ಇಂದಿನಿಂದ ಆರಂಭವಾದ ಕುಸ್ತಿ ಸ್ಪರ್ಧಾವಳಿಯ ಪುರುಷರ 57 ಕೆಜಿ ಸ್ಪರ್ಧೆಯ ಅಂತಿಮ ನಾಲ್ಕರ ಘಟ್ಟದ ಪಂದ್ಯದಲ್ಲಿ ಹರಿಯಾಣದ ಅನುಭವಿ ಅಮಿತ್ ಕುಮಾರ್ ಎದುರು ಗೆಲುವು ಪಡೆದ ಆರ್‌ಎಸ್‌ಪಿಬಿಯ ಉತ್ಕರ್ಷ್ ಕಾಳೆ, ಪ್ರಶಸ್ತಿ ಸುತ್ತಿನಲ್ಲಿ ಎಸ್‌ಎಸ್‌ಸಿಬಿಯ ಸಂದೀಪ್ ತೋಮರ್ ವಿರುದ್ಧ ಸೋಲು ಕಂಡು ಬೆಳ್ಳಿ ಪದಕಕ್ಕೆ ತೃಪ್ತಿಪಟ್ಟರು.
ನವದೆಹಲಿ(ಅ.24): ರಿಯೊ ಕೂಟದ ಸ್ಟಾರ್ ಕುಸ್ತಿಪಟುಗಳಾದ ಸಂದೀಪ್ ತೋಮರ್ ಮತ್ತು ರಿತು ಪೋಗಟ್, ರಾಷ್ಟ್ರೀಯ ಕುಸ್ತಿ ಚಾಂಪಿಯನ್‌ಶಿಪ್‌ನ ಹಿರಿಯ ಪುರುಷ ಮತ್ತು ಮಹಿಳೆಯರ ವೈಯಕ್ತಿಕ ವಿಭಾಗದಲ್ಲಿ ಚಿನ್ನದ ಪದಕ ಜಯಿಸಿದ್ದಾರೆ.
ಇಲ್ಲಿನ ಉತ್ತರಪ್ರದೇಶದ ಗೊಂಡಾದಲ್ಲಿ ಇಂದಿನಿಂದ ಆರಂಭವಾದ ಕುಸ್ತಿ ಸ್ಪರ್ಧಾವಳಿಯ ಪುರುಷರ 57 ಕೆಜಿ ಸ್ಪರ್ಧೆಯ ಅಂತಿಮ ನಾಲ್ಕರ ಘಟ್ಟದ ಪಂದ್ಯದಲ್ಲಿ ಹರಿಯಾಣದ ಅನುಭವಿ ಅಮಿತ್ ಕುಮಾರ್ ಎದುರು ಗೆಲುವು ಪಡೆದ ಆರ್‌ಎಸ್‌ಪಿಬಿಯ ಉತ್ಕರ್ಷ್ ಕಾಳೆ, ಪ್ರಶಸ್ತಿ ಸುತ್ತಿನಲ್ಲಿ ಎಸ್‌ಎಸ್‌ಸಿಬಿಯ ಸಂದೀಪ್ ತೋಮರ್ ವಿರುದ್ಧ ಸೋಲು ಕಂಡು ಬೆಳ್ಳಿ ಪದಕಕ್ಕೆ ತೃಪ್ತಿಪಟ್ಟರು.
ಇನ್ನು ಮಹಿಳೆಯರ 48ಕೆಜಿ ವಿಭಾಗದ ಫೈನಲ್ ಸ್ಪರ್ಧೆಯಲ್ಲಿ ರಿತು ಪೋಗಟ್, ಪ್ರಿಯಾಂಕಾ ಸಿಂಗ್ ಎದುರು ಜಯ ಪಡೆದು ಚಿನ್ನ ಗೆದ್ದರು.
ಫಲಿತಾಂಶ : ಪುರುಷರ ಫ್ರೀಸ್ಟೈಲ್ 57 ಕೆಜಿ ವಿಭಾಗ: ಸಂದೀಪ್ ತೋಮರ್- ಚಿನ್ನ, ಉತ್ಕರ್ಷ್ ಕಾಳೆ- ಬೆಳ್ಳಿ, ಅಮಿತ್ ಕುಮಾರ್ ಮತ್ತು ಪಂಕಜ್- ಕಂಚು; 65 ಕೆಜಿ ವಿಭಾಗ: ಭಜರಂಗ್- ಚಿನ್ನ, ರಾಹುಲ್ ಮನ್- ಬೆಳ್ಳಿ, ರಜನೀಶ್ ಮತ್ತು ಸುರ್ಜಿತ್-ಕಂಚು; 74 ಕೆಜಿ ವಿಭಾಗ: ಜಿತೇಂದರ್-ಚಿನ್ನ, ಸಂದೀಪ್ ಖರೆ-ಬೆಳ್ಳಿ, ದಿನೇಶ್ ಮತ್ತು ಸತ್ಪಾಲ್- ಕಂಚು