4ನೇ ಪಂದ್ಯದಲ್ಲಾದ ರೋಹಿತ್ ಶರ್ಮಾ ರನೌಟ್ ಹಿಂದಿದೆ ಬಹುದೊಡ್ಡ ಮಿಸ್ಟರಿ..!

ಟೀಂ ಇಂಡಿಯಾದ ನಾಯಕ ವಿರಾಟ್​​​​ ಕೊಹ್ಲಗೂ ಉಪನಾಯಕ ರೋಹಿತ್​​​ ಶರ್ಮಾನಿಗೂ  ಒಂದಾಣಿಕೆಯೇ ಇಲ್ಲ. ಇಬ್ಬರಿಗೂ ಒಬ್ಬರನ್ನ ಕಂಡ್ರೆ ಒಬ್ಬರಿಗೆ ಆಗೋದೆ ಇಲ್ಲ. ಒಬ್ಬರ ಯಶಸ್ಸನ್ನ ಮತ್ತೊಬ್ಬರು ಸಹಿಸೋದೇ ಇಲ್ಲ. ಅರ್ರೆ ಯಾಕೀಗೆ ಹೇಳಿದ್ದಾರಪ್ಪ ಅಂದ್ಕೋತಿದ್ದೀರಾ..? ಈ ಸ್ಟೋರಿ ನೋಡಿ ನಿಮಗೇ ತಿಳಿಯುತ್ತದೆ.

ಕೊಹ್ಲಿಗೂ ರೋಹಿತ್​ ಶರ್ಮಾ ನಡುವೆ ಏನೋ ನಡೆಯುತ್ತಿದೆ, ಒಬ್ಬರಿಗೆ ಮತ್ತೊಬ್ಬರನ್ನ ಕಂಡ್ರೆ ಆಗೋದೆ ಇಲ್ಲ, ಅದು ಮೊನ್ನೆ ಬೆಂಗಳೂರಿನಲ್ಲಿ ನಡೆದ ಪಂದ್ಯದಲ್ಲಿ ಜಗ್ಗಜಾಹಿರಾಯ್ತು. 300 ಪ್ಲಸ್​​ ರನ್​ ಅನ್ನ ಚೇಸ್​​ ಮಾಡುವ ವೇಳೆ ಅದ್ಭುತವಾಗಿ ಬ್ಯಾಟ್​​ ಮಾಡುತ್ತಿದ್ದ ರೋಹಿತ್​​​​'ರನ್ನ ಕೊಹ್ಲಿ ಕ್ರೀಸ್​​'ಗೆ ಇಳಿಯುತ್ತಿದಂತೆ ರನೌಟ್ ಮಾಡಿ ಪೆವಿಲಿಯನ್​ಗೆ ಕಳುಹಿಸಿದರು. ಆ ರನೌಟ್​​ ಹೇಗಿತ್ತು ಅಂದ್ರೆ ಕೊಹ್ಲಿಯೇ, ನಿನ್ನ ಜೊತೆ ನನಗೆ ಬ್ಯಾಟಿಂಗ್​ ಮಾಡಲು ಇಷ್ಟವಿಲ್ಲ, ನೀನು ಇಲ್ಲಿಂದ ಹೊರಡು ಎನ್ನುವಂತಿತ್ತು. ಆ ಪರಿ ಇತ್ತು ಮೊನ್ನೆಯ ರನೌಟ್​​.​​​

ಮೊನ್ನೆಯ ರನೌಟ್​​'ನಿಂದ ಪಂದ್ಯದ ಸ್ಥಿತಿ ಬದಲಾಗಿದಂತೂ ಸುಳ್ಳಲ್ಲ. ಆದ್ರೆ ಇವರಿಬ್ಬರ ನಡುವೆ ಒಂದಾಣಿಕೆ ಇಲ್ಲದೆ ಒಬ್ಬರಿಗೊಬ್ಬರು ರನೌಟ್​​ ಬಲೆಗೆ ಬಿದ್ದಿರೋದು ಇದೇ ಮೊದಲೇನಲ್ಲ. 2011ರಿಂದಿಚೆಗೆ ಇವರಿಬ್ಬರ ನಡುವೆ ನಡೆದಿರೋ ರನೌಟ್​​ಗಳ ಸಂಖೆ ಬರೊಬ್ಬರಿ 6. ಒಮ್ಮೆ ಕೊಹ್ಲಿ ರೋಹಿತ್​ರನ್ನ ಔಟ್​​ ಮಾಡಿದ್ರೆ ಮತ್ತೊಮ್ಮೆ ರೋಹಿತ್​​​ ಕೊಹ್ಲಿಯನ್ನ ಔಟ್​​ ಆಗುವಂತೆ ಮಾಡಿದ್ದಾರೆ.

ಅಂದು ಕೊಹ್ಲಿ ಶತಕ ವಂಚಿತನಾಗುವಂತೆ ಮಾಡಿದ್ದ ಹಿಟ್​​ ಮ್ಯಾನ್​​

ಇವರಿಬ್ಬರ ನಡುವಿನ ರನೌಟ್​​​ ವಾರ್​​ ಶುರುವಾಗಿದ್ದು 2011ರಲ್ಲಿ. ಅಂದು ಟೀಂ ಇಂಡಿಯಾ ವಿಂಡೀಸ್​​ ಟೂರ್​​ ಕೈಗೊಂಡಿದ್ದಾಗ ಏಕದಿನ ಪಂದ್ಯದಲ್ಲಿ ಕೊಹ್ಲಿ ಶತಕ ದಾಖಲಿಸೋ ಹುಮ್ಮಸಿನಲ್ಲಿದ್ರು. 93 ರನ್​ಗಳಿಸಿ ಅದ್ಭುತವಾಗಿ ಬ್ಯಾಟ್​​ ಬೀಸುತಿರುವಾಗ್ಲೆ ಶರ್ಮಾ ಕೊಹ್ಲಿಯನ್ನ ರನೌಟ್​​ ಮಾಡಿಸಿಬಿಟ್ರು. ಕೊಹ್ಲಿಯನ್ನ ಶತಕವಂಚಿತನ್ನಾಗಿ ಮಾಡಿದ್ರು.

ಕೊಹ್ಲಿಯನ್ನ ರನೌಟ್​​ ಮಾಡಿಸಿ ದ್ವಿಶತಕ ಸಿಡಿಸಿದ್ದ ರೋಹಿತ್​​

ಕೊಹ್ಲಿಯನ್ನ ಮೊದಲ ಬಾರಿ ರನೌಟ್​​ ಮಾಡಿಸಿ ಸರಿಯಾಗಿ 2 ವರ್ಷದ ನಂತರ ಮತ್ತೆ ರೋಹಿತ್​​ ಕೊಹ್ಲಿಗೆ ಶಾಕ್​ ಕೊಟ್ಟಿದ್ರು. 2013ರಲ್ಲಿ ಆಸ್ಟ್ರೇಲಿಯಾ ವಿರುದ್ಧದ ಪಂದ್ಯದಲ್ಲಿ ಕೊಹ್ಲಿಯನ್ನ ಶೂನ್ಯಕ್ಕೆ ರನೌಟ್​​ ಮಾಡಿಸಿದ್ರು. ಆದ್ರೆ ಅಂದು ಶರ್ಮಾ ಡಬಲ್​ ಸೆಂಚುರಿ ಸಿಡಿಸಿ ಎಲ್ಲರನ್ನ ಸಮಧಾನ ಪಡಿಸಿದ್ರು.

ಕೊಹ್ಲಿಯನ್ನ ರನೌಟ್​​ ಮಾಡಿಸಿದ್ರೆ ದ್ವಿಶತಕ ಸಿಡಿಸೋ ಚಾನ್ಸ್​​ ಸಿಗುತ್ತಾ..?

ಇದೊಂದು ಮಾತು ರೋಹಿತ್​ ವಿಷ್ಯದಲ್ಲಿ ನಿಜವಾಗಿದೆ. ಕಾರಣ 2014ರಲ್ಲಿ ಶ್ರೀಲಂಕಾ ವಿರುದ್ಧದ ಪಂದ್ಯದಲ್ಲಿ ರೋಹಿತ್​ ಮತ್ತೆ ವಿರಾಟ್'​​​ರನ್ನ ಔಟ್​​ ಮಾಡಿಸಿದ್ರು. ಮತ್ತೆ ಶತಕದಂಚಿನಲ್ಲಿದ್ದ ಕೊಹ್ಲಿಯನ್ನ ರನೌಟ್​​ ಮಾಡಿಸಿ ಪೆವಿಲಿಯನ್'​ಗೆ ಕಳುಹಿಸಿದ್ರು. ಆದ್ರೆ ಅಂದು ಶರ್ಮಾ ದಾಖಲೆಯ 264 ವೈಯಕ್ತಿಕ ರನ್​ಗಳಿಸಿ ವಿಶ್ವದ ಮನಗೆದ್ದಿದ್ರು.

2016ರಲ್ಲೂ ಕೊಹ್ಲಿಗೆ ಮತ್ತೆ ಶಾಕ್​​

ಇನ್ನೂ ಕಳೆದ ವರ್ಷ ಟೀಂ ಇಂಡಿಯಾ ಆಸ್ಟ್ರೇಲಿಯಾಗೆ ತೆರಳಿದ್ದಾಗ ಮತ್ತೆ ರೋಹಿತ್​ ಕಣ್ಣು ಕೊಹ್ಲಿ ಮೇಲೆ ಬಿದ್ದುಬಿಟ್ಟಿತ್ತು. ಉತಮ್ಮವಾಗಿ ಆಡುತ್ತಿದ್ದ ಕೊಹ್ಲಿಯನ್ನ ರನೌಟ್​​ ಮಾಡಿಸಿದ್ರು. ವಿಚಿತ್ರ ಅಂದ್ರೆ ಕೊಹ್ಲಿ ಓಟಾದ ಬಳಿಕ ರೋಹಿತ್​​ ಕೂಡ ರನೌಟ್​​ಗೆ ಬಲಿಯಾಗಿದ್ರು.

2017ರ ಚಾಂಪಿಯನ್ಸ್​​ ಟ್ರೋಫಿಯಲ್ಲಿ ಸೇಡು ತೀರಿಸಿಕೊಂಡ ಕೊಹ್ಲಿ

4 ಬಾರಿ ರೋಹಿತ್​'ನಿಂದಾಗಿ ಔಟ್​​ ಆಗಿದ್ದ ವಿರಾಟ್​​ ಕೊಹ್ಲಿ ಮೊದಲ ಬಾರಿಗೆ ತಿರುಗಿ ಬಿದ್ದಿದ್ದು ಚಾಂಪಿಯನ್ಸ್​​ ಟ್ರೋಫಿಯಲ್ಲಿ. ಪಾಕಿಸ್ತಾನ ವಿರುದ್ಧದ ಲೀಗ್​ ಪಂದ್ಯದಲ್ಲಿ ಕೊಹ್ಲಿ, ಶರ್ಮಾರನ್ನ ಔಟ್​​ ಮಾಡಿಸುವ ಮೂಲಕ ಕಳೆದ 4 ಬಾರಿ ರೋಹಿತ್​ ಮಾಡಿದ್ದ ದ್ರೋಹಕ್ಕೆ ಪ್ರತ್ಯುತ್ತರ ನೀಡಿದ್ರು.

ಇದಾದ ನಂತರ ಮೊನ್ನೆ ಅಂದ್ರೆ 4ನೇ ಪಂದ್ಯದಲ್ಲಿ ಮತ್ತೆ ಕೊಹ್ಲಿ ರೋಹಿತ್​ಗೆ ಶಾಕ್​ ಕೊಟ್ಟಿದ್ರು. ಆದ್ರೆ ರೋಹಿತ್​ ಇನ್ನೂ 4-2 ಅಂತರದಿಂದ ರನೌಟ್​​ ಮಾಡಿಸೋದ್ರಲ್ಲಿ ಮುಂದಿದ್ದಾರೆ. ಇದೇ ಕಾರಣಕ್ಕೆ ನಾವು ಮೊದಲೇ ಹೇಳಿದ್ದು ಕೊಹ್ಲಿಗೂ ರೋಹಿತ್​ ಶರ್ಮಾಗೂ ಆಗಿಬರ್ತಿಲ್ಲ ಅಂತ. ಒಂದು ರನ್​ಗಳಿಸುವಾಗ ಸರಿಯಾಗಿ ಜಡ್ಜ್​ ಮಾಡಲಾಗದೆ ಹೀಗೆ ಪರಸ್ಪರ ಔಟ್​​ ಮಾಡಿಸಿ ತಂಡದ ಗೆಲುವಿನ ಫಲಿತಾಂಶದ ಮೇಲೆ ಪರಿಣಾಮ ಬಿರುವಂತೆ ಮಾಡೋದು ಎಷ್ಟು ಸರಿ. ಇನ್ಮುಂದಾದ್ರೂ ಇವರಿಬ್ಬರು ಬುದ್ಧಿ ಕಲಿಯಲಿ. ಸರಿಯಾಗಿ ರನ್​ ಕದಿಯೋದನ್ನ ಕಲಿಯಲಿ ಎಂಬುದಷ್ಟೇ ನಮ್ಮ ಆಶಯ.