ವಿಶ್ವಕಪ್ ಸ್ಟಾರ್'ಗಳಿಗಿಲ್ಲ ಕ್ರಿಕೆಟ್ ಆಡುವ ಭಾಗ್ಯ: ಮಹಿಳಾ ಕ್ರಿಕೆಟರ್'ಗಳ ಇಂದಿನ ಸ್ಥಿತಿಗೆ ಕಾರಣ ಬಿಸಿಸಿಐ

ಭಾರತದ ಮಹಿಳಾ ಕ್ರಿಕೆಟರ್ಸ್​​ ಕಾಣೆಯಾಗಿದ್ದಾರೆ. ಜೂನ್​ನಲ್ಲಿ ವಿಶ್ವಕಪ್​ ಫೈನಲ್​ನಲ್ಲಿ ಸೋತ ನಂತರ ಯಾವ ಟೂರ್ನಿಲ್ಲೂ ಕಾಣಸಿಗದೆ ಮಾಯವಾಗಿದ್ದಾರೆ ದಯವಿಟ್ಟು ಹುಡುಕಿಕೊಡಿ. ಹೀಗಂತ ಹೇಳ್ತಿರೋದು ಭಾರತದ ಕೋಟ್ಯಾಂತರ ಕ್ರಿಕೆಟ್​​ ಪ್ರೇಮಿಗಳು. ಅವರು ಹೀಗೆ ಹೇಳುತ್ತಿರುವುದಕ್ಕೂ ಕಾರಣವಿದೆ. ಅದೇನು ಅಂತೀರಾ? ಇಲಲಿದೆ ನೋಡಿ ವಿವರ.

ಜೂನ್​ 23, 2017. ಅಂದ್ರೆ ಸರಿಯಾಗಿ 3 ತಂಗಳ ಹಿಂದೆ, ಇಡೀ ಭಾರತವೇ ಹೆಮ್ಮೆ ಪಡುವಂತಹ ದಿನ. ಕಾರಣ ಅಂದು ನಮ್ಮ ದೇಶದ ಹೆಮ್ಮೆಯ ಪುತ್ರಿಯರು ಮಹಿಳಾ ವಿಶ್ವಕಪ್​ನಲ್ಲಿ ಫೈನಲ್​ಗೇರಿದ್ರು. ಅಂದು ಮಿಥಾಲಿ ಪಡೆ ಫೈನಲ್​ನಲ್ಲಿ ಸೋತ್ರೂ ದೇಶದ ಕೀರ್ತಿ ಪತಾಕೆಯನ್ನ ಮುಗಿಲೆತ್ತರಕ್ಕೆ ಹಾರಿಸಿದ್ದರು. ಅಷ್ಟೇ ಅಲ್ಲ ವಿಶ್ವದ ಗಮನ ಸೆಳದಿದ್ದರು.

ಅಂದಿನ ಅವರ ಸಾಧನೆ ಇಡೀ ದೇಶದ ದೃಷ್ಠಿಕೋನವನ್ನೇ ಬದಲಾಯಿಸಿಬಿಟ್ಟಿತ್ತು. ಅಲ್ಲಿವರೆಗೆ ಮಹಿಳಾ ಕ್ರಿಕೆಟ್​​ ಇದೆ ಎಂಬುದರ ಅರಿವೇ ಇಲ್ಲದಿದ್ದ ಜನ ಮಹಿಳಾ ಕ್ರಿಕೆಟ್​​ ಬಗ್ಗೆ ಆಸಕ್ತಿ ತೋರಿಸಿದ್ರು. ಅಷ್ಟೇ ಯಾಕೆ ಪುರುಷರ ಕ್ರಿಕೆಟ್​​​​ನ ಸಮನಾಗೆ ಮಹಿಳಾ ಕ್ರಿಕೆಟ್​​ನನ್ನ ಕಾಣಲು ಶುರುಮಾಡಿದ್ರು. ಅಂದು ವಿಶ್ವಕಪ್​ನಲ್ಲಿ ಆಡಿದ್ದವರು ಸ್ಟಾರ್ಸ್​​ ಆಗಿಬಿಟ್ಟಿದ್ರು.

ಅಂದು ಸ್ಟಾರಾಗಿ ಮೆರದವರು ಈಗ ಎಲ್ಲಿಹೋದ್ರು: ಕಾಣೆಯಾಗಿದ್ದಾರೆ ಭಾರತದ ಮಹಿಳಾ ಕ್ರಿಕೆಟರ್ಸ್​​

ವಿಶ್ವಕಪ್​ ಕಳೆದು 3 ತಿಂಗಳು ಕಳೆದಿವೆ. ಅಂದು ಸ್ಟಾರ್​ಗಳಾಗಿ ಹೆಡ್​​'ಲೈನ್ಸ್​​​'ನಲ್ಲಿ ರಾರಾಜಿಸಿದ್ದವರು ಇಂದು ಕಾಣೆಯಾಗಿಬಿಟ್ಟಿದ್ದಾರೆ. ಅಲ್ಲಿ ಇಲ್ಲಿ ರಿಯಾಲಿಟಿ ಶೋ ಮತ್ತು ಸಂದರ್ಶನಗಳಲ್ಲಿ ಕಣಿಸಿದ್ದು ಬಿಟ್ರೆ ಇವಱರೂ ಮೈದಾನದಲ್ಲಿ ಬ್ಯಾಟ್​ ಮತ್ತು ಬಾಲ್​ ಹಿಡಿದಿದ್ದನ್ನ ನೋಡೇ ಇಲ್ಲ.

ಮಿಥಾಲಿ ಪಡೆ ವಿಶ್ವಕಪ್​'ನಲ್ಲಿ ಕಮಾಲ್​ ಮಾಡಿದ ನಂತರ ಇಷ್ಟು ದಿನ ಎದುರಿಸಿದ ಸಂಕಷ್ಟಗಳೆಲ್ಲಾ ಅಂತ್ಯವಾಗಲಿದೆ. ಇನ್ನುಮುಂದೆ ಪುರುಷ ಕ್ರಿಕೆಟ್​ನಷ್ಟೇ ಮಹಿಳಾ ಕ್ರಿಕೆಟ್​ಗೂ ಬೆಲೆ ಸಿಗಲಿದೆ ಅಂತ ಎಲ್ರೂ ಅಂದುಕೊಂಡಿದ್ರು. ಆದ್ರೆ ಆಗಿದ್ದೇ ಬೇರೆ. ಮತ್ತೆ ಭಾರತದ ಮಹಿಳಾ ಕ್ರಿಕೆಟ್​​ ಕಾಣೆಯಾಗಿಬಿಡ್ತು. ಯಾವೊಂದು ಟೂರ್ನಿಯಲ್ಲೂ ಯಾವೊಬ್ಬ ಆಟಗಾರ್ತಿಯರು ಕಾಣಸಿಗಲೇ ಇಲ್ಲ. 

ಆದ್ರೆ ಮತ್ತೆ  ನಮ್ಮ ದೇಶದಲ್ಲಿ ಮಹಿಳಅ ಕ್ರಿಕೆಟ್​​ ಕಾನೆಯಾಗುವಂತೆ ಮಾಡಿದ್ದು ಬಿಸಿಸಿಐ. ಹೌದು, ದೇಶದಲ್ಲಿ ಉತ್ತಮ ಪ್ರತಿಕ್ರಿಯೇ ಸಿಕ್ಕಿರುವಾಗ ಹೆಚ್ಚು ಹೆಚ್ಚು ವುಮೆನ್ಸ್​​​ ಕ್ರಿಕೆಟ್​​ ಟೂರ್ನಿಯನ್ನ ನಡೆಸೋದನ್ನ ಬಿಟ್ಟು. ಅದನ್ನ ಸಂಪೂರ್ಣವಾಗಿ ಮರೆತು. ಕೇವಲ ಪುರುಷರ ಕ್ರಿಕೆಟ್​​ ಟೂರ್ನಿಗಳಲ್ಲಿ ಬಿಸಿಸಿಐ ಬ್ಯುಸಿಯಾಗಿಬಿಟ್ಟಿದೆ. ಅವರ ಈ ನಿರ್ಲಕ್ಷದಿಂದ ಇಂದು ಮಹಿಳಾ ಕ್ರಿಕೆಟ್​​ ಮತ್ತೆ ಮಾಯಾವಾಗೋ ಹಂತಕ್ಕೆ ಬಂದಿದೆ.

ಮಿಥಾಲಿ ಪಡೆಯ ಮುಂದಿನ ಟೂರ್ನಿಗಾಗಿ ಕಾಯಬೇಕಿದೆ 5 ತಿಂಗಳು: 2018 ಪ್ರೆಬ್ರವರಿಯಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ಸರಣಿ

ಭಾರತದ ಕ್ರಿಕೆಟ್​​ ಪ್ರೇಮಿಗಳು ಮಿಥಾಲಿ ಪಡೆಯನ್ನ ಮತ್ತೆ ಮೈದಾನದಲ್ಲಿ ನೋಡಬೇಕಾದ್ರೆ ಇನ್ನೂ 5 ತಿಂಗಳು ಕಾಯಲೇಬೆಕು. ಕಾರಣ ಅಲ್ಲಿವರೆಗೆ ಟೀಂ ಇಂಡಿಯಾಗೆ ಯಾವುದೇ ಸರಣಿಗಳಿಲ್ಲ. ಫೆಬ್ರವರಿ 5 ರಿಂದ ಮಿಥಾಲಿ ಪಡೆ 3 ಏಕದಿನ ಮತ್ತು 5 ಟಿ20 ಪಂದ್ಯಗಳನ್ನ ಆಡಲಿದೆ.

ಇದನ್ನ ನೋಡುತ್ತಿದ್ದರೆ ಮತ್ತೆ ಭಾರತದಲ್ಲಿ ಮಹಿಳಾ ಕ್ರಿಕೆಟ್​​ ಮಾಯವಾಗಿಬಿಡುತ್ತೆ ಅನಿಸುತ್ತಿದೆ. ಇದರ ನೇರ ಹೊಣೆ ಮಾತ್ರ ಬಿಸಿಸಿಐ ಹೊರಬೇಕಾಗಿದೆ. ಕಾರಣ ವರ್ಷಕ್ಕೆ ಒಂದು ಟೂರ್ನಿಯನ್ನ ಆಯೋಜಿಸುತ್ತಿದೆ. ಆದರೆ ಹೀಗಾಗಬಾರದು. ಮಹಿಳಾ ಕ್ರಿಕೆಟ್​​​ ಮತ್ತೆ ಮಾಯವಾಗಬಾರದು, ಬಿಸಿಸಿಐ ಹೆಚ್ಚೆಚ್ಚು ಸರಣಿಗಳನ್ನ ಆಯೋಜಿಸಲಿ ಎಂಬುದು ಎಲ್ಲರ ಆಸೆ.