ ದಂಡ
ಸಾರಾಂಶ
ಒ’ಕೀಫೆ ಕಳೆದ ವರ್ಷ ಸಿಡ್ನಿ ಹೋಟೆಲ್ ಒಂದರಲ್ಲಿ ಇದೇ ರೀತಿ ಕುಡಿದು ರಂಪ ಮಾಡಿಕೊಂಡಿದ್ದರು.
ಸಿಡ್ನಿ(ಏ.07): ಬಾರ್ಡರ್-ಗವಾಸ್ಕರ್ ಟ್ರೋಫಿ ಸರಣಿಯ ಪುಣೆ ಟೆಸ್ಟ್'ನಲ್ಲಿ ಆಸ್ಟ್ರೇಲಿಯಾಗೆ 333 ರನ್ ಗೆಲುವು ತಂದುಕೊಟ್ಟ ಆಸ್ಟ್ರೇಲಿಯಾದ ಸ್ಪಿನ್ನರ್ ಸ್ಟೀವನ್ ಒ’ಕೀಫೆ ಕುಡಿದು ಅನುಚಿತ ವರ್ತನೆ ತೋರಿದ್ದಕ್ಕಾಗಿ ಕ್ರಿಕೆಟ್ ಆಸ್ಟ್ರೇಲಿಯಾ ಅವರಿಗೆ ಈ ಋತುವಿನ ದೇಶೀಯ ಕ್ರಿಕೆಟ್ ಪಂದ್ಯಾವಳಿಯಿಂದ ನಿಷೇಧಿಸಲಾಗಿದೆ.
ಇದಷ್ಟೇ ಅಲ್ಲದೇ 32 ವರ್ಷದ ಒ’ಕೀಫೆಗೆ 15,000 ಡಾಲರ್ (ಅಂದಾಜು 96 ಲಕ್ಷ ರು.) ದಂಡ ವಿಧಿಸಿದೆ.
‘‘ಅನುಚಿತ ವರ್ತನೆ ತೋರುವ ಯಾವುದೇ ಆಟಗಾರರನ್ನೂ ಸಹಿಸಿಕೊಳ್ಳಲಾಗದು’’ ಎಂದು ಕ್ರಿಕೆಟ್ ಆಸ್ಟ್ರೇಲಿಯಾದ ಪ್ರಧಾನ ನಿರ್ವಾಹಕ ಪ್ಯಾಟ್ ಹೊವಾರ್ಡ್ ಹೇಳಿದ್ದಾರೆ.
ಅಂದಹಾಗೆ ಒ’ಕೀಫೆ ಕಳೆದ ವರ್ಷ ಸಿಡ್ನಿ ಹೋಟೆಲ್ ಒಂದರಲ್ಲಿ ಇದೇ ರೀತಿ ಕುಡಿದು ರಂಪ ಮಾಡಿಕೊಂಡಿದ್ದರು.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.